Saving WOW? How?

Það var kannski möguleiki á að halda WOW air á floti um skamma hríð þegar eldsneytisverð rauk upp og gera það í þeirri von að verðið lækkaði fljótlega aftur. 

En slik staða er ævinlega vandmeðfarin, því að þegar byrjað er að bíða og taka áhættu, er alltaf erfitt að ákveða, hvenær rétti tíminn er til að gera ráðstafanir. 

Það er svona eins og að standa fyrir framan spilasjálfsala og hætta leiknum þegar hann hefur gengið vel í byrjun.

Um daginn fór síðuhafi með vél WOW air frá Brussel til Íslands, og enda þótt ein flugferð segi svo sem ekki neitt, vakti það ekkert sérlega mikla bjartsýni að sjá, að nóg var af lausum sætum, því að fleiri í vélinni voru auð en setin.

Þetta var augljóslega ekki ferð til fjár fyrir flugrekandann.  

Fyrir um 40 árum var svart útlit í íslensku millilandaflugi. 

Þá var einboðið að ekki var hægt að láta lífæðina rofna. 

Nú eru aðstæður allt aðrar, tugir flugfélaga fljúga milli Íslands og annrra landa og eins dauði getur orðið annars brauð. 

Barátta og sóknarhugur Skúla Mogensen hefur verið aðdáunverður en aðstæðurnar snerust harkalega í óhag og því virðist það, sem framundan er, verða dauðastríð framsækins flugfélags, því miður.  

 

 

 

 

Ólíklegt að skuldum verði breytt í hlutafé

Athugasemdir

[Snæbjörn Björnsson Birnir (IP-tala skráð) 25.3.2019 kl. 21:08]

Saving WOW. Why?

[Vagn (IP-tala skráð) 26.3.2019 kl. 03:24]

WOW átti stóran hlut í því að koma okkur á lappirnar eftir hrunið. WOW hefur eitt og sér skilað milljörðum á milljarða ofan í þjóðarbúið og skapað þúsundir starfa. En eins og með aðra sem hafa unnið þjóðfélaginu gagn, þá hefur það ekki myndað neina skuld sem ber að greiða, það er engin inneign eftir vel unnið starf, enginn réttur til framfærslu.