Íslands þúsund ár

1.7.2017 | 18:06

Hefur valdið alvarlegu slysum.

Frænka mín ein varð fyrir því að ökumaður sem var að senda smáskilaboð ók beint aftan á hana þar sem hún sat í kyrrstæðum bíl sínum og beið á rauðu ljósi.

Hún hlaut slæma áverka og axlarbrotnaði svo illa, að ári síðar var hún langt frá því að hafa jafnað sig.

Ég reikna með því að ég sé ekki einn um það að hafa séð fólk vera í símanum, jafnvel á fullri ferð inn á hringtorg.

Stór flutningabíll með tengivagni ók eitt sinn fram úr út úr hringtorgi og bílstjórinn var á fullu í símanum.

Eitt sinn þegar ég beið fremst eftir grænu ljósi á vélhjólinu mínu sá ég að konan við hliðina á mér á hinni akreininni var í óða önn í smáskilaboðum.

Þegar græna ljósið kom sat hún kyrr áfram og ég heyrði álengdar á leið í burtu að bílstjórarnir fyrir aftan hana voru byrjaðir að flauta.

Oft hafa bílstjórar, sem hafa komið akandi að gangbrautum eða hjólabrautum verið í símanum.

Ég hef það fyrir reglu, ef ég er á hjóli eða gangandi að taka enga áhættu af því að halda út á gangbrautina.

Það er yfirleitt minnsta mál í heimi fyrir bílstjóra að finna stað til að stöðva bílinn og líta á skjáinn á símanum, sem sýnir númerið sem hringt var úr til að hringja til baka.

Oft kemur fyrir að hringt er úr númeri, sem sem kemur í gegnum skiptiborð, sem tugir eða hundruð manna hafa aðgang að, svo að engin leið er að sjá úr hvaða einstaka númeri var hringt.

Þeir, sem hringja þannig í gegnum skiptiborð, ættu að athuga hvaða afleiðingar það getur haft og hringja frekar þannig að hægt sé fyrir viðtakandann að rekja leiðina til baka í stakt símanúmer frekar en skiptiborðsnúmerið.

	Allt of margir í símanum við akstur
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég nota Airpods frá Apple, því er troðið í eyrað og er þá í sambandi við símann. Til að hringja bankarðu tvisvar í eyrað og þá færðu samband við sirrý. Þy byður hana að hringja fyrir þig og hún gerir það og áður en þú veist af ertu farinn að blaðra í símann með báðar hendur á stýri. Einnig ef að hringt er í þig þá bankarðu bara tvisvar í eyrað og þú ert kominn í samband, einnig geturðu beðið Sirrý að spila fyrir þig músík eða hlusta á útvarp ef þú ert með þannig app í símanum.

Rafn Haraldur Sigurðsson (IP-tala skráð) 1.7.2017 kl. 18:19

er þessi Sirrý hornótt

https://www.youtube.com/watch?v=rSkDK3dbGqA

Helgi Armannsson (IP-tala skráð) 1.7.2017 kl. 19:11

900 brot á ári. Brotin eru ca. 2 milljónir á ári. Það er nánast annar hver bílstjóri í símanum við akstur og aksturslagið eftir því. Til að byrja með þarf að tífalda sektina allavega (50.000 kr.) og auka eftirit. Til hvers að setja lög og reglur ef það er einbeittur vilji allra hlutaðeigandi að ekki sé farið eftir þeim? Er þá ekki betra bara að sleppa þeim? Handfrjáls búnaður er lítið skárri vegna þess að þetta snýst um athygli. Maður getur skilið að atvinnubílstjórar þurfi á því að halda en hversvegna þarf hinn almenni borgari að vera síblaðrandi í símann um ekki neitt á meðan hann er að aka?

Guðmundur Pétursson, 1.7.2017 kl. 19:23