Afbrigði af "GAGA" ("MAD")?

Sagt hefur verið að Bandaríkin og Rússland búi yfir kjarnorkuvopnum, sem gætu fræðilega drepið íbúa hvors ríkis fimm sinnum. 

Og að grundvöllur þess að eiga þessi vopn sé sá, að hvor aðili um sig geri það ljóst að tryggt sé að hann sé reiðubúinn til að beita öllum þessum vopnum. Niðurstaða: Kenningin MAD (Mutual Assured Destruction) eða GAGA (Gagnkvæm Altryggð Gereyðing Allra) sem gilti mestallt Kalda stríðið, eftir að kjarnorkuheraflinn hafði þanist út beggja vegna.  

Varðandi deilu Norður-Kóreu og Bandaríkjanna er það hins vegar aðeins annar aðilinn, Bandaríkin, sem hefur getu til að drepa alla íbúa landsins fimm sinnum eða jafnvel oftar! 

Enn sem komið er langt frá því að Norður-Kórea hafi getu til neins sambærilegs gagnvart Bandaríkjunum, en gæti hins vegar fljótlega farið langt með að hóta nágrönnum sínum hræðilegum árásum. 

Í áratuga sögu kjarnorkuvopna hefur verið gerður greinarmunur á fyrirvaralausri fyribyggjandi árás og gagnárás.  

Yfirleitt velja ráðamenn kjarnorkuvelda fyrrefnda afbrigðið. 

Það er þess vegna áhyggjuefni þegar Trump tilgreinir ekkert slíkt, heldur virðist gefa í skyn að fyrirvaralaus fyrirbyggjandi gereyðingarárás komi til greina. 

Með því eykur hann líkur á því að Norður-Kóreumenn kjósi sjálfir í örvæntingu að gera fyrirvaralausa fyrirbyggjandi árás. 

Norður-Kóreumenn hafa sjálfir verið með stórkarlalegar yfirlýsingar sem gætu valdið því að Trump ákvæði að gera út um málin í eitt skipti fyrir öll með fyrirvararlausri stórárás. 

 

Hægt að réttlæta beitingu kjarnavopna?

Athugasemdir

[Jón Þórhallsson, 9.11.2017 kl. 19:08]

Ætti framkv.st.SAMEINUÐUÞJÓÐANNA ekki að hafa meiri völd?

Hver er hans ábyrgð?

Er það hans hlutverk að vera í hlutverki "pabbans" sem að á að taka eldspýturnar af óvitanum (forseta N-kóreu) ÁÐUR en að skaðinn skeður?

[Jósef Smári Ásmundsson, 9.11.2017 kl. 19:26]

Fræðilega er ekki hægt að drepa íbúa nema einu sinni.

[Jón Þórhallsson, 9.11.2017 kl. 20:19]

Ætti framkv.st.SAMEINUÐUÞJÓÐANNA ekki að hafa meiri völd?

Hver er hans ábyrgð?

Ætti það ekki að vera hans hlutverk að vera í hlutverki "pabbans" sem að á að taka eldspýturnar af óvitanum (forseta N-kóreu) ÁÐUR en að skaðinn skeður?

[Ómar Ragnarsson, 9.11.2017 kl. 21:58]

Þetta með að hafa yfir að ráða fimm sinnum meiri sprengimætti en þurfti til þess að drepa alla andstæðingana einu sinni, var samt viðurkennt í MAD-kenningunni.