Íslands þúsund ár

21.2.2017 | 20:30

Hernaðurinn hertur gegn náttúru Mývatnssveitar.

Í fréttum: Gullfoss í gær, - Mývatn í dag. Í gær: "Brugðist strax við" við Gullfoss gegn drullusvaði, sem þar hafði myndast, - en í fréttum í kvöld fjallað um hvernig aðförinni að náttúru Mývatnssveitar er haldið áfram fyrir norðan.

Hernaðurinn nyrðra er alltumlykjandi og íslenska hræsnin yfirgengileg, auglýst og grætt á ferðamannasprengju með því að gorta af hreinu og grænu umhverfi einstæðrar náttúruperlu á sama tíma og hótelrekstur með bellibrögðum, svikum og vanrækslu varðandi hreinsun affalls er látinn dankast árum saman.

Sveitarstjórnarmenn í bullandi hagsmunapoti sem birtist í undanþágum, aðgerðarleysi og því að fara þannig í kringum lagaákvæði til verndar umhverfinu, að þau verði gagnslaus.

En það sem sást í fréttum kvöldins er aðeins hluti af hernaðinum.

Fyrir norðan vatnið er farið fram með offorsi við að leggja stórar háspennulínur án þess að taka neitt tillit til eðlis landsins, sem þær eiga að fara um.

Aðeins þrjá kílómetra austan við austurbakka vatnsins er búið að ryðja svæði fyrir 90 megavatta gufuorkuver í stíl virkjananna á Hellisheiðarsvæðinu.

Kröfluvirkjun á að þenja út og teygja norður á Leirhnjúks-Gjástykkissvæðið, þar sem eru náttúrufyrirbæri, sem hvergi finnast annars staðar á þurrlendi jarðar.

Hernaðurinn nær langt norðvestur fyrir Þeystareyki, þar sem háspennulínustæðið á að valda mestu mögulegu umhverfisspjöllum.

	Brugðust strax við vegna drullusvaðs
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 22:39 | Facebook

Athugasemdir

Eftirtektarvert hversu andsnúinn oddvitinn var því að láta Náttúruna njóta vafans. Sérstaklega í ljósi þess að sjálfur rekur hann hótel á vatnsbakkanum og hefur lifibrauð sitt af þeim sem koma til náttúruskoðunar.

-Líklega atlaga að ríkjandi íslandsmeti í Skammsýni... -eða það að hann er að vonast til að geta sent frárennslisreikninginn á Ríkið?

Sigurður Sunnanvindur (IP-tala skráð) 21.2.2017 kl. 22:01