Eins og að stökkva vatni á gæs.

Qui bono? var orðtak Rómverja varðandi það að rekja orsakir misyndismála. "Follow the money" heitir það hjá Kananum.  

Auðvelt er að sjá orsakir hinnar eindregnu afneitunar leiðtoga öflugasta lýðræðisríkis heims og heittrúaðra aðdáenda hans á bæði loftslagsbreytingum og komandi þurrð á helstu auðlindum jarðar vegna rányrkju. 

Trump hefur raðað í valdakerfi sitt mönnum, sem eiga bein tengsl inn í olíu- og kolaiðnaðinn og hafa aðeins eitt markmið:  Að hámarka skammtímagróða sinn sem allra mest og allra hraðast. 

Til þess að afgrreiða vaxandi magn gróðurhúsalofttegunda í andrúmsloftinu sem "upplognar fréttir" er birt línurit sem á að sanna að koltvísýringurinn hafi ekki verið minni í 600 milljón ár. 

En breidd línunnar samsvarar 200 þúsund árum og því ekki hægt að sýna vöxt koltvísýringsins á svona línuriti, línan sjálf gleypir 200 ár. 

Línuritið er sjálft hálfsannleikur sem jafngildir lygi, en með því að birta nógu mikið af svona "staðreyndum" er verið að rugla fólk í ríminu og fá það til að trúa engu. 

Og fullyrðingar um það að að gnægð af ódýrri olíu til allrar framtíðar sé enn að finna á jörðinni þjóna sama tilgangi. 

Og bara það, að engu sé hægt að festa hendur á sem traustum heimildum, festir það ástand í sessi sem hentar skammgróðaöflunum. 

Ofan á þetta bætist vanmáttur ráðamanna þjóða jarðar við að grípa til aðgerða sem duga. 

Að reyna að fá þá og jarðarbúa til að grípa til aðgerða, sem hafi áhrif, er eins og að stökkva vatni á gæs þegar litið er á það hve óhemju lítið er gert í raun þrátt fyrir fögur orð á pappír og í fjðlmiðlum.  

„Tíminn til að bregðast við nánast runninn út“

Athugasemdir

[Hörður Þormar (IP-tala skráð) 22.11.2018 kl. 21:47]

Nokkur rök til stuðnings gróðurhúsakenningunni.

1.Veðurfar fer hlýnandi, þrátt fyrir spádóma um kólnun vegna minnkandi           útgeislunar sólar.

2. Hlýnunin er meiri á veturna heldur en á sumrin.

3. Veður hlýnar meira á suður- og norðurslóðum heldur en við miðbaug.

4. Hlýnuin er meiri um nætur heldur en daga.

Harald Lesch: https://www.youtube.com/watch?v=iyUwUZOFxgE

[Hörður Þormar (IP-tala skráð) 22.11.2018 kl. 21:51]

                 Ist die Sonne schuld am Klimawandel? | Harald Lesch               

[Halldór Jónsson, 22.11.2018 kl. 22:27]

Þvílikt kjaftæði og bull

[Haukur Árnason, 22.11.2018 kl. 22:53]

 "Ef við fáum nokkur stór gos í röð þá viðhelst mengunin í andrúmsloftinu með fyrrgreindum afleiðingum. Og menn eru að gera þetta núna með brennslu á öllu þessu eldsneyti."   Þetta er brot úr viðtali við Ármann á  vísi.is. Það er reyndar aðallega um eldgos og áhrif þeirra til kælingar á jörðinni, en hann segir líka: " Og menn eru að gera þetta núna með brennslu á öllu þessu eldsneyti." Hann virðist hafa meiri áhyggjur af kólnun en hlýnun af CO2.

[Húsari. (IP-tala skráð) 22.11.2018 kl. 23:45]

Sæll Ómar.

Vek athygli á að nýta sér kjötsúpu
á helgartilboði í Bónus þegar það
er og verður svo ekki sé minnst
á "Tryllt tilboð á flatkökum" ef það
yrði á vegi þínum því ekkert gefst betur
gegn þeirri tilfinningu að allt sé á leiðinni
þráðbeint og lóðrétt til andskotans!

[Grímur (IP-tala skráð) 23.11.2018 kl. 01:15]

Afhverju eyða æfinni í að hafa áhyggjur af úr hverju maður muni drepst þegar öruggt er að maður drepst úr einhverju.

Lífið einog við þekkjum það í dag á jörðinni mun einhvern tímann líða undir lok þeir sem lifa af munu ef til vill þurfa að flytja í moldarkofana aftur einsog áar Íslendinga fyrir stuttu síðan