"Veðurkona frægð nú fær..."

Mexíkóska veðurfréttakonan Susana Almeida hefur nú hlotið meiri heimsfrægð, að minnsta kosti í bili, en nokkur annar veðurfréttamaður.

Þessa frægð hefur hún öðlast fyrir klæðaburð sinn sem var þess eðlis á sjónvarpsskjám að frétt um það og mynd hefur trónað efst á fréttalista mbl.is sem mest lesna frétt dagsins og sennilega á mörgum öðrum löndum. Um það gæti gilt þessi ferskeytla:

 

Veðurkona frægð nú fær,

svo fýrar andann grípa.

Töff á skjánum trónir mær

sem Trump langar að klípa.

 

Þetta er ferskeytla, en eðli málsins samkvæmt ætti kannski að breyta henni í það, sem ég hef kallað "sexskeytlur" í rúman aldarfjórðung.

Þá er bætt inn í ferskeytlu stuttri þriðju línu, og til að fá jafnvegi í vísuna er bætt við stuttri, sjöttu línu í endann.

Þá verður sexskeytlan svona:

 

Veðurkona frægð nú fær,

svo fýrar andann grípa -

- mjög víða.

Töff á skjánum trónir mær,

sem Trump langar að klípa -

- og - bjóða út að borða.   

 

Af tæknilegum ástæðum tókst ekki að tengja þennan bloggpistil við fréttina á mbl.is fyrr í kvöld, svo að það er gert hér í annarri tilraun. 

Klæðnaður veðurfréttakonu vekur heimsathygli

Athugasemdir

[Ómar Ragnarsson, 23.2.2017 kl. 00:12]

Steini Briem gerði eftirfarandi athugasemd: 

Fræg um veröld varð í gær

veðurfréttapíka. 

Aðskorin var öll sú mær. 

Ómar sá það líka. 

[Ragna Birgisdóttir, 23.2.2017 kl. 11:27]

Þið Steini eruð langflottastir

[Þorvaldur S (IP-tala skráð) 23.2.2017 kl. 11:52]

Og svo kyssti hann á vöndinn!