Við erum samt enn á svipuðu róli og á raunhæfu metári.

Þótt ferðaþjónustan hafi dalað á þessu ári, er varasamt að miða alltaf við metárið 2018. 

Ástæðan er sú, að frá 2011 til 2018 var algerlega fordæmalaus vöxtur, sem vita mátti, að gæti ekki haldið áfram endalaust. 

Á hverju ári þessi átta ár, var um metár í fjölda erlendra ferðamanna að ræða, og því var fagnað gríðalega hvert ár. 

Við mat á ástandinu nú, verður einnig að taka fall WOW air með í reikninginn, því að í ljós hefur komið, að ósjálfbær ofurvöxtur þess félags átti stóran þátt í toppnum 2017-2018 og fól í sér falska forsendu.

 

Raunhæfara væri að miða fjölda ferðamanna núna við eitthvert þeirra metára þegar menn áttu varla von á því að hægt væri að ná lengra. 

Eins og til dæmis árið 2015 þegar efnahagsuppgangurinn, drifinn af fordæmalausum vexti ferðaþjónustunnar, hafði þegar náð hæstu hæðum. 

Færri kjósa Ísland

Athugasemdir

[Jósef Smári Ásmundsson (IP-tala skráð) 4.7.2019 kl. 09:01]

Hárétt. Og upplýsingar um kortanotkun ferðamanna benda til þess að innkoman er ekkert minni eftir þessa fækkun. Þeim hefur einfaldlega fækkað þeim ferðamönnum sem hjóla um landið eða ferðast á puttanum og sofa í tjöldunum. Nú væri lag að huga að uppbyggingu ferðamannastaða, auka þjónustu við efnameiri ferðalanga og útrýma svartri atvinnustarfsemi og undirboðum í þessum iðnaði. Vegna offjölgun undanfarinna ára hafa þessi mál legið í láginni.

[Sigurður I B Guðmundsson, 4.7.2019 kl. 09:06]

Er ekki möguleiki að græðgisvæðingin með uppsprengt verð og endalausum Hótelbyggingjum verður mörgum þessum aðilum að falli??

[Jósef Smári Ásmundsson (IP-tala skráð) 4.7.2019 kl. 10:21]

Alveg örugglega Sigurður. En ef það er rétt að fækkunin sé aðallega hjá þeim ferðamönnum sem kaupa ekki hótelherbergin og aðra gistingu þá mun græðgin sigra. Sérstaklega ef það verður gert átak í að fjölga þeim ferðamönnum sem eiga peninginn .

[Vagn (IP-tala skráð) 4.7.2019 kl. 15:52]

Mætti þá ekki eins miða kjarabætur við 2015 og færa laun og bætur til þess sem þá var talið hámark þess sem atvinnuvegirnir og ríkið réðu við? Taka til baka met hækkanir launa og bóta síðustu ára?

Það er verið að leita eftir því hver breytingin milli ára er. Það verður því ætíð miðað við síðasta ár, hvort sem það var gott eða vont. Og það er einstaklega heimskulegt að ætla í þeim samanburði að velja eitthvað annað ár og kalla það val raunhæft.