Íslands þúsund ár

20.8.2017 | 00:02

Ruglandi ímynd Hess.

Það er ekki tilviljun að nýnasistar leitist við að gera minningu Rudolfs Hess að einhvers konar helgisögn í samanburði við orðspor annarra leiðtoga nasista á stríðsárunum.

Ástæðan er djarft flug hans á tveggja hreyfla Messershmitt 110 orrustu- og sprengjuflugvél frá Suður-Þýskalandi til Skotlands vorið 1941 til þess koma á friðarviðræðum og bandalagi Breta og Þjóðverja.

Hess þekkti nokkra málsmetandi áhrifamenn Breta persónulega frá árunum fyrir stríð og vissi að sumir þeirra virtust hafa verið opnir fyrir einhverju slíku.

Flug Hess var afrek út af fyrir sig.

Það er ekki hver sem er, sem getur sest aleinn upp í jafn stóra og öfluga herflugvél og Messerschmitt, stolið henni og flogið langa vegalengd fram hjá öllum eftirlitsflugvélum landsins, yfir Norðursjóinn, varpað sér í fallhlíf í rökkri úr vélinni og sloppið lifandi frá því.

Allt var þetta ævintýralegt og óvenjulegt og nýnasistum væntanlega að skapi til að skapa eins konar hetju úr Hess.

Ári fyrir flugið hafði Hitler gert Bretum kostaboð um bandalag, þar sem Þýskaland héti því meira að segja að verja heimsveldi Breta.

Hess var staðgengill Foringjans allt fram að flugi hans til Skotlands og taldi hann sig því vera í stöðu til þess að þjóna Hitler best með þessu framtaki sínu.

Hess ímyndaði sér að hægt yrði að endurnýja boðið frá 1940 og fá Breta að samingaborðinu og að ef frumkvæði hans gæti komið þessu á koppinn, yrði það stórkostlegt friðarafrek.

Hitler afgreiddi hins vegar allt slíkt út af borðinu, enda var staðan önnur en hún hafði verið 1940.

Hitler sagði, sem líkast til var dagsatt, að Hess hefði brotið trúnað og eingöngu gert þetta á eigin vegum í blóra við sig, enda væri Hess haldinn stórkostlegum skynvillum.

Hess bar alla tíð mikið hatur til kommúnista, Stalíns og sovésku stjórnarinnar, en hafði eins og fleiri þýskir ráðamenn miklar áhyggjur af væntanlegri herferð Þjóðverja inn í Sovétríkin.

Megin ástæðan fyrir flugi hans var að fá Breta í lið msð Þjóðverjum gegn Rússum.

Það mistókst hrapallega en Rússum var ekki sama.

Af þessum sökum heimtuðu þeir í Nurnbergréttarhöldunum að Hess fengi líflátsdóm, og þegar sæst var á ævilangt fangelsi, sem Vesturveldin töldu hámarksrefsingu vegna þess að Hess hafði svona snemma kúplað sig út úr forystu Nasistaflokksins, fylgdu Rússar því fast eftir að honum yrði aldrei sleppt, sama hve langt varðahaldið yrði.

Og þannig fór það, en fyrir bragðið hafa nýnasistar fengið tilefni til að gera Hess að píslarvætti.

Það er auðveldara en ella fyrir þær sakir, að í Kalda stríðinu voru reglulega fluttar fréttir af því að farið væri fram á það að honum yrði sleppt, öldruðum manninum, og að ómannúðlega væri farið með hann.

Fékk Hess nokkra samúð á Vesturlöndum eftir því sem varðhaldið varð lengra og lengra.

Í erlendri bók um þessi mál kemur fram að líkast til var enginn samstarfsmaður Hitlers eins mikill aðdáandi Foringjans og Rudolf Hess, - Hess var tilbúinn til að gera nánast hvað sem var fyrir Hitler, líka að taka gríðarlega persónulega áhættu við það að þjóna Hitler og fórna sér fyrir hann með því að fara í glæfraför til að koma á bandalagi við Breta sem myndi tryggja Foringjanum glæstan sigur á austurvígstöðvunum.

Í bókinni er velt upp ýmsum möguleikum á því að málumm hafi verið blandið á báða vegu, til dæmis á því að í raun hafi Hitler leyft Hess að fara för sína, og einnig er bent á, hve grunsamlega létt það reyndist fyrir Hess að komast í gegnum strandeftirlit Breta.

En niðurstaðan mín eftir lestur bókarinnar er sú að Rudolf Hess hafi í engu verið skárri en aðrir ráðamenn nasista.

Hann vissi áreiðanlega um fyrirhugaða útrýmingu Gyðinga, hélt trúnaðinn um herförina í austurveg í hvívetna þegar hann var handtekinn af Bretum og var herskárri en flestir þegar um "villimennina í Kreml" var að ræða.

Hann átti því ekkert skárra skilið en aðrir ráðamenn nasista þegar refsing hans var ákveðin.

En vegna ruglingslegs yfirbragðsins á ferli hans hentar það nýnasistum vel að gera hann sérstökum píslarvætti.

	Nýnasistar ganga til minningar um Hess
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 01:04 | Facebook

Athugasemdir

Hvað Rudolf Hess varðar, ætli það sé ekki sú staðreynd að maðurinn var ekki tengdur öllum þeim hörmungum sem átti sér stað í Styrjöldinni. Hinar svokölluðu "tortímingarbúðir", byrjuðu ekki fyrr en upp úr 1941. Þannig að maðurinn var "saklaus" af þeim gerðum ... ferð hans til bretlands, sannar það. þannig að fangelsun mannsins, hafði ekkert með "glæpi" hans að gera ... og morðið á honum, sem var falið sem "sjálfsmorð" ... var síðan augljóst að bandamenn vildu ekki að hann yrði látin laus, því hann hefði getað sagt aðra sögu og hún orðið sannfærandi.

Þetta eru "staðreyndir" málsins ...

Og Nýnasistar, eru engir Nasistar ... nema í huga bjána. Þetta er ungt fólk, sem mótmælir stjórnarfari samtímans með að ögra samfélaginu.

Raunverulegir nasistar nútímans, eru nákvæmlega eins og Winston Churchill spáði ... vinstri skríllin, sem vill banna mönnum að hafa skoðanir.

Bjarne Örn Hansen (IP-tala skráð) 20.8.2017 kl. 08:31

Aðeins smá vangaveltur varðandi orðin píslarvottur og píslarvætti.
Í mínum huga á orðið píslarvottur við um einstakling, sem verður fyrir ofsóknum, þjáningum og jafnvel dauða vegna staðfestu og trúnaðar við tilteknar skoðanir. Píslarvætti er hinsvegar ástand, sem á við einn eða fleiri einstaklinga.
Vottur-vott-votti-vottar
Vætti-vætti-vætti-vættis.

Kannski er þetta rangur skilningur. Saga Rudolfs Hess er svo sér mál, sem ég hef ekki nóga þekkingu á.

Þorkell Guðbrandsson (IP-tala skráð) 20.8.2017 kl. 09:50