17 ár frá komu Bob Zubrin.

Bob Zubrin, hver er eða var hann og hvað með það hvað hann var að gera á Íslandi árið 2000?

Jú, hann kom hingað vegna þess að hann var forystumaður alþjóðlegra samtaka áhugafólks Mars Society, um ferðir til mars og hann var að hefja leit samtakanna af heppilegasta svæði jarðar til rannóskna og æfingar vegna komandi ferða til mars.  

Og viðbrögð flestra voru sennilega þau að þetta væri "geimóramaður" og samtökin geimórasamtök. 

Þremur árum síðar kom sendinefnd frá samtökunum til Íslands til þess að velja æfingasvæði fyrir marsfara framtíðarinnar í stíl við Öskju og tunglfarana. 

Þetta vakti sáralitla athygli enda marsferðir enn bara eitthvað fjarlægt rugl í huga flestra. 

Þó hafði tímaritið Time verið með margra blaðsíðna umfjöllun um málið með viðtali við Zubrin og þar var ekkert verið að skafa utan af því að rétt eins og ferðir til tunglsins þóttu "geimórar" alveg fram undir 1960, væru marsferðir og byggð manna á mars engir geimórar.

Og nú eru menn komnir enn lengra í hugsun, allt til ístungla Satúrnusar og Júpíters.

 

Líf undir jökli auðveldar geimveruleit

Athugasemdir

[Þorsteinn Briem, 9.7.2017 kl. 00:07]

Líf undir Jökli og níu mánuðum síðar fæddist geimvera.

[Ómar Ragnarsson, 9.7.2017 kl. 01:17]

Ég spurði þroskaheftan mann á tindi Snæfellsjökuls nokkrum árum eftir árangrslausan viðbúnaðinn vegna komu geimvera þar, hvort hann hefði séð geimverur á þessum slóðum.  

Hann sagði: "Já". 

"Og hvenær var það?"

"Núna," svaraði hann. Þú veist það, Ómar, að við erum báðir geimverur."

Við þessu átti ég ekkert svar og fór hjá mér yfir því að hafa spurt.