Fróðleg heimildamynd um ótrúlega illsku.

Eini blaðamaðurinn sem slapp lifandi til baka frá því að komast inn að innsta hring "Íslamska ríksins" gaf í heimildarmynd í sjónvarpi í gærkvöldi innsýn í vitfirrta veröld kalífadæmis, sem var meira en tvöfalt stærra en Ísland þegar landvinningar þess stóðu sem hæst fyrir tveimur árum. 

Myndin hófst á yfirlýsingu Georgs W. Bush Bandaríkjaforseta þess efnis að Bandaríkin myndu færa þjóðunum á þessu svæði frið með innrásinni í Írak. 

Þá voru múslimskir hryðjuverkamenn nokkur þúsund, en 14 árum síðar eru þeir orðnir meira en hundrað þúsund. 

Í viðtali í myndinni við vestrænan sérfræðing um Íslam kom fram að ekki væri snefil af Íslamstrú að finna í boðun Íslamska ríkisins og vitnaði sérfræðingurinn í friðarboðskap Kóransins máli sínu til stuðnings og það ákvæði hans að aðeins í hreinni sjálfsvörn væri heimilt að grípa til vopna. Einnig vitnaði hann í þau ákvæði Kóransins sem leyfðu að iðkendur annarra trúarbragða fengu að gera það í friði. 

Talsmaður Íslamska ríkisins glotti ógeðslega á hrollvekjandi hátt þegar hann lýsti þeim manndrápum víða um lönd sem Íslamska ríkið myndi standa að, og í myndinni var því lýst, hvernig hinir trylltu vitfirringar nýttu sér opinn huga ungmenna til þess að heilaþvo þau til illvirkja og manndrápa. 

Athyglisvert var hvernig talsmenn ríkisins telja shía í Írak og Íran réttdræpa sem trúvillinga. 

En talsmaður ISIS taldi að komandi herferðir inn í Evrópu og jafnvel til Ameríku yrðu farnar til að hefna fyrir landvinninga nýlenduveldanna fyrr á tíð. 

Sagt hefur verið að múslimar hafi notað hervald til að breiða ríki sitt svo mjög út frá stofnun trúarbragðanna, að það náði þegar mest var yfir Arabalöndin, Norður-Afríku og Íberíuskaga, auk Balkanskagans. 

En ofstækisbrjálæðingarnir sem stofnuðu Íslamska ríkið, telja sig vera að hefna margfalt meiri landvinninga kristinna þjóða á tímum nýlenduveldanna, sem fékkst með beitingu hervalds. 

Stoðar lítið að benda á að sá tími sé liðinn, því að í fyrrum nýlendum telja margir að hernaðaríhlutun Bandaríkjanna í Írak og dulbúin nýlendustefna í formi ágengni vestrænna stórfyrirtækja sé angi af sama meiði. 

Styrmir Gunnarsson hefur bent á það á bloggsíðu sinni að ekki sé nóg að kveða niður hina morðóðu glæpamenn Íslamska ríkisins og vitfirrtar hryðjuverkasveitir þeirra, heldur þurfi ráðast að þeirri rót hefndarhugarins, sem felst í sárindunum í þriðja heiminum vegna ofbeldis nýlenduherranna vestrænu. 

Stærstu hernaðarlandvinningar sögunnar voru á vegum nýlenduveldanna. Í breska heimsveldinu settist sólin aldrei. 

Nýtt dæmi um umfang ofbeldisins í þessum nýlendum er talan 10-15 milljónir blökkumanna, sem talið er að Belgar hafi drepið í Kongó. 

Sú var tíð fyrr á öldum að vitnað var í Biblíuna þegar hervaldi var beitt til að breiða út kristni og er styttan á Stiklastað af Ólafi "helga" Haraldssyni Noregskonungi á prjónandi hesti með sverð í annarri hendi og Biblíuna í hinni tákn um það. 

Þetta er sem betur fer liðin tíð en landvinningar í staðinn oft gerðir í nafni stjórnmálakenninga. 

Og nýlenduútþensla Japana á síðustu öld var einhver hin grimmilegasta í mannkynssögunni og með trúarlegu ívafi, þar sem keisarinn var heilagur maður. 

Á síðustu öldum hafa kristnir menn að mestu kveðið í kútinn þá, sem leita uppi afmarkaðar setningar í Biblíunni til að réttlæta trúarlegt ofstæki og hafa í staðinn innleitt mannréttindi, frjálslyndi og skilning. 

Þótt höfundur heimildarmyndarinnar um Íslamska ríkið segði, að 1.500 milljónir múslima væri yfirleitt afar friðsamt fólk, hefur ekki tekist að kveða að að fullu niður átrúnað á afmarkaðar trúarsetningar, sem notaðar eru til að réttlæta skelfileg glæpaverk. 

En ef það er svo að bæði í kristni og íslam finnist nægur friðarboðskapur til þess að ná sáttum milli þessara trúarbragða ætti það að vera hægt. 

Styrmir Gunnarsson giskar á að tíminn til þess sé vart meiri en tveir áratugir. 

Ólíklegt að „kalífadæmið“ lifi árið

Athugasemdir

[Þorsteinn Briem, 29.6.2017 kl. 22:40]

Öfgahægristefna er miklu hættulegri í Evrópu en einhver trúarbrögð eins og dæmin sanna, til að mynda í Seinni heimsstyrjöldinni.

Og sem betur fer tókst að kveða kommúnismann í kútinn í Evrópu.

[Hörður Þormar (IP-tala skráð) 29.6.2017 kl. 22:46]

Það var Konstantínus keisari sem á 4. öld gerði kaþólsku kirkjuna að þeirri valdastofnun sem átti eftir að þróast næstu aldirnar með kostum sínum og göllum.

Hamed Abdel-Samad er mikið á móti þeirri kenningu að vandamál hins múslímska heims sé vesturlöndum að kenna. Vandinn liggi í rótum Íslam, sjálfum Múhameð spámanni. Íslamska ríkið sæki hugmyndafræði sína beint til hans: Islam Facing Modernity

[Haukur Kristinsson (IP-tala skráð) 29.6.2017 kl. 22:59]

"Og nýlenduútþensla Japana á síðustu öld var einhver hin grimmilegasta í mannkynssögunni og með trúarlegu ívafi, þar sem keisarinn var heilagur maður." Rétt athugað hjá Ómari. Þetta gekk svo langt að menn óttuðust að ef lífi keisarans væri ógnað í lok styrjaldar gæti það leitt til þess að japanska þjóðin fremdi sjálfsmorð.

[Ómar Ragnarsson, 29.6.2017 kl. 23:30]

Tveir bandarískir ráðamenn, George Bush eldri 1991 og Stimson flotaforingi 1945, höfðu vit fyrir haukum í Bandaríkjaher. 

Bush lét nægja að reka Íraksher út úr Kúveit, því að hann áttaði sig á því hve háskalegar afleiðingar það gæti haft að taka Bagdad og steypa Saddam Hussein af stóli. 

Í bandaríska herráðinu 1945 voru uppi raddir um að krefjast afsagnar Japanskeisara og varpa kjarnorkusprengju á Kyoto. 

Hvort tveggja var óðs manns æði, að eyða tveimur helstu trúartáknum þjóðarinnar, og átti Stimson mestan þátt í því að þetta var ekki gert, sem betur fór. 

Einungis ávarp keisarans sjálfs og friðhelgi hans og hinnar helgu borgar gátu lokið styrjöldinni án margfalt hrikalegri afleiðinga en menn gat órað fyrir. 

[Ómar Ragnarsson, 29.6.2017 kl. 23:34]

Leiðrétting: Henry Stimson var hermálaráðherra Bandaríkjanna til september 1945, ekki flotaforingi. 

[kristinn geir steindórsson briem (IP-tala skráð) 30.6.2017 kl. 09:33]

skortur á umburðarlindi er oftast upphaf ofbeldis, nú virðist mannskepnan vera komin á það skig umburðarleisis að vandræði mun hljótast af munurin nú og séinast er nú höfum við kjarnavopn. eftir heimstyrjaldirnar höfu bretar ekki efni á að múta eða hafa stóran her til að varðveita breska friðinn. lígt er það nú plankheitin eru að drepa u.s.a. er það ekki skemtilegt að 69.kynslóðinn kynslóð sem bretikaði frið skuli nú vera valdir að 3.heimstirjöldinni

[Þorsteinn Sch. Thorsteinsson (IP-tala skráð) 30.6.2017 kl. 22:10]

Sæll Ómar

 "..Í viðtali í myndinni við vestrænan sérfræðing um Íslam kom fram að ekki væri snefil af Íslamstrú að finna í boðun Íslamska ríkisins og vitnaði sérfræðingurinn í friðarboðskap Kóransins máli sínu til stuðnings.." 

Takk fyrir að vekja máls á þessari kvikmynd, en maður veltur því fyrir sér hverjir standa á bakvið þessa kvikmynd. En þetta ISIS -lið eru vopnaðir málaliðar (mercenaries), nú og þeir hjá Pentagon hafa hins vegar fengist við að fjármagna vissar áróðurskvikmyndir.

Pentagon Paid PR Firm $540 Million to Make Fake Terrorist Videos

CIA Created ISIS — Assange Drops Bombshell On WikiLeaks Release Of 500K US Cables

Declassified Docs Show That Obama Admin Created ISIS In 2012 To Use As A ‘Tool’

'CIA created ISIS', says Julian Assange as Wikileaks releases 500k US cables

Obama Helped Save Terror Org, Turned Down Help in Fighting ISIS