Íslands þúsund ár

26.3.2017 | 12:12

Margra ára þróun framundan. "Bíllinn bjargar"?

Hugsanlega hefði sjálfkeyrandi bíll, sem lenti í árekstri í Arizona á föstudag, samt lent í þessum árekstri þótt honum hefði verið stýrt af bílstjóra.

Ástæðan er sú að talið er að bílstjóri hins bílsins, sem lenti í árekstrinum, hafi átt sök á árekstrinum.

Þar með vaknar spurning um það hvort hinn bíllinn í árekstrinum hefði lent í árekstri ef hann hefði verið sjálfkeyrandi og þar með hlýtt biðskyldu.

Gallinn á sjálfkeyrandi bílum er sá að þeir munu lenda í árekstrum ekkert síður en aðrir bílar.

Framundan eru ekki aðeins mörg ár sem þarf til að þróa þessa byltingarkenndu tækni að sögn þeirra sem ættu að vita það gerst.

En þar á ofan er líka framundan afar óþægilegt tímabil þar sem bílar, sem ökumenn aka, munu valda árekstrum vegna óvæntra og ófyrirséðra mistaka þeirra.

Blanda af sjálkeyrandi bílum og venjulegum bílum er erfið að fást við þegar verið er að forrita sjálfkeyrandi bílana og endurbæta búnað þeirra.

Á meðan eru framundan athyglisverð ár með bílum, sem eru að vísu ekki sjálfkeyrandi, en hafa svo þróað aðvörunarkerfi, að það afstýrir árekstrum.

Í nýja Suzuki Jimny bílnum, sem er hvorki stór né dýr, er til dæmis kerfi, sem hægir sjálft á bílnum þegar hann nálgast annan bíl, sem er til dæmis fyrir framan hann í umferð, á hættulegan hátt.

Þetta gæti komið sér vel þegar bílstjóri bíls með þessa tækni væri ekki stanslaust með hugann við aksturinn, til dæmis að kíkja á snjallsíma.

Á móti kemur sá möguleiki að bílstjórar fari að freistast til að kíkja á símana í trausti þess að árekstravari bílsins bjargi þeim ef hætta skapast.

Í upphafi notkunar bílbelta varð til slagorðið "beltin bjarga!". Nú gætu verið að skapast aðstæður fyrir kjörorðið "bíllinn bjargar!"

	Sjálfkeyrandi Uber lenti í árekstri
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 12:37 | Facebook

Athugasemdir

Ég veit að flugmönnum er ráðlagt að treysta sjálfstýringunni og flestur þeirra gera en fyrir bragðið eru þeir ekki mjög klárir þegar einhvað reynir á.

Ég skil samt ekki þessa áráttu að setja sjálfstýringu í bíla en hver er hugmyndafræðin á bak við það. Hvernig væri bara að hringja í leigubíl.

Komum með dæmi en hvernig litist mönnum á að hafa sjálf-skotnar byssur þar sem hita og leysi geisli myndi stjórna gikknum. Það myndi ekkert skot geiga.Þetta væri alveg fullkomið en menn gætu sett þær upp við heimili sín og stillt fjarlægð metir innan við lóðarmörk til þess að vera löglegir.

Valdimar Samúelsson, 26.3.2017 kl. 15:13