Íslands þúsund ár

20.5.2019 | 17:49

Eitt af því sem furðu margir eiga erfitt með að viðurkenna.

20 hlýjustu árin á síðustu áratugum hafa komið á síðustu 22 árum. Sjá má á línuritum að hlýju árin 1920 til 1965 líta á línuritinu eins og skörðótt fjall, en einnig, að sé litið lengra aftur og fram í tímann, hafa komið toppar og lægðir, en með timanum hafa topparnir hækkað og botnarnir líka.

Talan 22-20 sýnir svipað og sjá má á öllum línuritum um hitafar, að smærri sveiflur geta alltaf orðið. En þetta hlutfall er samt einstakt.

Furðu margir virðast ekki geta viðurkennt þetta, heldur ganga svo langt að nánast allt, sem þorri vísindamanna leggur fram, byggist á algerum lygum og uppspuna.

Meira að segja má sjá vitnað í vísindaleg gögn sem sýni að jöklarnir stækki, en minnki ekki.

Og jafnvel að jökull, sem hefur dregist til bka inn af Jakobshavn á Grænlandi um 40 kílómetra, hafi gengið fram um 40 kílómetra!

Síðuhafi þessarar síðu sendi inn stutta athugasemd um þetta, en hún hefur ekki birst svo að lenging jökulsins heldur áfram að vera staðreynd á umræddri síðu.

Og hið nýjasta í þessum málum er að einn bloggpistlahöfunda segist sjálfur hafa mælt jöklana og komist að því að meira að segja Breiðamerkurjökull gangi fram. Að vísu ekki nema um einn metra á síðasta ári, og má með sanni segja að þar sé nákvæmni þessa mælingamanns undraverð og sýni hve miklu vísindalegri og nákvæmari athuganir hans eru en hjá þeim vísindamönnum, sem fást við jöklamælingar.

Trump lýsti því fyrir rúmu ári, að reka þyrfti þá óhæfu vísindamenn, sem héldu því fram að jörðin og höfin væru að hitna og ráða "alvöru" vísindamenn í staðinn.

Einn íslenskur virðist nú vera kominn í þann hóp.

	Jöklar hopa en skógar stækka
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 18:01 | Facebook

Athugasemdir

Blessaður nafni.

Ég held að hin meinta andstaða við raunveruleikann hér á Íslandi, og það að rífast við vísindin, sé aðallega hér í því horni Netheima sem við kennum við Moggabloggið.

Sumir eru á kaupi við þetta, þó kannski sé full mikið lagt í orðið "sumir" að útleggja það út frá einum manni.

Aðrir eru sannfærðir, og það á að taka því eins og það er. Valdimar er örugglega góður með tommustokkinn, og ekkert nema gott um það að segja.

Það og svo margt annað, sem hér birtist, hefur ekkert með raunveruleikann að gera.'

En alltaf er gott að lesa pistla þína, það er hlutverk landvætta að passa uppá landið okkar, náttúru þess sem og lífsskilyrði komandi kynslóða.

Margt af þessu er sameinað í andstöðu Öldunga við orkutilskipanir Evrópusambandsins, annað er að minna eldra fólki á að það er eigingirni að vilja vera síðasta kynslóðin sem á öruggt skjól með barnabörnum sínum.

Segjum bara að ef Trump hefði fengið fjárveitingu til að vernda líf, í stað þess að ýta undir vígbúnaðarkapphlaup eða skammtímagróðasjónarmið kolefniseldsneytisiðnaðarins, þá væri obbinn hér á þínu máli.

Svoleiðis er máttur hans.

Líkt og með skógarelda sem engu eira, en það þýðir ekki samt að við reynum ekki að slökkva slíka elda.

Því skylda okkar er óháð gjörðum annarra.

Kveðja að austan.

Ómar Geirsson, 20.5.2019 kl. 18:22