Gamalkunnugt grimmdarstef. Sagan endurtekur sig.

Tyrkir frömdu þjóðarmorð á Armenum í Fyrri heimsstyrjöldinni og hafa ekki viljað viðurkenna það. 

Jósef Stalín lét drepa tugþúsundir "svikara" úr röðum yfirmanna í hernum og forystumanna í kommúnistaflokknum fyrir utan milljónirnar sem voru drepnar beint og óbeint af hans völdum. 

Adolf Hitler styrkti stöðu sína meðal áhrifamanna í þýskum stjórnmálum og þjóðarinnar á "Nótt hinna löngu hnífa" þegar hann lét drepa "svikarann" Ernds Röhm og fleiri yfirmenn SA-sveitanna. 

Fólkinu fjölgaði næstu árin, sem hyllti hann og tók vaxandi þátt í glæsilegum fjöldasamkomum í Nurnberg og víðar.

"Svikarana" í banatilræðinu 1944 lét Hitler miskunnarlaust drepa á sem allra kvalafyllsta hátt.

Á Filippseyjum boðar valdamaður það, eins og ekkert sé sjálfsagðara, að skjóta beri fíkniefnasala nánast af handahófi á götum úti.

Múgurinn fagnar Erdogan þegar hann boðar þá ætlun sína að "afhöfða svikarana".

Alls hafa um 200 þúsund manns verið handteknir í landinu.

Já, sagan endurtekur sig hvað snertir hið gamalkunna stef blöndu af drápsfíkn, miskunnarleysi, sjúklegri tortryggni og ofsóknum í nafni öryggis, friðar og hugsjóna.

Hvað dauðarefsingarnar varðar geta vestrænar lýðræðisþjóðir lítið sagt, því að forysturíki þeirra viðgangast dauðarefsingar enn og hið illræmda fangelsi Guantanamó er fyrirmynd hins dráps- og hefndarfíkna forseta Tyrklands að hans sögn.  

Vill „afhöfða svikarana“

Athugasemdir

[kristinn geir steindórsson briem (IP-tala skráð) 16.7.2017 kl. 07:31]

hvernig enduðu svo stjórnahættir þessara þjóðfelaga þjóðhöfðíngjarnir söfnuðu í kríngum sig já mönnum sem sögðu bara það sem þjóðhöðíngin vildi heira umræða lítil svo þegar vandræðin komu gatt embætismenn ekki tekið á hlutunum af hræðslu hvað höðíngin dytti í hug að gera. það virðist vera þeir menn sem maður mindi halda myndi skilja ofsækendu t.d. erdogan sótti ofsógnum . stalín þurfti að vera í felum . hitler er furðulegur fýr . aldrei að vita með filippseyjarforseta hvort hann sé að koma keppinautim frá. en trúlega þarf sérstakt hugarfar í þettað. skort á umbrðarlindi. skildum við kannast við þetta hér á landi fyrir hrun þar sem flestir dönsuðu í kríngum gullkálfinn. sem reindisy síðan vera glópagulskálfur. nú virðist vera kominn upp sama staða og fyrir seitna stríð vonandi endar það ekki eins það passar við 3.kynslóðarkenínguna