Gamalkunnug aðferð; að vera sem fljótastur með eyðilegginguna.

Vegna lítillar almennrar fræðslu um umhverfis- og náttúruverndarmál áttar fólk sig ekki á hinum mikla mun sem er á orkunýtingu og verndarnýtingu svæða. 

Hann er sá, að sé verndarnýting valin, eins og til dæmis sú á sínum tíma, að virkja ekki Gullfoss, skerðir það í engu möguleikanaa til að virkja síðar, ef mönnum snýst hugur. 

En ef virkjað er, er oftast um svo mikla röskun á landi að ræða, að það reynist annað hvort ómögulegt eða afar kostnaðarsamt að rífa virkjanamannvirkin og koma landinu í sama horf og það var. 

Gott dæmi eru tveir norrænir fossar, sem fyrir öld voru frægustu fossar Noregs og Íslands. 

Áður en Rjukan var virkjaður, var hann frægasti foss Noregs, og farið með tignustu erlendu gestina þangað, til dæmis sjálfan Frakklandskeisara. 

Í dag koma þangað örfáir, því að aðeins er um að ræða að skoða þurrt gljúfrið og svonefndan Maríustíg. 

Þegar kóngar Íslands fóru að koma hingað í heimsókn var farið með þá að Gullfossi. Ef hann hefði verið virkjaður um 1920 hefði farið fyrir Gullfossi eins og Rjukan, þangað kæmi nær enginn. 

Þetta vita virkjanadýrkendur og reyna því að hraða framkvæmdum sínum sem mest til þess að eyðilegga náttúruverðmætin á þann hátt að ekki verði aftur snúið. 

Þess vegna var Álftanesvegur um Gálgahraun keyrður áfram af fádæma offorsi og stærsta jarðýta landsins látin eyðileggja sem allra mest strax fyrsta daginn. 

Sigurður Gísli Pálmason hefur áður komið til hjálpar á ögurstundum í þágu íslenskrar náttúruverndarbaráttu. 

Hann fjármagnaði að hálfu gerð áttblöðungs, sem ég gaf út 24. september 2006 og varð kveikjan að hugmynd Andra Snæs Magnasonar að Jökulsárgöngu meira en 10 þúsund manna niður Laugaveg tveimur dögum siðar. 

Hann fjármagnaði síðan gerð hinnar áhrifamiklu myndar Andra Snæs, Draumalandið. 

"Að mati oddvitans er verndarsvæði sem útilokar virkjun ekki í spilunum." Þarna snýr oddvitinn málinu alveg á haus.

Þetta er öfugt.

Virkjanamannvirki af þeirri stærð sem eiga um eilífð að rústa ósnortnum víðernum á hálendinu suður af Drangajökli og eyðileggja fossa með nöfnum sem lýsa afli þeirra og fossahljóðum útilokar virkjun. 

Verndarsvæði er tekur hins vegar ekki ráðin af komandi kynslóðum. 

Oddvitinn vill greinilega keyra málið áfram, því að það kynni að fara svo, að stofnun Drangajökulsþjóðgarðs yrði svo miklu meiri akkur fyrir atvinnulíf og mannlíf í kringum hann, að engum myndi detta í hug að virkja, ekki frekar en að virkja Gullfoss í Hvitá. 

Vill kostamat á virkjun og verndun

Athugasemdir

[Kreppuannáll (IP-tala skráð) 12.12.2017 kl. 06:27]

Ertu að meina, að lögin á Íslandi eru þannig að það verði að "sækja" um að stöðva virkjun.  En ekki að virkjun sé bönnuð, nema með sérstakri heimild?

Af hverju hefur ekki verið sett á laggirnar að náttúran sé vernduð, og að sérstaklega verði að sækja um og sýna hagnað virkjunar?

Er ekki Ísland lýðræði ... af hverju er slík rányrkja leifð? Var fólki ekki nóg boðið, þegar allt fiskverðmætið var sett í fáar hendur og tekið úr almennings höndum?

[Zakarías (IP-tala skráð) 12.12.2017 kl. 07:40]

Nú væri kannski lag að spyrja hverjir eigi Ófeigsfjörð?

[Kreppuannáll (IP-tala skráð) 12.12.2017 kl. 08:12]

Allt Ísland, er í egu "almennings".  Annars væri Ísland ekki ríki, og gæti ekki skattlagt ábúendur.  Eignaréttur, í því sambandi á ekki að skilja sem "að viðkomandi sé konungur yfir sinni jörð og ráði þar lögum og lofum".

[Bjarni Bjarnason (IP-tala skráð) 12.12.2017 kl. 09:42]

Væri það ekki fórnfúst framlag okkar Íslendinga til minkunar á kolefnislosun að virkja Gullfoss?

Ferðamönnum fækkaði trúlega talsvert og þar með þeirri losun sem þeim fylgir og síðan mætti spara einhversstaðar kola eða olíunotkun með rafmagninu úr fossinum?

[kristinn geir steindórsson briem (IP-tala skráð) 12.12.2017 kl. 11:01]

hvort kerið í GRÍMSNESI sé fyrirmynd í góðum siðum efast ég um SIGURÐUR ætti kannski að taka til hjá sjálfum sér áður en hann fer að kenna öðrum. virkjanir eru ekki afturkræfar framkvæmdir. þó mætti rökstyðja stækkun búrfels og blöndu ef má stækka raforkukerfið. ef landsnet myndi slökkva á reykjavík í hvert skipti sem rafmagn færi öðrum landshlutum. þá yrðu menn fljótir að endurbyggja ónýtt rafkerfi landsmana. þó títan félagið hafi haft virkjafrétt í nokkrum ám vissi ég aldrei hvaða verksmiðjur átti rafmagnið að fara. er það ekki skemmtilegt að það skuli vera 4.framkvæmdarstjórar yfir vatnajökulsþjóðgarði og allir staðsettir í reykjavík 

[Ómar Ragnarsson, 13.12.2017 kl. 01:23]

Þótt Grænland væri sjálfstætt ríki er engin eign á landi leyfileg í því landi. 

Náttúra landsins, landið allt, á sig sjálft.