Meðaltöl segja ekki alla söguna.

Stundum er reynt að sanna vafasamar fullyrðingar með því að beita meðaltölum.

Dæmi:  Á ferðamannastað er hægt að velja á milli tveggja lauga. 

Hiti vatnsins í annarri lauginni er 2 gráður, en í hinni 76 gráður. 

Meðaltalið er 37 stig og þar með ættu allir baðgestir að geta verið ánægðir. 

En auðvitað er enginn þeirra sáttur við ástandið. 

Nú kemur fram svonefnt miðgildi heilarlauna launafólks á Íslandi sé 618 þúsund krónur á mánuði, og að meðaltal launa sé 706 þúsund krónur. 

Sjá má að sumir telja það svo gott að allir ættu að vera ánægðir, jafnvel þótt 10% launamanna séu með minna en 400 þúsund. 

En þar er samt um að ræða meira en 20 þúsund launþega, og vitað er að minnst 10 þúsund manns sem lifa neðan fátæktramarka allt niður í rúmlega 200 þúsund á mánuði. 

 

Heildarlaun að meðaltali 706 þúsund

Athugasemdir

[Ásgrímur Hartmannsson, 13.9.2018 kl. 18:04]

Það eru margar leiðir til að ljúga með tölfræði.  Vegna þess að venjulegt fólk skilur ekki tölfræði.

Laun:

Ég lenti eitt sinn stuttlega á bótum.  Var þá með hærri tekjur, svo munaði 10.000 kr á mánuði.  Saknaði þess þegar ég fékk vinnuna aftur. (Hef ansi sveiflukenndar tekjur.)

Ef þú hefur bæði miðgildið og meðaltalið gefur það þe´r smá hugmynd - ef þokukennda - um hvernig kúrvan er.

Sýnist mér á gefnum upplýsingum að hún sé nokkuð skörp uppávið eftir að þú nærð miðgildi.  Fáir (eða færri) halda uppi meðaltalinu.

Teiknaðu þetta upp á blað.

[Arnþór Helgason (IP-tala skráð) 15.9.2018 kl. 18:58]

Ég man ekki betur en að Katrín hafi minnst á fátækt í ræðu sinni.