Verið að reyna að komast hjá þáttöku okkar.

Nú þegar liggja fyrir öll gögn um það hverju breytt samsetning bílaflotans skilar í því að minnka útblástur gróðurhúsalofttegunda. 

Framundan eru framfarir í gerð vistskárri bíla en nú þegar liggja fyrir aðferðir til að hefja þessa minnkun strax. 

Sem dæmi má nefna að sjálfur hef ég þegar gert ráðstafanir til að minnka minn persónulega útblástur um 70% og var til dæmis síðast í gærkvöldi að koma úr ferð austur í Grímsborgir í Grímsnesi og til baka á léttu vespuvélhjóli, sem er með aðeins þriðjung af útblæstri ódýrustu bílanna. 

Hef síðustu fjóra mánuði ekið alls tæplega 3000 kílómetra á þessu hjóli í ferðum um allt land. 

Í styttri ferðir innanbæjar í Reykjavík nota ég líka rafreiðhjól, sem er með núll útblástur. 

Þetta er upphafið á hreinum sparnaði og ekki skemmir fyrir að slá á þau gagnrök að það sé hægara að predika yfir öðrum en að fara eftir því sjálfur. 

Þjóðir heims leggja mikið upp úr notkun einkabílsins, því að hversdagslegt snatt á honum er langstærsti þátturinn í menguninni. 

Hvergi í veröldinni er jafn auðvelt að gera þetta en hér á landi.

En þá bregður svo við að jafnvel er lagt til að leggja öll gjöld af bensín- og olíuknúnum bílum og láta í staðinn nægja að fara út í hægfara tilraunastarfsemi með því að moka ofan í skurði. 

Með þessu er verið að reyna að komast hjá þátttöku okkar í átaki þjóða heims gegn loftslagsvandanum.

Á sama tíma sem við Íslendingar drögu lappirnar í þessum efnum með mest mengandi bílaflotann í okkar heimshluta berjum við okkur á brjóst og segjumst hafa verið í fararbroddi í viðleitninni við að minnka notkun jarðefnaeldsneytis.

Má skilja af þessu að þetta hefðum við gert af hugsjónaástæðum, en þannig var það nú bara ekki.

Þegar þetta hófst, á stríðsárunum og síðan víða á áttunda og níunda áratugnum var það eingöngu vegna þess að það borgaði sig peningalega og sparaði okkur gjaldeyri.  

Vantar vísindin við endurheimt mýra

Athugasemdir

[Haraldur Guðbjartsson (IP-tala skráð) 26.11.2016 kl. 14:44]

Það er engan vegin rétt.
Öllum samanburði miðað við nýja framleiðslu og förgun á tækjum sem eru til í dag  er ekki með í dæmunum. Öllu sleppt af hagsmunaástæðum.                       Minni mengun við að nýta eldri tæki sem eru í lagi.

Förgun rafhlaðna og nýtingartími er hvergi sagður.
Mikil flutningskostnaður og mikil efnamengun vegna rafhlaðna.

Líftíminn er varla helmingur af sögðum líftíma, það segir reynslan.

Nýjar rafhlöður eru svo dýrar að bílnum er hent.

Allar fréttir af nýjum betri rafhlöðum hefur ekki gengið eftir og eru ekki til en í dag.

En nýir mengunar minni venjulegir bílar eru komnir fram og lofa góðu.
Endingatími rafhlaðna nánast afskrifar rafbíla hérlendis algjörlega, en er nánast ekkert rætt. Og hitunarvandamál á okkar kalda landi eru ekki heldur í .umræðunni. Miklar bilanir og vandamál í þessum aukaorkukerfis miðstöðum

Svo þetta er alls ekki gefið dæmi um hvað sé raunhæft hér sem dæmi.
Svo þar á ofan sem þú villt ekki einu sinni skoða, er mikil og hættuleg hátíðni rafmengun, ekki ósvipað því að sitja inni í örbylgjuofni.

Rafbíll kæmi mér að litlum notum.

[Helgi Armannsson (IP-tala skráð) 26.11.2016 kl. 23:27]

Haraldur ég ek um a rafbil 2010 módel bíllinn hefur aldrei bilað ég er búinn að keyra hann 45000 kilometra.ég hef líka spað i þetta með batteríin að endurniðja þau kostar það mig um 5000 Ástralska dollara gömlu batteríin fara svo i endurvinnslu,þetta eru hlutir sem ég er búinn að rannsaka þó að batteriin séu en i fínu lægi.mig hlakkar bara til að skipta um batteri þvi það eru kominn a markað batteri sem drifa helmingi lengra en eru samt jafn stor þannig að það er ekkert mal að koma þeim firir

[Helgi Armannsson (IP-tala skráð) 26.11.2016 kl. 23:39]

Þetta er alveg rétt hjá Ómari maður a að keyra eins lítil farartæki sem egóið leifir og taka malinn i eigin hendur frekar en að biða eftir breytingum sem koma seint eða aldrei,vest er að manni er refsað firrir að eiga mörg farartæki

[Haukur Kristinsson (IP-tala skráð) 26.11.2016 kl. 23:58]

Hef ekki átt bíl í rúmlega 8 ár. Hinsvegar reiðhjól í þremur löndum, Ísland, Sviss, Grikkland. Nota mikið almenn samgöngutæki; flugvélar (innanlands), rútur, lestir, sporvagna eða leigubíla (taxi). Innkaup ekkert vandamál. Ég er "single", sem skiptir máli. Um fjölskyldur gilda aðrar reglur. En bíllinn virðist enn vera stöðutákn (status symbol) á Íslandi. Í flestum löndum Evrópu er slíkt fyrir löngu "passe."

[Ómar Ragnarsson, 27.11.2016 kl. 00:58]

Ég skora á Harald að hrekja eftirfarandi. 

Léttvespuhjólið                    Ódýrasti, einfaldasti og sparneytnasti bíllinn

128 kíló                                 900 kíló 

230 kíló með einn mann og dót           1000 kíló með einn mann og dót            

2 hjól                                   4 hjól 

Einn strokkur.                           Þrír strokkar.

Rúmtak: 125 cc                           999 cc 

Hraði: 90 km/klst plús                   90 km/klst plús 

Sæti: 1 plús 1.  Meðaltal: 1,1           1 plús 3.  Meðaltal: 1,2) 

Verð: 450 þús.                           Verð: 1900 þús.

Eyðsla: 2,2-2,5 l á 100 km               Eyðsla: 5,5-6,6 l á 100 km.

Ekkert vökvastýri.                       Vökvastýri.

Enginn stýrisgangur.                     Stýrisgangur með tilheyrandi. 

Engar samlæsingar, dyr eða rúður.        Samlæsingar, dyr rúður og tilheyrandi.

Kolefnispor við framleiðslu mjög lágt.   Margfalt meira.

Kolefnisspor við förgun mjög lágt.       Mun meira.

Flatarmál á malbiki: 1,4 fermetrar       5,78 fermetrar

Engin bílastæði                          Eitt bílastæði.  

[Þorsteinn Briem, 27.11.2016 kl. 04:36]

17.8.2016:

"Hægt væri að skipta út allt að 87% banda­rískra bíla með ódýr­um raf­magns­bíl­um jafn­vel þó að öku­menn þeirra gætu ekki hlaðið þá yfir dag­inn.

Þetta er niðurstaða rann­sak­enda við MIT-há­skóla og Santa Fe-stofn­un­ina sem könnuðu akst­urs­hegðun Banda­ríkja­manna og ýmsa þætti sem hafa áhrif á drægi raf­bíla."

Óttinn við drægi rafbíla ofmetinn

[Þorsteinn Briem, 27.11.2016 kl. 04:37]

Í fjölmörgum fylkjum Bandaríkjanna verður miklu kaldara á veturna en hér á Íslandi.

[Þorsteinn Briem, 27.11.2016 kl. 04:37]

Tíu hleðslustöðvar fyrir rafbíla komnar við verslun IKEA í Garðabæ

[Þorsteinn Briem, 27.11.2016 kl. 04:38]

12.9.2016:

New electric bus can drive 350 miles (560 km) on one charge

Frá Reykjavík til Húsavíkur eru 479 km, til Ísafjarðar 455 km og til Hornafjarðar 457 km.

Tafla yfir ýmsar leiðir - Vegagerðin

[Þorsteinn Briem, 27.11.2016 kl. 04:39]

Hér á Íslandi er fjöldinn allur af einkabílum eingöngu notaðir á höfuðborgarsvæðinu, enda tveir bílar á mörgum heimilum.

Og einkarafbíla sem eingöngu eru notaðir á höfuðborgarsvæðinu nægir yfirleitt að hlaða á nokkurra nátta fresti, þar sem meðalakstur einkabíla í Reykjavík er 30 kílómetrar á dag.

Að sjálfsögðu er einnig nauðsynlegt að setja sem fyrst upp hleðslustöðvar á landsbyggðinni fyrir alls kyns rafbíla, til að mynda rafrútur sem ekið verður um allt landið.

[Þorsteinn Briem, 27.11.2016 kl. 04:39]

Meðalakstur einkabíla í Reykjavík er um 11 þúsund kílómetrar á ári, eða 30 kílómetrar á dag.

"Every US specification Nissan LEAF is backed by a New Vehicle Limited Warranty providing: [...] 96 months (í átta ár)/100,000 miles (eða 161 þúsund km.) Lithium-Ion Battery coverage (whichever occurs earlier)."

Nissan Leaf 2015

Og miðað við 11 þúsund kílómetra akstur á ári tekur um fimmtán ár að aka 161 þúsund kílómetra.

[Þorsteinn Briem, 27.11.2016 kl. 04:40]

22.9.2016:

Rafstrætisvagnar keyptir fyrir akstur á höfuðborgarsvæðinu

[Þorsteinn Briem, 27.11.2016 kl. 04:41]

19.9.2016:

Rafrútur keyptar fyrir akstur á milli Reykjavíkur og Keflavíkurflugvallar

[Þorsteinn Briem, 27.11.2016 kl. 04:43]

Hefðbundnar bifreiðar nota mikið af rafbúnaði sem knúinn er af sprengihreyfli en honum fylgir margvíslegur og flókinn búnaður og mengunarskapandi útblástur.

Rafmótorinn hefur hins vegar einungis fáeina hreyfanlega hluti í stað hundruða.

Í rafbíl eru slitfletir margfalt færri og hitamyndun minni, sem skilar sér í lengri endingu.

Rafmótor þarf minna viðhald en hefðbundin bílvél sem þarfnast olíu- og síuskipta, kertaskipta, ventlaskipta, tímareimaskipta, pústviðgerða, viðhalds á vatnsdælu, eldsneytisdælu, rafal og öðru sem fylgir flóknum sprengihreyfli.

[Þorsteinn Briem, 27.11.2016 kl. 04:44]

Ör þróun hefur verið í framleiðslu á rafhlöðum síðastliðna áratugi.

Eigendur rafbíla nota sparnaðinn af því að þurfa ekki að kaupa bensín til að kaupa aðrar vörur og greiða af þeim virðisaukaskatt.

Og rafbílar eru aðallega í hleðslu á næturnar þegar önnur raforkunotkun heimila og fyrirtækja er yfirleitt í lágmarki, þannig að ekki þarf að reisa nýjar virkjanir fyrir allri raforkunotkun rafbíla á öllum íslenskum heimilum.

[Þorsteinn Briem, 27.11.2016 kl. 04:45]

Meðalakstur einkabíla í Reykjavík er um 11 þúsund kílómetrar á ári og því er raforkukostnaður vegna rafbílsins Nissan LEAF þar um 22 þúsund krónur á ári, þar sem kostnaðurinn er um tvær krónur á kílómetra.

Meðalstórt heimili í Reykjavík notar hins vegar um fjögur þúsund kWst raforku fyrir um 70 þúsund krónur á ári.

Raforkukostnaður vegna rafbílsins er því minni en þriðjungur af þeim kostnaði.

Raforkunotkun íslenskra heimila - Vísindavefurinn

[Þorsteinn Briem, 27.11.2016 kl. 04:48]

9.3.2015:

"Raforkuframleiðsla hér á landi hefur nærri tvöfaldast á mann undanfarinn áratug.

Norðmenn eru ekki nema rúmir hálfdrættingar í raforkuframleiðslu á mann."

"Orkustofnun hefur tekið saman heildarraforkuframleiðsluna í fyrra og nam hún 18.120 gígavattstundum."

"Raforkuframleiðsla á hvern íbúa nam tæpum 56 megavattstundum í fyrra.

Árið 2004 nam hún tæpum 30 megavattstundum og aukningin nemur 90 prósentum.

Magnús Júlíusson verkfræðingur á Orkustofnun segir að Norðmenn komi næstir á eftir okkur en þeir hafi um 30 megavattsstundir á íbúa.

Stöðug aukning hefur verið síðustu áratugi. Mesta stökkið varð þegar Kárahnjúkavirkjun var tekin í gagnið í nóvemberlok 2007.

Heimilin nota aðeins fimm af hundraði rafmagnsins en stóriðjan 80 af hundraði."

[Þorsteinn Briem, 27.11.2016 kl. 05:13]

Síðastliðinn þriðjudag:

"Gagn­vart al­menn­ingi er risaþátt­ur­inn sam­göngu­mál.

Góðu frétt­irn­ar eru að tækn­in er til­bú­in, þetta er ekki spurn­ing um til­rauna­verk­efni held­ur er þetta markaðslausn," seg­ir Sig­urður Ingi Friðleifs­son fram­kvæmda­stjóri Orku­set­urs.

"Á næstu fjór­um árum verða all­ar þær teg­und­ir sem menn vilja í boði sem raf­bíl­ar."

"Þetta er auðstill­an­legt með skött­um og íviln­un­um."

Samgöngur eru stóra málið í minni losun gróðurhúsalofttegunda hér á Íslandi

[Þorvaldur S (IP-tala skráð) 27.11.2016 kl. 15:35]

Ómar! Var ekki búið að ræða þetta?

[Ómar Ragnarsson, 27.11.2016 kl. 22:17]

Ekki allt. Og umræðan um samanburð á endurheimt votlendis og því að skipta út orkugjöfum í bílaflotanum er komin á nýtt stig þessa dagana. 

[Þorvaldur S (IP-tala skráð) 28.11.2016 kl. 09:39]

Smámisskilningur. Það sem ég átti við var ummæli þín fyrir örfáum dögum um síbyljandi coppí peist.

[Þorsteinn Briem, 10.12.2016 kl. 02:33]

Meðalstórt heimili í Reykjavík notar um fjögur þúsund kWst raforku á ári.

Raforkukostnaður vegna rafbíls á heimilinu er minni en þriðjungur af þeirri notkun.

Einkarafbíla sem eingöngu eru notaðir á höfuðborgarsvæðinu hér á Íslandi nægir yfirleitt að hlaða á nokkurra nátta fresti, þar sem meðalakstur einkabíla í Reykjavík er 30 kílómetrar á dag.

Og öll heimili nota einungis 5% raforkunnar hér á Íslandi.