Klukkan færð til baka um 77 ár ?

Einangrunarsstefna í stíl við það sem Donald Trump boðar nú, ríkti fram til 1917 þegar sjóhernaður Þjóðverja ógnaði sjóflutningum til og frá Bandaríkjunum og upp kom, að Þjóðverjar reyndu að egna Mexíkóa gegn Bandarríkjamönnum og Bandaríkjamenn sendu hermenn til Frakklands, sem réðu hugsanlega úrslitum um ósigur Þjóðverja . 

Eftir stríðið féllu Bandaríkjamenn aftur í far einangrunarstefnu sem ríkti til 7. desember 1941 þegar Japanir réðust á Pearl Harbour. 

Raunar hafði Roosevelt forseti horfið frá einangrunarstefnunni fyrr með því að veita Bretum dýrmæta hjálp í formi láns- og leigkjara varðandi vopnasendingar til þeirra. 

Roosevelt taldi sig knúinn til að lofa því að Bandaríkin myndu ekki láta draga sig inn í stríðið í Evrópu og hernað Japana í Kína nema að ráðist væri á Bandaríkin. 

Hann nýtti sér hins vegar Samúræja hugsunarhátt japanskra herforingja með því að hóta viðskiptaþvingunum og krefjast brottflutnings japansks herliðs frá Kína, en efnahagsþvinganirnar þýddu að japanski herinn yrði olíulaus eftir nokkra mánuði og bæði það og brotthvarf frá Kína var óhugsandi niðurlæging fyrir Japani og útþenslustefnu þeirra í Asíu. 

Þeir töldu sig þess vegna nauðbeygða til að gera árás af fyrra bragði á Bandaríkin á þann hátt að bandaríski flotinn yrði sleginn út í skyndárás. 

Eftir stríðið hefðu Bandaríkjamenn getað horfið til einangrunarstefnu á ný í stíl við það sem Trump hyggist gera nú. 

En þeir töldu að slíkt væri skammsýni því að hinar veikluðu Evrópuþjóðir og Japanir myndu fyrst og fremst gagnast Sovétríkjunum. 

Þess vegna var farið út í svonefnda Marshall-aðstoð sem byggðist á því að þegar til lengri tíma væri litið myndu allir aðilar, bæði gefendur og þiggjendur, græða á þessari aðstoð vegna semlegðaráhrifa aukinna viðskipta. 

Þetta gekk eftir og væði í Evrópu og í Japan var talað um "efnahagsundur." 

Donald Trump hyggst binda enda á þetta með því að kjörorðið verði "að gera Bandaríkin stórkostleg á ný." 

Svipað hefur reyndar heyrst áður, þegar Þjóðverja dreymdi um það eftir hina illræmdu Versalasamninga að "gera Þýskaland stórkostlegt á ný."

Hyggst sameina Bandaríkjamenn

Athugasemdir

[Þorvaldur Sigurdsson (IP-tala skráð) 20.1.2017 kl. 17:30]

Skakkar ekki um mánuð með árásina á Perluhöfn?

[kristinn geir steindórsson briem (IP-tala skráð) 21.1.2017 kl. 08:28]

agæt grein . en ekki voru nú bandaríkinnbara hugsa um stríðshrjáð ríki. fyrir algera tilviljun voru það bandarísk fyrirtæki sem nutu góðs af. en hvað um það. stonun sameinuðu þjóðana var stærra skref. þar lærðu þeir mikkið af þjóðarbandalaginu. enda reðu breta og frakkar meira í því bandalagi. kanski við þurfum nýja stofnun við nýjar aðstæður. trump þarf ekki að vera slæmur kostur ann síndi þegar kröfuhafar í trumpveldið gerðu hann að sölumanni stóð hann sig ágætlega þar. en ekki mindi ég lána honum peníng. athiglisvert með trumpturninn hann virðist ekki vera fullbúin. svo snilli hans er nokkuð ofmetinn

[Ómar Ragnarsson, 21.1.2017 kl. 10:32]

Takk, Þorvaldur. Þetta eru verstu innsláttarvillurnar, sem maður á enga von á að gera. Búinn að leiðrétta þetta.