Ekki jafn auðvelt að falsa veðurfarsskýrslur áratugi aftur í tímann.

Í þættinum 60 mínútur um daginn sá ég að á hverju ári birtust um 800 merkar og flóknar vísindagreinar um lyfjameðferð við krabbameini og að augljóst væri að enginn sérfræðingur á því sviði hefði tíma til að kynna sér þær allar. 

Þess vegna hefði verið búinn til róboti með slikri gervigreind, að hann gæti lesið þær allar og metið þær betur en nokkur einstakur maður. 

Það er auðveldara að falsa niðurstöður og staðreyndir við slikt heldur en að falsa veðurfarsmælingar og mælingar á sjó, í lofti, á landi og á jöklum og gróðurfari.

Hvað þá að falsa myndir af minnkandi jöklum sem milljónir manna berja augum á gegnum tíðina.  

Á Íslandi hafa verið stundaðaðar veðurmælingar samfellt í Stykkishólmi í meira en 160 ár og myndi því stór hópur vísindamanna hafa tekið þátt í þessu langvarandi misferli, ef það væri staðreynd. 

En það er einmitt vísindalegt misferli í loftslagsvísindum sem hefur komist í hámæli eftir að Donald Trump Bandaríkjaforseti skar upp herör gegn veður- og gróðurfarsvísindamönnum heims og taldi vísindalegt misferli þeirra svo alvarlegt, að skipta þyrfti um þá yfir línuna og ráða "alvöru vísindamenn sem komast að réttum niðurstöðum." 

Ekki þarf að fara í grafgötut um það hvers koonar niðurstöður það yrðu, því að undanfarin hár og alveg sérstaklega í ár hafa erlendir og íslenskir skoðanbræður Trumps birt "niðurstöður  "alvöru" vísindamanna sem eru einfaldlega svo gersamlega ólíkar því sem birst hefur hingað til, að um stórfellt og saknæmt atferli veður- og loftslagsvísindamanna heims hlýtur að hafa verið að ræða fram að þessu. 

Ég hef áður rakið hér á síðunni fullyrðingar um niðurstöður á borð við stórfelldan vöxt hafísbreiðunnar í Íshafinu sem "réttar myndir" sýndu glögglega, fækkandi og smækkandi fellibylji í Karíbahafi og lækkandi sjávarhita þar við ströndina, auk fullyrðingarinnar fyrir fjórum árum um "hratt kólnandi loftslag á jörðinni." 

Allt var þetta stutt með því að birta "ný og réttari gögn" myndir og fleira, unnin af virtum vísindamönnum.  

Svo sannfærðir eru íslenskir fylgjendur hinna nýju og réttu vísinda, að einn þeirra sakaði veðurfræðing RÚV um stórfelldar rangfærslur varðandi hita sjávar við suðurströnd Bandaríkjanna. 

Einhverjir kuna að kvarta yfir því að margir pistlar mínir um þetta efni sýni þráhyggju mína og síbylju. En þegar síbyljan byrjar ævinlega hjá hinum nýju vísindapámönnum og er viðhaldið stanslaust til þess að hamla gegn aðgerðum í stærsta viðfangsefni mannkynsins, er hætta á þvi að þögn sé skoðuð sem samþykki eða uppgjöf. 

 

Sekir um vísindalegt misferli

Athugasemdir

[Guðmundur Jónsson, 2.11.2017 kl. 09:06]

Ég og Trump erum ekki að hald fram að mengun sé ekki vandamál og að ekki þurfi að minnka bruna jarðefnaeldsneytis eins og frekast er kostur. Og ekki erum við heldur að halda fram að ekki sé að hlýna.

Við erum að hald því fram á ofuráhersla á CO2 í þessu samhengi séu ef til vill ekki rétt viðbrögð við vandanaum. 

Dæmi: Stóraukning á námuvinnslu til að framleiða megi rafhlöður veldur ef til vill meiri skaða vegna annar mengandi efna en það ætlaða CO2 sem það á að minka.

Við Trump erum umhvervisinnar en við erum ekki vissir um að CO2 sé eina efnið sem þarf að hafa áhyggjur af eins og hinn pólitíski armur loftslagsvísindamanna virðist telja.

Það er engin leið að rökræða við menn sem endalaust gera manni upp skoðanir sem maður hefur ekki. 

[Hábeinn (IP-tala skráð) 2.11.2017 kl. 09:23]

Eru vísindamenn eins og Ómar Ragnarsson eitthvað betur til þess fallnir að fjalla um loftlagsmál en hver annar? Og eru vísindamenn eins og Ómar Ragnarsson eitthvað marktækari en þeir sem honum eru ósammála?

[Þorsteinn Briem, 2.11.2017 kl. 11:11]

1.3.2017:

"Styrkur brennisteinsvetnis í andrúmslofti er nú yfir heilsuverndarmörkum í Reykjavík.

Vegna veðuraðstæðna er líklegt að styrkurinn verði áfram hár í dag og næstu daga.

Brennisteinsvetnismengun á höfuðborgarsvæðinu kemur að nánast öllu leyti frá jarðhitavirkjunum á Hellisheiði, samkvæmt upplýsingum frá Heilbrigðiseftirlitinu.

Í tilkynningu frá Reykjavíkurborg kemur fram að Heilbrigðiseftirlitið hafi einnig bent á að styrkur svifryks hafi í morgun verið yfir heilsuverndarmörkum við Grensás í Reykjavík.

Styrkurinn þá var 67,45 míkrógrömm á rúmmetra en sólarhrings heilsuverndarmörk eru 50 míkrógrömm á rúmmetra.

Styrkur niturdíoxíðs hefur einnig verið hár undanfarna daga.

Sú mengun kemur aðallega frá bifreiðum og er mest á morgnana og síðdegis þegar umferð er mest."

[Þorsteinn Briem, 2.11.2017 kl. 11:15]

"Hagvöxtur til frambúðar veltur á því að landnæði er nýtt betur, tæki og tól eru endurnýjuð til hins betra og vinnuafl nýtist betur, annaðhvort með því að láta fólki í té betri tæki eða með því að auka menntun og þar með virði vinnuframlags hvers einstaklings."

Er meiri hagvöxtur alltaf betri? - Katrín Ólafsdóttir lektor árið 2007

Menntun Íslendinga 11% undir meðaltali OECD

[Þorsteinn Briem, 2.11.2017 kl. 11:17]

Aukin lífsgæði þýða ekki sjálfkrafa meiri mengun, því að sjálfsögðu er hægt að öðlast aukin lífsgæði án aukinnar mengunar í heiminum.

Líf og heilsa og þar af leiðandi sem minnst mengun eru alls staðar í heiminum mestu lífsgæðin.

Og að sjálfsögðu er hægt að auka hagvöxt án aukinnar mengunar.

[Þorsteinn Briem, 2.11.2017 kl. 11:21]

8.9.2015:

Grænn vöxt­ur sparar bilj­ón­ir Bandaríkjadala

[Þorsteinn Briem, 2.11.2017 kl. 11:28]

Meðalakstur einkabíla í Reykjavík er um 11 þúsund kílómetrar á ári, eða 30 kílómetrar á dag.

"Every US specification Nissan LEAF is backed by a New Vehicle Limited Warranty providing: [...] 96 months (í átta ár)/100,000 miles (eða 161 þúsund km.) Lithium-Ion Battery coverage (whichever occurs earlier)."

Nissan Leaf 2015

Og miðað við 11 þúsund kílómetra akstur á ári tekur um fimmtán ár að aka 161 þúsund kílómetra.

[Þorsteinn Briem, 2.11.2017 kl. 11:29]

Hefðbundnar bifreiðar nota mikið af rafbúnaði sem knúinn er af sprengihreyfli en honum fylgir margvíslegur og flókinn búnaður og mengunarskapandi útblástur.

Rafmótorinn hefur hins vegar einungis fáeina hreyfanlega hluti í stað hundraða.

Í rafbíl eru slitfletir margfalt færri og hitamyndun minni, sem skilar sér í lengri endingu.

Rafmótor þarf minna viðhald en hefðbundin bílvél sem þarfnast olíu- og síuskipta, kertaskipta, ventlaskipta, tímareimaskipta, pústviðgerða, viðhalds á vatnsdælu, eldsneytisdælu, rafal og öðru sem fylgir flóknum sprengihreyfli.

[Þorsteinn Styrmir Jónsson (IP-tala skráð) 2.11.2017 kl. 20:02]

Það er ekkert mál að falsa upplýsingar um hitafar, stærð jökla, gróðurfar og sjávarhæð hundruð og þúsundir ára aftur í tímann.

En málshefjandi virðist aldrei ætla að ná því að nánast allir viðurkenna að hiti hafi hækkað um 0,8 C°frá 1880 sem er kaldasti punktur síðustu 10.000 ára. Deilurnar snúast um það hvort það sé af "Mannavöldum" eða ekki. Og hvort afleiðingarnar verði geigvænlegar eða litlar og jákvæðar.

Eitt falsið er að heimshöfin séu að súrna. En það getur engan veginn staðist því höfin eru basísk eins og Vilhjálmur Eyþórsson benti á í færslu um daginn en enginn hefur svarað efnislega.

[Þorvaldur Sigurdsson (IP-tala skráð) 2.11.2017 kl. 21:49]

"Eitt falsið er að heimshöfin séu að súrna. En það getur engan veginn staðist því höfin eru basísk eins og Vilhjálmur Eyþórsson benti á í færslu um daginn en enginn hefur svarað efnislega."

Hver sá sem talar svona minnir á manninn á Ströndunum sem sagði um það þegar vinur hans var kærður fyrir utanvegaakstur: Þetta er kjaftæði að þarna hafi verið ekið utan vegar því þarna er enginn vegur sem hægt er að aka utan við.

Vitaskuld getur hafið súrnað þótt það megi vel vera basískt ennþá. Lækki ph gildi sjávar er hann að súrna þótt hann hafi ekki komist niður í ph gildið 7 ennþá, enda væri þá veruleg vá fyrir dyrum. Á síðustu tveimur öldum er hafið talið hafa súrnað frá ph 8,25 til 8,14, sem er veruleg súrnun og mun með sama áframhaldi hafa gífurleg áhrif á allt lífríkið og þó sérílagi skeldýr og síðan virkar það upp alla fæðukeðjuna. 

Vilhjlamur hefur rétt fyrir sér í því að höfin eru basísk, ennþá. En vitaskuld eru þau að súrna og hver sem heldur öðru fram skilur ekki merkingu orðsins súrna. Sá gæti allteins haldið því fram að maður sem hefði farið úr 147 kílóa líkamsþyngd í 134 kíló hefði alls ekki lést vegna þess að sannanlega væri hann alltof þungur.

[Þorsteinn Styrmir Jónsson (IP-tala skráð) 2.11.2017 kl. 22:47]

Þetta er nú líka eins og að segja að karlmaður verði kona við það að testósteron lækki um 1% í líkamanum, safni síðu hári eða syngi í pilsi í Júróvisíon.

Eða að kona verði karlmaður við að fara á stera (sem er algengt við ýsum kvillum), sitja klofvega á hesti eða ganga með bindi!

Aðal málið er samt að það hefur engan veginn verið sýnt fram á að endurhlýnun jarðar sé nema að sáralitlu leyti af mannavöldum. Hitasveifluna megi auðveldlega skýra af náttúrulegum orsökum og athafnir manna hafi þar sáralítil áhrif.

[Hábeinn (IP-tala skráð) 3.11.2017 kl. 00:30]

En hvernig getið þið efast þegar virtir vísindamenn eins og Ómar Ragnarsson hafa komist að þeirri niðurstöðu eftir áratuga rannsóknir og skoðanir á öllum tiltækum gögnum að hlýnunin sé athöfnum manna um að kenna? Næst heimtið þið að honum verði skipt út fyrir það sem hann kallar "alvöru" vísindamann.

[Þorvaldur S (IP-tala skráð) 3.11.2017 kl. 12:43]

Þetta er reyndar ekki eins og að segja að karl verði kona við að testósteron lækki í líkamanum eða sitji í söðli. Gunnar á Hlíðarenda reið í söðli. Engum datt í hug að hann væri kona. Á konu og karli er grundvallarmunur. Á sýru og basa er stigsmunur. Það er tvennt ólíkt.