Bandarískur Sumarliði og sjálfviti kastar úr glerhúsi.

Texti Bjartmars Guðlaugssonar "Sumarliði fullur" kemur ansi oft upp í hugann þegar Donald Trump lætur vaða á súðum. Trump er þó að því leyti til verri en Sumarliði, að ekki er hægt að kenna drykkjuskap um stóryrði hans, hroka og yfirlæti. 

Sumarliði vissi allt miklu betur en allir aðrir, skildi allt og vissi allt miklu betur en fúll á móti klykkti oft út með "haltu kjafti!" 

Trump, sem hefur límt sig við olíuseljendurna Sádi-Araba, einhverja harðsvíruðustu einvalda og mannréttindatraðkara heims, og gert sér dælt við Vladimir Pútín gas seljanda, ræðst nú með offorsi á Evrópumenn fyrir að kaupa gas af Rússum. 

Sjálfur er Trump ákafur talsmaður þess á heimsvísu að efla framleiðslu á jarðefnaeldsneyti sem allra mest og gera veg olíu- og kolaframleiðenda sem mestan, og kastar því úr afar stóru glerhúsi. 

Hellti sér yfir fundargesti

Athugasemdir

[Halldór Jónsson, 11.7.2018 kl. 20:37]

Góðmennskan gildir eigi

gefðu duglega á kjaft

það hefur það ég þekki

þann allra besta kraft

Trump sér að þetta er eina aðferðin til að ná eyrum loðmullara ESB og ólýðræðislega stjórn þess. Merkel skilur ekkert annað sem gamall kommúnisti frá DDR og frændur hennar Sachsarnir voru verstu Nasarnir í 3.ríkinu og verstu kommarnir eftir 1945.Þetta lið er hugsjónalaust eiginhagsmunalið og ætlast til að Trump bara borgi áfram. 

Hvað skyldu þau Gulli og Kata segja við Trump? 4 % væru það ekki 1-200 milljarðar? Keflavík var aður metin ígildi fjárframlags, kannski er hún það enn þar sem hún bara bíður eftir að Kaninn klomi aftur. 

[Hörður Þormar (IP-tala skráð) 12.7.2018 kl. 00:01]

Ekki er mér kunnugt um saxneska frændur Angelu Merkel. Hins vegar var föðurafi hennar pólskur, tók meira að segja þátt í sjálfstæðisbaráttu Pólverja í fyrri heimsstyrjöld.

Í móðurætt mun hún vera komin frá Danzig í núverandi Póllandi.

Það kemur því ekki á óvart að hún skuli hafa slavneskt yfirbragð.

[Hörður Þormar (IP-tala skráð) 12.7.2018 kl. 00:30]

Faðir Donalds Trump var af þýskum ættum.

Móðir hans, Mary Anne, var hins vegar frá Suðureyjum í Skotlandi, en þaðan komu margir forfeður okkar og formæður.

Mary Anne var yngst tíu systkinna og var Gaelíska hennar móðurmál:            Mary Anne MacLeod Trump - Wikipedia