Hve margir Íslendingar þekkja Kia Rio ofan frá?

Í rannsókn Geirfinnsmálsins var birt mynd af honum, sem var orðin alveg úrelt, því að útlit hans hafði breyst. 

Nú er birt mynd af Kia Rio þar sem horft er ofan á bílinn. 

Hve margir Íslendingar þekkja Kia Rio ofan frá? 

Langflestir sjá bíla úr sömu hæð og þeir standa sjálfir, það er framan frá, á hlið, aftan frá eða á ská. 

En ævinlega úr láréttri átt. 

Hvernig væri nú að birta mynd af rauðum Kia, sem horft er á úr sömu átt og vegfarendur sjá bíla? 

Birna sást síðast í miðbænum

Athugasemdir

[Ragna Birgisdóttir, 16.1.2017 kl. 19:46]

Ekki get ég þekkt tegundina af þessum myndum. Finnst þessir bílar afskaplega líkir margir. Blessuð stúlkan. Vonandi finnst hún fljótt heil á húfi <3

[Elín Sigurðardóttir (IP-tala skráð) 16.1.2017 kl. 20:38]

Er ekki hægt að finna önnur símanúmer sem ferðast með símanum hennar úr miðbænum inn í Hafnarfjörð á þessum tíma?

[Jón Valur Jensson, 16.1.2017 kl. 22:36]

Mjög góð ábending frá Elínu.

Ómar, áttu ekki fullt af bílamyndum? :)

[Ásgrímur Hartmannsson, 17.1.2017 kl. 00:21]

Þetta skiftir líklegast engu máli.  Nema daman hafi beinlínis fengið far með hverjum sem ók þessum bíl.

Kia Rio?  Óspennandi.  Lítur út eins og annar hver bíll.

[Gunnar Th. Gunnarsson, 17.1.2017 kl. 06:08]

Mér finnst furðulegt að ekki skuli lögð ofuráhersla að finna þennan bíl. Ef skýringin á því að ökumaðurinn hafi ekki gefið sig fram sé sú að um útlending sé að ræða, þá aukast líkurnar á að þetta hafi verið bílaleigubíll. Hægt væri að athuga allar bílaleigur með þessa tegund og athuga alla karlmenn á aldrinum 25-50 ára til að byrja með, sem leigðu slíkan bíl. Þeir geta ekki verið margir. Svo mætti athuga ökutækjaskrá og athuga hvort erlendir karlmenn á þessum aldri séu skráðir fyrir slíkum bíl.

Ef ökumaður bílsins var íslenskur, afhverju gefur hann sig þá ekki fram? Það er grunsamlegt. 

Grímur Grímson telur ólíklegt að stelpan hafi náð að fara í bílinn á 15 sekúndum. Hverslags bull er það?

[Ómar Ragnarsson, 17.1.2017 kl. 07:38]

Það er enginn vandi að finna góðar myndir á netinu af Kia Rio sem er eins og þessi sem myndin birtist af hjá lögreglunni og sést frá líklegasta sjónarhorninu. 

En myndbirting hjá mér hefur ekkert líkt því eins mikil áhrif og í sjónvarpi og öðrum samfélagsmiðlum. 

Þetta mál er þannig vaxið, að enda þótt hvaða atriði sem er geti sýnst lítilvægt og að afar litlar líkur séu á því að á þessum tíma sólarhrings hafi einhver séð þennan Kia Rio bíl á ferð, svo að hægt sé að reiða sig á þann framburð, þá verður að skoða hvert einasta atriði. 

Þess vegna er sjálfsagt hjá lögreglunnni að birta mynd af þessum bíl, en jafn fráleitt að birta ekki mynd af honum frá því sjónarhorni, sem líklegast er að einhver hafi séð hann. 

[Elín Sigurðardóttir (IP-tala skráð) 17.1.2017 kl. 07:47]

Hún sést í myndavél á Laugavegi 21 en kemur ekki fram í myndavél á Laugavegi 31. Er ekki alveg eins líklegt að hún hafi farið niður Klapparstíg eins og Vatnsstíg?  Eru myndavélar á Klapparstíg?  Sést bílaumferð á Klapparstíg / Hverfisgötu?

[Ómar Ragnarsson, 17.1.2017 kl. 08:44]

Takk, Jón Valur. Var reyndar búinn að benda fréttamönnum á þetta strax í gærkvöldi til þess að hægt væri að bregðast við þessara ábendingu, ef það þætti gagnlegt og vonaðist til þess að það nægði, því að máttur gangandi ljósvakamiðla er margfalt meiri en einnar bloggsíðu.

Álagið er svo mikið á 4441000 að maður kemst ekki að þar. 

Þótt einhverjum kunni að sýnast þetta óþarfi hjá mér er ég búinn að setja mynd af rauðum nýlegum Kia Rio séðum á ská framan frá inn á nýjan bloggpistil um málið. 

Geri það í þeim anda að hvert smælki geti skipt máli í "púsluspilinu" sem lögreglan lýsir réttilega að þetta mál sé. 

[Jack Daniel's, 17.1.2017 kl. 08:59]

Kia Rio er auðþekktur á myndinni af nokkrum ástæðum.
Fyrir það fyrsta er það lagið á framendanum og ljósunum og síðan er merkið á húddinu þokkalega greinilegt.
Hér er mynd af samskonar bíl

http://s3.caradvice.com.au/thumb/1000/562/wp-content/uploads/2016/09/2017-Kia-Rio-7.jpg