Samt eru og verða ekki til peningar til að aflétta þjóðarskömm.

Ástandið á Geysissvæðinu hefur verið þjóðarskömm í marga áratugi en samt virðast vera til nógir peningar til að gera allt annað en að ganga almennilega frá hverasvæðinu. 

Ástand þess verður enn ljósara þeim, sem hafa komið á hliðstæð hverasvæði erlendis, svo sem Yellowstone. 

Allt tal um að deilur um eignarhald á hversvæðinu hafi búið til þessa stöðu er aumkunarvert og að þess vegna skorti fjárveitingar. Erlendi gesturinn sér bara svæðið eins og það er og veit að það eru Íslendingar sem eiga svæðið.   

Á sama tíma eru nógir peningar til þess að reisa þúsund manna ferðaþjónustuþorp "með útsýni yfir Langjökul í allar áttir" eins og ferðagreifarnir orða það. 

Ferðaþjónustuþorp er svosem ágæt hugmynd og þarft mál að treysta sem flesta innviði ferðaþjónustunnar. 

En dálítið er nú skrumkennt sumt sem látið er flakka, svo sem um útsýnið frá Geysi. 

Í fyrsta lagi er Langjökull aðeins í eina átt frá Geysi og í öðru lagi sést Langjökull ekki frá Geysissvæðinu. 

Ágætir menn bjuggu á sínum tíma til orðið "kvótagreifar" um þá sem eiga sjávarauðlindina í raun í gegnum kvótakerfið. 

Nú eru líka komnir "ferðagreifar", sem hafa átt eða eiga flestar landareignirnar sem dýrmætustu náttúruverðmæti landsins eru á.

Slíkt er ekki leyft í landi frelsisins, Bandaríkjunum, en á okkar landi er hugsunarhátturinn ekki ólíkur því sem hann var á tímum danska konungsins, sem var líka konungur Íslands og leyfði dönskum "greifum" og þó einkum íslenskum aðli þess tíma, embættismönnum, kaupmönnum og stórbændum þess tíma auk kirkjunnar og konungs sjálfs að eiga 90% af öllum landareignum á Íslandi. 

90% íslenskra bænda voru leiguliðar. 

Ferðaþjónustuþorp við Geysi

Athugasemdir

[kristinn geir steindórsson briem (IP-tala skráð) 15.3.2017 kl. 11:05]

það er nú nokkur munur á húsafelsbóndanum og geisi eða eru komnar upp stæri hugmyndir anarstaðar á jöklinum að laga til á geisi er ekki auðunnið bara að verkfræðíngur sníti sér á svæðinu mun kosta milljónir. nú eru til ymis sjálboðalyðisfélög til sem gætu unnið á svæðinu ef vilji er til vandin er að allir eigendur hugsa eins ekki ég heldur allir hinir. ef fréttir ru réttar er ríkið búið að kaupa geysi svo það er bara einn sem hugsar ekki ég 

[Þorsteinn Briem, 15.3.2017 kl. 12:57]

7.10.2016:

"Íslenska ríkið hefur komist að samkomulagi við Landeigendafélag Geysis um kaup á öllum eignarhlutum landeigendafélagsins innan girðingar á Geysissvæðinu.

Þar með er bundinn endi á áratugalangan ágreining um verndun og uppbyggingu svæðisins."

"Samningurinn markar tímamót því hann auðveldar heildstæða uppbyggingu á svæðinu í samræmi við niðurstöðu í hugmyndasamkeppni um Geysissvæðið sem haldin var fyrir nokkrum misserum."

Ríkið kaupir Geysissvæðið

[Ómar Ragnarsson, 15.3.2017 kl. 16:32]

Söm er þjóðarskömmin. 

[Ragna Birgisdóttir, 15.3.2017 kl. 18:31]

Já víð eigum marga þjóðarskömmina Ómar. Nú er Reykjavíkurborg búin að semja við aflandseignarmann,afskriftarpésa,sakamann og hrokatitt um byggingu á 330 íbúðum í RVK . Eiginkona hans hágrét opinberlega yfir því að maður hennar hefði engin forréttindi inni í fangelsinu og skildi bara ekkert í því yfirhöfuð hvernig stæði á því að hann sæti inni.http://kvennabladid.is/2017/03/15/felag-olafs-olafssonar-byggir-rumlega-300-ibudir/  Sukkliðið komið á fullt enda komið inn með peningana sem það kom undan búið að kaupa upp megnið af lausu íbúðarhúsnæði,byrjað að braska og 2007 komið á fullt. Þvílík Djöflaeyja sem við búum á.

[kristinn geir steindórsson briem (IP-tala skráð) 15.3.2017 kl. 22:50]

steini briem: las greinina jú það er talað um kaup an kaupverðs ef ég þekki haukadalsmen rétt. verður ekki auðhlaupið til samnínga.  miðað við aðrar nágranaerjurá svæðinu