Eyjafjallajökull byrjaði að skjálfa 16 árum fyrir gos.

Um síðustu aldamót voru liðin rúmlega 160 ár síðan fjallið gaus síðast og allt hafði verið með kyrrum kjörum í því eftir því sem best var vitað. 

En þá fóru að koma hrinur lítilla skjálfta í fjallinu, sem leiddu til svipaðra viðbragða og nú, að gerðar voru viðbragðaáætlanir og efldur viðbúnaður sem gæti verið til taks. 

Eyjafjallajökull er að því leyti svipaður og Öræfajökull, að hann rís næsta einn og sér upp af lágsléttu. 

En hæðarmunurinn er talsverður og stærðarmunurinn enn meiri. Auk þess er Öræfajökull flóknara eldfjall ef eitthvað er, þótt gosið á Fimmvörðuhálsi sýndi,að Eyjafjallajökull er ekkert sérlega einföld eldstöð. 

Það er bara sutt síðan fjallað var um Öræfajökul hér á síðunni, og þá í sambandi við það, að hann væri eitt af þremur hættulegustu eldstöðvum Íslands. 

Örnefnin Litla-Hérað og Öræfi segja sína sögu um hamfarirnar í gosinu 1362, sem hugsanlega kostuðu mörg mannslíf. 

Gosið 1747 var minna, en enda þótt tæplega 400 ár liðu á milli þessara gosa, er ekkert sem segir að það geti ekki orðið styttra á milli gosa nú. 

Og heldur ekkert víst að það líði 16 ár þangað til gýs. 

Jarðskjálftar í Öræfajökli

Athugasemdir

[Þorsteinn Briem, 4.11.2017 kl. 15:14]

10.10.2017:

Why British scientists are watching volcanoes in Iceland - Inside a flying volcano lab - BBC

[Már Elíson, 4.11.2017 kl. 20:08]

Góð og athygliverð grein sem þú vitnar í, Steini. - Naskur geturðu verið.