Þetta er ekki þolandi?

"Kvenmannslaus í kulda og trekki kúri ég volandi, - 

þetta´er ekki, ekki, ekki, ekki þolandi...

þetta´er ekki, ekki, ekki ekki þolandi. 

Þetta er ekki, ekki ekki, ekki þolandi...o.s.frv..."

 

Þessi gamli grallarasöngur kemur í hugann þegar sagt er frá raunum farþeganna, sem var búið að vera innlyksa á flugvelli á Tenerife hátt í sólarhring, en þetta virðist ekki vera gamanefni. 

Furðulegt er, ef satt er, að skrifstofa flugfélags, sem er með ferðir alla daga, er lokuð um helgar.  Af hverju hættir félagið ekki líka að láta vélar sínar fljúga um helgar?

Sömuleiðís er stórundarlegt að fólkið, sem sagt er frá, sefur enn á gólfum flugstöðvarinnar og kvartar yfir kulda og slæmum aðstæðum. 

 

„Fólk sefur bara hérna á gólfunum“

Athugasemdir

[Már Elíson, 21.8.2017 kl. 19:46]

Það er eðlilegt að finna til kulda í loftkældri flugstöðinni, og síðan veit ég að maður er næmari fyrir kulda ef maður er þreyttur og illa sofinn. - Aðbúnaður til hvíldar eða svefns er ekki beysinn eða ætlaður til langdvala á flugvöllum almennt. - Þetta er skammarlegt fyrir flugfélagið og ýtir ekki undir að við þá verði skipt í framtíðinni. Ekki með þennan feril og þennan einbeitta brotavilja æ ofan í æ.