Gerir það Bandaríkin "mikilfengleg" að vera viðundur í mannréttindamálum?

Fróðlegt væri að telja þá alþjóðlegu sáttmála upp, sem Bandaríkin virða ekki eða eru ekki aðilar að.

Kemur þá fljótt í ljós að þetta ríki, sem hefur notið þess lengi og fengið þakkir fyrir að hafa verið í brjóstvörn ríkja lýðræðis og mannréttinda, hefur nú ekki aðeins sniðgengið suma helstu alþjóðasáttmála á þessu sviði, heldur hefur nú forseta, sem beinlínis rýfur fyrri samninga landsins og efnir til illinda, óróa og ófriða á alþjóðavettvangi. 

Undantekning um þessar mundir er vináttufaðmlag Trumps við einræðisherra í ríki einhverrar mestu kúgunar og harðræðis meðal þjóða, - að vísu af illri nauðsyn. 

Getur valdið óbætanlegu tjóni

Athugasemdir

[Jón Valur Jensson, 18.6.2018 kl. 17:37]

Geturðu ekki verið nákvæmari, Ómar, og tiltekið hér, hvar það sé sem Bandaríkin séu "viðundur í mannréttindamálum"?

Þá er kannski hægt að ræða málið af viti.

Ekki benda á Mbl.is -tengilinn um þessi 2.000 börn sem tímabundið eru kannski í 6-10 vikna fjarvistum frá foreldrum sínum vegna Mexíkó-flóttamála og myndu jafngilda TVEIMUR börnum hér.

Vistunarmál barna hér hafa heldur ekki verið til neinnar fyrirmyndar, sbr. Breiðuvík, Árbót, Silungapoll, Bjarg, Kumbaravog, Heyrnleysingjaheimilið o.fl. staði og starfsmenn barnaverndar jafnvel brugðizt hrapallega, ef ekki beinlínis verið aðal-brotamennirnir, eins og gerðist í Þingeyjarsýslu.

[Már Elíson, 18.6.2018 kl. 19:52]

Rétt hjá þér Ómar, og aldrei ofsagt um tvískinnung og innri brotalamir hjá þessari glötuðu þjóð, Bandaríkjunum / USA. - Það að ekki skuli verið búið að koma þessum vitleysing og mannleysu D.Trump fyrir kattarnef, eða frá völdum í það minnsta, sýnir hvað þjóðin (USA) er í raun mein-heimsk. En það er nú efni í heila bók. Rétt hjá kristniboðanum JVJ, að vistunarmál barna, fram á þennan dag með vitfirringinn og flokkshækjuna, Braga Guðmundsson, hafa alla tíð verið vafasöm, og apparatið "BarnaVERNDARnefn er enn einn pólitíski sjúkdómur þessa volaða lands. En það að koma Braga þessum til útlanda var "snjall" leikur pólitísku aflanna til að dreifa huga manna áður en illa færi, því hann var (og er) enn ein hrokafulla óværan í málum barna á Íslandi. - Ómar þarf ekkert að vera "nákvæmari" fyrir einhvern blesa úti í bæ. Hann segir bara sannleikann umbúðalaust eftir því sem honum finnst, en kemur samt á móti svona kjánum með því að setja sannleikann kurteisilega fram. Það mætti t.d. téður JVJ reyna að gera í það minnsta einu sinni í stað eilífs skæting á annarra manna korkum.  

[Jón Valur Jensson, 18.6.2018 kl. 22:49]

Fyrst og fremst bað ég (og ekki með skætingi) Ómar okkar að vera nákvæmari. Hann á enn eftir að svara mér. Ég bíð þess svars með eftirvæntingu.

Már tekur sjálfur að hluta undir innlegg mitt um vistunarmálin.

Már þarf ekki að fara í læri hjá mér til að temja sér hörð orð, hann segir sjálfur Donald Trump "vitleysing og mannleysu" og lætur hér í ljós þá ósk, að honum verði komið fyrir kattarnef, kallar ennfremur bandarísku þjóðina "mein-heimska" ásamt fleiri stóryrðum, um BG, sem hann yrði líklega í vandræðum með að sanna með rökum.

[Thorvaldur Sigurdsson (IP-tala skráð) 18.6.2018 kl. 22:50]

Og ekki skaltu, Jón Valur, gleyma þeim séra Georg og fröken Margrétu í þinni upptalningu.

[Jón Valur Jensson, 18.6.2018 kl. 23:39]

Ég geri það ekki og var ekki að reyna að ná utan um öll þessi mál, en gef mér heldur ekki, að við yrðum sammála um þau öll.