Aftur góðar fréttir fyrir þá fyrir norðan og austan.

Síðasta aldarfjórðung hafa verið uppi spár um það, að við hlýnun loftslags á jörðinni muni verða til tveir til þrir kuldapollar á mjög afmörkuðum svæðum, og yrði einn þeirra fyrir suðvstan Íaland vegna þess að Golfstraumurinn myndi sökkva sunnar en áður á leið sinni norður í áttina til Svalbarða. 

Þessari kólnun myndi valda tært leysingavatn frá bráðnandi jöklum, sem er léttara en saltur Golfstraumurinn og flyti því lengri vegalengd en áður í yfirborðslögum sjávar á vestanvverðu Norður-Atlantshafi og kældi loftið yfir sér. 

Sumar af þessum spám gerðu ráð fyrir mun meiri og víðfeðmari kólnun á Norður-Atlantshafi en aðrar spár hafa gert síðustu árin. 

Veðurfarið í fyrra langt fram eftir sumri var mjög í þessa átt, og þegar skyggnst er í spá Einars Sveinbjörnssonar sést, að það verður fyrst og fremst um norðan- og austanvert landið sem hlýrra verður og bjartara en í meðalári, líkt því sem var í fyrra, en hins vegar allt upp í helmings líkur á svalara og blautara veðri á sunnan- og suðvestanerðu landinu eins og varð í fyrra. 

Stefnir í hlýtt en vætusamt sumar

Athugasemdir

[Vagn (IP-tala skráð) 21.4.2019 kl. 00:46]

Hvað sem líður öllum spám þá hefur veðrið þau 60 ár sem ég hef lifað verið að mestu svalara og blautara á sunnan- og suðvestanerðu landinu, annað hafa verið sjaldgæfar og velkomnar undantekningar. Hingaðtil hefur það ekki verið tengt breytingum á Golfstrauminum eða bráðnun Grænlandsjökuls. En það er líka spurning hvort spá um veður eftir 50 ár stjórnaði veðrinu síðasta sumar eða komi málinu ekkert við og tengist veðri síðasta sumars ekkert.

[Ómar Ragnarsson, 21.4.2019 kl. 12:35]

Það er nú einfaldlega staðreynd, Vagn, að sumarið á suðvesturlandi í fyrra, einkum vorið og fyrirparturinn, voru miklu blautari og kaldari en verið hafði fyrr á þessari öld. 

[Ómar Ragnarsson, 21.4.2019 kl. 12:41]

Ég minnist hvergi í pistli mínum á 50 ára gamlar spár, heldur tala um spár, sem fóru að birtast fyrir aldarfjórðungi. 

Furðulegt er að þurfa að vera standa í andsvörum við endalausum athugasemdum af þessum toga. 

[Már Elíson, 22.4.2019 kl. 10:17]

"Nýjir" kjaftaskar á við hinn nafnlausa "vagn" verða alltaf til. Þegar óværan "steini breim" hvarf loksins af síðum þínum Ómar, þá birtist önnur. Síðan þessi. Þetta er dæmigerður bloggsóði sem hefur það að iðju sinni vegna innri baráttu við sjálfan sig og skemmd í toppstykkinu, að eyðileggja fyrir öðrum.

Allt hefur sinn tíma. Þegar þessi rugludallur, kjaftaskur og "besserwisser" hefur gert sjálfan sig að fífli á síðu þinni í nokkur ár og útbíað hana, þá hefurðu kannski geð í þér til að koma honum frá. - Þú ert enn við stjórn.