Trump vill trompa Nixon og Kissinger og "heiðra skálkinn."

Heimurinn stóð á öndinni af undrun þegar tilkynnt var um heimsókn Richards Nixon til Kína 1972.

Í Kína ríkti kommúniskt einræði Maos og ógnarstjórn með aðgerðum á borð við "Stóra stökkið fram á við" og "Menningarbyltingu" ásamt fleiri aðgerðum sem kostuðu milljónir manna lífið. 

Bandaríkjamenn höfðu neitað að viðurkenna stjórn kommúnista og meinað Kínverjum inngöngu í Sameinuðu þjóðirnar.

Í staðinn var viðurkennd stjórn þjóðernissinna, sem hafði flúið til eyjunnar Formósu, síðar Taívan, og fór með aðild Kína að Sþ, sem var auðvitað fráleitt.  

En Henry Kissinger, hinn snjalli ráðgjafi Nixons, lagði ískalt mat á það að líkt og Bandaríkjamenn höfðu sætt sig við að lofa Kastró að vera í friði á Kúbu yrði að viðurkenna raunverulega stöðu stórveldanna í Austur-Asíu og viðurkenna de facto yfirráð kommanna í Kína. 

Það þýddi að sætta sig við að Kína yrði áfram kommúniskt ríki. Raunsæispólitík (real politics). 

Af tvennum slæmum kostum virðist Trump nú velja illskárri kostinn, líkt og stundum hefur verið orðað svona á íslensku: Heiðraði skálkinn svo hann skaði þig ekki.

Kommúnískt alræði hefur verið tryggt í Norður-Kóreu líkt og gert var á áttunda áratugnum í Kína með þíðunni milli Bandaríkjanna og Kína og slökunarstefnu gagnvart Sovétríkjunm.  

Og heimurinn andar léttara um sinn.  

Trump og Kim undirrituðu sáttmála

Athugasemdir

[Húsari. (IP-tala skráð) 12.6.2018 kl. 15:52]

Sæll Ómar.

Það er einfaldlega þannig að fram koma menn 
sem sýna slíka yfirburði strax við upphaf 
feril að allar skilgreiningar falla um sig sjálfar
og verða að engu og þeir standa ekki
í annarri samkeppni en við sig sjálfa.
Að hugur þeirra sé bundinn af fyrirrennurum í þessu 
efni er vísast fjarstæða.

Þetta á sér hliðstæðu annars staðar.

Varla hafði skemmtikrafturinn Ómar Ragnarsson fyrr sést á sviði
en öllum var ljóst hvert stefndi.

Sá sem hefði andæft slíku hefði með réttu verið talinn 100% fífl!