Endilega að njörva Íslandi niður í net risa háspennulína.

Það kom fram í máli eins af talsmönnum risavaxinna háspennulína um allt Ísland, að hér áður fyrr hefði fólk fagnað því að sjá slík mannvirki sem víðast. 

Það var á þeim tíma sem verið var að rafvæða landið og leggja rafmagn heim á bæina. 

Fyrrum iðnaðarráðherra, Valgerður Sverrisdóttir, lýsti því í viðtali að það sem hefði markað hennar sýn til allrar framtíðar hefði verið þegar hún sem ung stelpa hefði horft á flotta stráka koma til að leggja rafmagn heim á bæina fyrir norðan. 

Enn virðast ráða ferðinni hér á landi þeir, sem halda að ekkert hafi breyst síðustu hálfa öld, þegar það var eina ráðið til að "bjarga" byggðum að "skaffa" sem stærst verkefni fyrir fjölmennan verkalýð þess tíma þegar hrátt handafl var helsta uppspretta "atvinnuuppbyggingar".

Þegar verksmiðjur SÍS misstu markaði í Sovétríkjunum við fall þeirra um 1990 var hrópað um að eina ráðið til að "bjarga" Akureyri og Eyjafirði væri að reisa risaálver.

Þeir sem höfðu hugmyndir um tækifærin, sem nú hafa skapað þjóðinni stærsta atvinnuveginn með mestu gjaldeyristekjurnar voru úthrópaðir sem "kverúlantar", "fjallagrasatínslufólk" sem "væri á móti rafmagni" og "á móti atvinnuuppbyggingu."

Enn ráða þessi 50 ára gömlu stóriðjusjónarmið mestu um meðferðina á landinu, sem nú malar gull sem ósnortið land einstæðrar náttúru.

 

Samkvæmt könnun á viðhorfum erlendra ferðamanna, eru engin mannvirki, sem þeir sjá og trufla upplifun þeirra meira en tröllauknar háspennulínur. 

En einmitt slíkar línur skulu nú njörva allt Ísland niður í net skógar af möstrum og línum. 

Nú síðast í Morgunblaðinu fyrir nokkrum dögum var þess krafist að mannvirkjabelti háspennulína og virkjana með tilheyrandi vegakerfi yrði lagt í gegnum hjarta landsins um Sprengisand. 

Þegar bændur fór að skoða grundvöll Blöndulínu 3 og þær fullyrðingar Landsnets að hún væri nauðsynleg til að gefa byggðunum afhendingaröryggi kom í ljós að þessi risalína átti hvergi að tengjast neinum spennivirkjum byrir byggðarafmagn heldur eingöngu að þjóna stóriðjunni. 

Kröflulína 3 er ekki eina stóriðjumannvirkið sem á að fara þannig um víðerni Norðausturlands að eftir sé tekið. 

Enn stendur óhögguð sú niðurstaða nefndar um skipulag miðhálendisins að skilgreina skuli svæðið Leirhnjúk-Gjástykki sem "iðnaðarsvæði", þ. e. virkjanasvæði. 

Verði það að veruleika getum við endanlega afskrifað að nokkru verði þyrmt af helstu náttúrudjásnum Íslands. 

 

Mannvirki skerði ekki ósnortið land

Athugasemdir

[Jón Þórhallsson, 3.5.2017 kl. 08:36]

Hvar er Ari Trausti í VG; nátturuvinur og Alþingismaður

og hugsar hlutin í meiri dýpt en aðrir þarna inni á þinginu?

Hver er afstaða hans til allra þessara mála?

Hvað vil hann gera?

1.Friða allt?

2.Að nota sem mest jarðstreng?

3.Eða hvað?

[Þorsteinn Briem, 3.5.2017 kl. 11:02]

Illt að vera vinstri grænn,
í voða sexí línum,
Ari Trausti afar kænn,
í er G-streng sínum.

[Jón Þórhallsson, 3.5.2017 kl. 11:21]

Þó að maður sé ekki sammála öllu í stefnu vg né skráður í þann flokk;

að þá gæti verið fróðlegt að heyra álit Ara Trausta á öllum þessum málum.

1.Vil hann friða allt landslag?

2.Nota fyrirhugaðan ágóða hjá Landsvirkjun                                     til að koma öllum háspennulínum í jörð?

3.Er kannski engin þörf á því að styrkja landslínukerfið hringinn í kringum landið?

--------------------------------------------------------------------------

Það þarf að hugsa þessi mál meira í lausnum heldur en í hanaati og áskökunnartón eins og tíðkast í Kastljósi.

=A vinna meira merð heildarmyndir á tækniteikningum.

[Jónas Gunnlaugsson, 3.5.2017 kl. 11:30]

Ég hefði gaman að vita hvort þið sjáið bloggi hjá mér?

http://jonasg-egi.blog.is/blog/jonasg-egi/

http://jonasg-eg.blog.is/blog/jonasg-eg/

Egilsstaðir, 03.05.2017 Jónas Gunnlaugsson

[Jónas Gunnlaugsson, 3.5.2017 kl. 11:58]

Hugsa, hugsa, hugsa.

Háspennulínur vel frá íveruhúsum.

Þá er ég að ímynda mér að 500 metrar er stutt, kílómetri betra.

 

Ekki stökkva í lítt reyndar lausnir en öryggið sé í fyrirrúmi.

Hlusta á verkfræðingana.

 

Okkur vantar strax línu frá Vatnsfelli, Þjórsárkerfinu, og til Kárahnjúka, kerfisins.

 

Reikna út hvað mikið við töpum á því að hleypa vatninu fram hjá Kárahnjúkum, þegar vatn er lítið í Þjórsár kerfinu, eða öfugt, vatni hleypt framhjá í Vatnsfelli en skortur í Kárahnjúkum.

 

Þessi stýring á að fara eftir því hvernig staðan er í lónunum á hverjum stað.

Munum að við notum línurna í 50 ár, og þá verða komin ný viðmið, ný tækni og við tökum línurnar niður.

 

000

Þetta er líkt og með rafmagnsbílana, að þróunin er svo hröð,   að það er ágætt að fara ekki of hratt í breytingar, bílarnir verða betri með hverju árinu.

000

 

Línurnar verði í tvöfaldri fjarlægð frá byggðu bóli, miðað við hvað tæknimennirnir telja að sé í lagi.

Lágmarkið verði ríflegt, til dæmis einn kílómetri.

Egilsstaðir, 03.05.2017  Jónas Gunnlaugsson

[kristinn geir steindórsson briem (IP-tala skráð) 3.5.2017 kl. 11:58]

ari traust hefur tjáð mér að hann sé ekki  mótfalli níjum hugmyndum um blöndulínu. enda er maðurin eingin öfgamaður í þessum efnum. og hefur unnið bæði með landsvirkjun og landsneti um ímis mál hvor þessar stofnanir filgja ráðleggíngum hans veit ég ekki.hvort sem friðunarsinnarlikar það illa þá þarf að endurnýja mikkið af línum víða um land þá er það spurníngin hvort menn vilja eina stóra línu eða margar litlar