Virkar fljótast.

Barnsfæðingum fer ört fækkandi og nálgast kreppuárin fyrir 80 árum. Húsnæðisverð hefur rokið upp og húsnæðisekla er mikil. 

Of mörg börn búa við fátækt og það misrétti sem stafar af því. 

Á sama tíma fjölgar eldra fólkinu mikið. 

Ýmislegt kemur til greina til þess að bæta ástandið en líklega virkar ekkert eins fljótt og að hækka barnabætur og það ríflega, þess vegna um helming. 

Það tekur tíma að auka húsnæði og það er flókið mál að koma þar inn með framlög. 

Stórfækkandi barnsfæðingar og öldrun þjóðarinnar mun hefna sín þegar fram í sækir af augljósum ástæðum. 

Fyndið er að sjá skrif manna, sem vilja fækka barnsfæðingum til þess "að apara útgjöld" en líka að loka landinu fyrir innflytjendum til frambúðar. 

Hver á þá að vinna öll störfin á þeim tíma sem atvinnuleysi er ekkert og það er hrópað á vinnandi hendur?

Barnabætur hafa verið stórhækkaðar áður og það gefist vel. 

Þannig hækkaði Viðreisnarstjórnin barnabætur mjög og í fyrsta sinn var borgað með öllum börnum, en þau fyrstu hjá hjónum ekki skilin eftir eins og verið hafði áður. 

Vill tvöfalda barnabætur

Athugasemdir

[Bjarne Örn Hansen (IP-tala skráð) 8.10.2017 kl. 10:57]

Ef þú ferð til Afríku, eru barnaeignir miklar ... og fólkið fær engar barnabætur, fyrir hvern króa sem það ælir út úr sér.  Sama á við um, öll önnur "fátæk" héröð þessarar plánetu.  Þannig að þetta "bull" um að minkun barnafæðinga hafi eitthvað með "fátækt" að gera, er bra þvaður.

Hvað "útlendinga" varðar, er nú betra að fara varlega í sakirnar.  Á öllum tungumálum þessarar plánetu, þýðir að vera "bláeygður" að vera vitlaus.  Að vera ljóshærður er að vera "heilalaus".

Og, "þú" sem ert mikil "mál spekúlant".  Sjálfsagt "öðrum" færari í Íslenskri tungu .. að eigin mati.  Íslenska orðið "kærulaus"? Hvaðan kemur það? Jú, úr latínu ... Caeruleus (dökk blátt)... munið, að "C" er borið fram sem K á gömlu latínu, en orðið Keisari, kemur úr latneska orðinu Caesar.

Síðan ert jú "rétttrúaður" maður, hvað varðar "græna" plánetu.  Sjálfur, heitir minn guð Janus ... ekki Jahve. "Guð" og "Djöfullinn" er tvær hliðar á sama hlut. En "þið" þessir vitru, getið aldrei séð nema aðra hliðina.  Í mínum heimi, er ekki aftur tekið það sem gert er ... það er engin dyr, sem leiðir tilbaka til fortíðarinnar. Við erum 7 miljarðar, og að nálgumst hratt 8, sem lifum á þessarri plánetu ... plánetu, sem í gegnum tugir þúsunda ára, hefur aldrei getað haldið lífi í svona mörgum. Við höfum sett dýralíf úr jafnvægi, náttúruna úr jafnvægi ... en ef við hefðum aldrei gert það, gætu þessar 7 miljarðar manna aldrei lifað hér.

Þú, meðal annars, berst fyrir því að minka röskun náttúrunar. Meira "ekologiskt", þýðir fleir sníkjudýr ... fleiri snýkjudýr, þýðir fleir sjúkdómar, fleiri sjúkdómar, þýðir fleir dauðsföll ...

Hvernig ætlarðu að "balansera" þessar andstæður þínar? Þú vilt fjölga húsum, íbúum í landi sem er erfitt að lifa á ... á sama tíma, og þú villt að hætt sé að raska við náttúrunni ... sem þýðir, að orka, flutningur og afurðir verða færri.

Hvaða skipulag er á Íslandi, sem tryggir að landið muni lifa af ef vetrarhörkur fara niður í -40 og lægra?

Það eru ekki allir á landinu, eins vel staddir og þú og geta bara tekið saman föggur sínar, og flutt til Spánar ... enn síður, fátækt flóttafólk.

Eða, næsta "kötlugos", "öskjugos" ... næstu "móðurharðindi" ... eða Íslenskur "vesuvius".

"Góðmennskan", er engin góðmenska ... heldur er sannarlega "flagð undir fögru skinni".

[Halldór Jónsson, 8.10.2017 kl. 11:08]

G+´´oð greining hjá Bjarne á tvískinnungi hjá Ómari varðandi mannfjölda og náttúruvernd.

Mér finnst merkilegt að hann virðist leggja að jöfnu fjölgun útlendinga og fjölgun fæðinga innanlands.

[Jósef Smári Ásmundsson, 8.10.2017 kl. 11:12]

Að hækka barnabætur eru sértækar aðgerðir sem gagnast einungis barnafólki. En fátæktir er ekki bara þeirra. Að hækka persónuafslátt gagnast öllum jafnt láglaunuðum sem hálaunuðum en þá væri jafnframt rétt að breyta skatthlutfallinu með því að hækka efri þrep skattstigans. þannig myndi hærri persónuafsláttur gagnast best tekjulágum einstaklingum , öldruðum með lágar lífeyrisgreiðslum og öryrkjum.

[Jósef Smári Ásmundsson, 8.10.2017 kl. 11:21]

"Fyndið er að sjá skrif manna, sem vilja fækka barnsfæðingum til þess "að apara útgjöld" en líka að loka landinu fyrir innflytjendum til frambúðar". Það finnst mér líka. Þetta er svipað eins og að henda útsæðinu til að spara geymslukostnaðinn á kartöflunum. Í næstu framtíð þurfum við nýtt fólk og það er reyndar ekki nóg að fjölga barnsfæðingum heldur væri rétt að líta á fjölgun innfluttra sem tækifæri en ekki vandamál þar sem þjóðin er alltof fámenn í dag og þörf á miklu vinnuafli ef  einhver framþróun á að verða.

[Þorsteinn Briem, 8.10.2017 kl. 13:46]

Foreldrar eru einnig skattgreiðendur og ekkert óeðlilegt við það að þeir fái greitt fyrir að búa til nýja skattgreiðendur.

Ef þeir ganga ekki í Framsóknarflokkinn.

En auðvitað heldur Sjálfstæðisflokkurinn að öll ábyrgðin og vinnan við að framleiða nýja skattgreiðendur felist eingöngu í stanslausum uppáferðum.

Og þær séu bara tómstundagaman.

[Þorsteinn Briem, 8.10.2017 kl. 13:47]

8.1.2016:

"Fæðingar á Landspítalanum og sjúkrahúsinu á Akureyri hafa ekki verið færri en í fyrra í áratugi.

Fæðingar á þessum tveimur stærstu fæðingarstöðum landsins voru rúmlega fimm hundruð fleiri árið 2010 en á síðastliðnu ári, 2015."

Ekki færri fæðingar á Landspítalanum og sjúkrahúsinu á Akureyri í áratugi

[Þorsteinn Briem, 8.10.2017 kl. 13:48]

8.1.2016:

"Framkvæmdastjóri Samtaka atvinnulífsins segir að á næstu árum breytist Íslendingar í innflytjendaþjóð.

Eftir tiltölulega skamman tíma verði útlendingar um fimmtungur þjóðarinnar.

Fyrirsjáanlegur sé skortur á vinnuafli sem kalli á að hingað komi tvö til þrjú þúsund útlendingar til starfa á ári.

Það er óhætt að fullyrða að samsetning íslensku þjóðarinnar er að breytast og muni breytast mikið á næstu árum. Þetta á einnig við um aldurssamsetninguna.

Þeim sem eru eldri en sjötugir á eftir að fjölga ört. Árgangar sem komu í heiminn eftir seinni heimsstyrjöldina eru nú að komast á þennan aldur."

Íslendingar að breytast í innflytjendaþjóð

[Þorsteinn Briem, 8.10.2017 kl. 13:50]

Steini Briem, 13.3.2017:

Þúsundir manna hér á Íslandi, bæði Íslendingar og útlendingar, misstu vinnuna vegna Hrunsins hér haustið 2008.

Þúsundir útlendinga höfðu þá verið að byggja íbúðir hér á höfuðborgarsvæðinu og þeir fluttu úr landi ásamt þúsundum íslenskra iðnaðarmanna.

Þúsundir manna hér á Íslandi misstu einnig íbúðir sínar og urðu gjaldþrota.

Íbúðir voru því tiltölulega ódýrar hérlendis mörgum árum eftir Hrunið og því ekki mikill vandi fyrir ungt fólk að kaupa íbúðirnar ef það hafði til þess fjárráð, sem það hafði yfirleitt ekki.

Og þúsundir manna fluttu úr landi vegna lágra launa hérlendis.

Til að hægt sé að reisa hér ný íbúðarhús þarf að flytja inn vinnuaflið og það þarf einnig að búa einhvers staðar.

Og nú starfa hér aftur þúsundir útlendinga við að reisa íbúðar- og atvinnuhúsnæði, þar á meðal hótel og gistiheimili, svo og við ferðaþjónustuna, þannig að hægt verður að aflétta hér öllum gjaldeyrishöftum á morgun.

Atvinnuleysi hér á Íslandi er nú nær ekkert vegna ferðaþjónustunnar, sem Sjálfstæðisflokkurinn og Framsóknarflokkurinn hafa hatast við.

Og nú hefur loks nýlega verið hægt að stórhækka hér laun vegna ferðaþjónustunnar sem hefur mokað erlendum gjaldeyri inn í landið, þannig að gjaldeyrisforðinn er nú jafnvirði átta hundruð milljarða króna.

Nokkur ár tekur að hanna og reisa íbúðarhúsnæði, enginn skortur er á lóðum fyrir íbúðarhúsnæði hér í Reykjavík í mörgum hverfum borgarinnar og hér býr einungis rúmlega helmingur þeirra sem búa á höfuðborgarsvæðinu.