Líf á óendanlega mörgum plánetum?

Ef eilífðin og óendanleikinn eru grunnur alheimsins, t.d. vegna þess að utan þess alheims sem manninum er þekktur, séu fleiri alheimar, kannski óendanlega margir, eru líkurnar á því að líf sé á öðrum plánetum en jörðinni óendalega miklar.  Eða hvað?

Þess vegna er þessi setning um fyrirbærið, sem margir kalla alvald, i ljóði um líf og dauða, svohljóðandi:  

"Vítt um geim, um lífsins lendur

lofuð séu´hans verk.

Felum okkur í hans hendur 

æðrulaus og sterk."

 

Fundu plánetu sem er mögulega lífvænleg

Athugasemdir

[Hörður Þormar (IP-tala skráð) 9.8.2019 kl. 18:31]

Allir þekkja litlu rykvöndlana sem myndast í skúmaskotum sem ekki hafa verið þrifin lengi. Rykkorn í geimnun rákust saman og loddu við hvert annað, fleiri og fleiri. Þannig byrjaði jörðin að verða til samkv. stjarneðlisfræðingnum, Harald Lesch, í pistlinum, "Gesteinplaneten, Kosmologie 5".

Hér veltir annar stjarnvísindamaður, Leonard Susskind, fyrir sér upphafi alheimsins:                                                                  Leonard Susskind - Is the Universe Fine-Tuned for Life and Mind? Closer To Truth Closer To Truth • 240K views                                                                               

[Haukur Kristinsson (IP-tala skráð) 9.8.2019 kl. 18:36]

Í okkar stjörnuþoku (galaxy, milky way), sem við köllum því fallega nafni Vetrarbraut eru hundruð milljarðar af stjörnum (sólum) og því hundruð milljarðar af sólkerfum með reikistjörnum, plánetum. Líkurnar fyrir plánetum með fljótandi vatni og lífi eins og við skilgreinum það eru því miklar, ef ekki vissar. Líkurnar á "civilisation" eru hinsvegar hverfandi. Einnig í öðrum stjörnuþokum. Enn í dag bendir ekkert til þess. Og að blanda einhverju "alvaldi" inn í umræðuna er ótímabært miðaldar rugl.

[Kolbrún Hilmars, 9.8.2019 kl. 18:50]

Alheimurinn er enn að þenjast út, allt kerfið er á fleygiferð, jafnvel okkar litli hnöttur. Eða svo segja fræðingar.  Mjög erfitt að kynnast nágrönnum við slíkar aðstæður.

[Húsari. (IP-tala skráð) 9.8.2019 kl. 19:09]

Sæll Ómar.

Orðið alheimur hefur í sér fólgið
alla heima hvort heldur einn eða fleiri.

Önnur sólkerfi eru þegar þekkt en eru
teljanleg að því marki sem þau skarast
ekki við önnur.

Fullmikil eigingirni væri það að gera ekki
ráð fyrir því að líf leynist í öðrum stað!

Kemur aftur að höggorminum sbr. sköpunarsöguna
að ásjálegur hefur hann verið en um form eða sköpun
að öðru leyti ekkert vitað.

Tíminn ákvarðar um upphaf og endi alls; allt forgengilegt
en engu líkara en kerfi eða afl þessa alls eigi jafnframt
upphaf og endi í sjálfu sér og í þeim skilningi á orðið
óendanleiki fullan rétt á sér.

(við þurfum eina kvöldstund að komast á 24. glasið
og þá verður þetta augljóst!!)

[Haukur Kristinsson (IP-tala skráð) 9.8.2019 kl. 19:11]

Rétt Kolbrún Hilmars. Stjörnuþokur fjarlægjast hvor aðra vegna útþenslunnar með hraðanum ca. 70 km á sekúndu. Hubble's constant. 

[GB (IP-tala skráð) 10.8.2019 kl. 06:58]

Á 108 þúsund km/klst um sólu.. https://en.wikipedia.org/wiki/Milky_Way

[Haukur Kristinsson (IP-tala skráð) 10.8.2019 kl. 09:11]

GB (06:58). Og 7-sinnum þennan hraða á ferli sínu (jarðarinnar samt tungli) um miðpunkt Vetrarbrautarinnar sem snýst um eigin ás. Kyrrstaða er ekki til. 

[Jónas Gunnlaugsson, 10.8.2019 kl. 10:38]

Á öllum óendanlega mörgu sandkornunum á öllum sandströndum í heiminum, eru smá lífverut, með flat skinjun.

Öll trúðu þau því að þau væru einstæð í heiminum.

Egilsstaðir, 10.08.2019  Jónas Gunnlaugsson

[Jónas Gunnlaugsson, 10.8.2019 kl. 10:46]

Á öllum óendanlega mörgu sandkornunum á öllum sandströndum í heiminum, eru smá lífverur, með flat skinjun, lifða í tvívíðum heimi.

Öll trúðu þau því að þau væru einstæð í heiminum.

Egilsstaðir, 10.08.2019  Jónas Gunnlaugsson

[Húsari. (IP-tala skráð) 11.8.2019 kl. 11:44]

Sæll Ómar.

"Öll trúðu þau því að þau væru einstæð í heiminum."

Hér drepur Jónas af snilldarorðfæð á það sem er hver
mestur og stærstur vandi við að fást
hvað varðar allt á þessu sviði.

Þessi raunverulegi skortur skynjunar þvælist fyrir
og gerir það að verkum að menn fá eigi litið bak við
tjöldin nema að hluta til.

Um það efast enginn sem séð hefur og reynt, - fyrir öðrumn
hreinasta fásinna, - að hægt er að segja til um atvik í
lífi þjóðar sem og einstaklinga með verulegri vissu
og tímasetja þau hvort heldur til árs eða aldar.

Á öllum tímum hefur verið uppi fólk sem þetta hefur gert.

Á sama tíma hafa menn haft í frammi ótrúlegustu blekkingar
og trúðsleik til að villa um fyrir fólki og umfram allt
að geta haft af því peninga.

Þökk sé Jónasi fyrir að benda á þetta jafn bráðnauðsynlegt sem það var.

[Jónas Gunnlaugsson, 22.8.2019 kl. 00:46]

Þakka Þér Húsari góð orð. Stundum er eins og tilgangslaust sé að reyna að tjá sig. Þú hefur skilning.

Egilsstaðir, 22.08.2019  Jónas Gunnlaugsson

[Ingólfur Sigurðsson, 22.8.2019 kl. 02:54]

Sem betur fer eru vísindin að komast betur og betur á þá skoðun að geimurinn sé óendanlegur og þar með farin að viðurkenna möguleikann á efniskenndu framlífi, einsog dr. Helgi Pjeturss hélt fram, án efa réttilega.

Merkilegt er að minnast þess hvernig hin viðurkennda og opinbera heimsmynd hefur breyst í tímans rás, hvernig áður fólk var ofsótt fyrir að halda því fram að sólmiðjukenningin væri rétt, til dæmis, og annað sem hefur hjálpað vísindunum á framfaraleiðinni. 

Þetta ætti að kenna manni að margt af því sem talið er viðurkennt og rétt í dag þarf alls ekki að reynast þannig síðar.

Margt merkilegt hefur Ómar fram að færa nú sem oft áður.