Þegar jafnvel Framarar hrópuðu "áfram KR!"

Einu sinni tefldi KR fram tveimur liðum í bikarkeppninni í knattspyrnu, A-liði og B-liði. Margir ágætir leikmenn fengu tækifæri til að láta ljós sitt skína B-liðinu, og gekk vel svo að ef minnið bregst ekki, kom að því, að KR-liðin áttust við. 

Einn eftirminnilegasti leikmaður B-liðsins hét Jón Sigurðsson, og var það vinsæll meðal áhangenda annarra liða, að þeir hrópuðu jafnvel "áfram KR!" og hvöttu Jón, sem var stórnefjaður og stundum kenndur við nef sitt. 

Átti það vel við, því að góðir leikmenn verða að hafa gott nef fyrir leiknum. 

Ef vel gengi svo að KR-liðin lentu saman, voru jafnvel harðir Framarar tilbúnir til að hrópa "áfram KR!" í þeim leik, og bæta kannski nafni Jóns við, eða b-inu.

Svo fór, að staðan varð þannig, að ef B-liðið ynni ÍBV, ef munað er rétt, myndi það lenda í næsta leik á móti Aliði KR, og þótti ýmsum tími til kominn að það lið KR sleppti áralöngu taki sínu á bikarnum.

Hrópuðu margir Framarar og fleiri andstæðingar KR-inga því hástöfum "áfram KR" í þeim leik, margir líklega í fyrsta og eina skiptið á ævinni.

En allt kom fyrir ekki; aðallið KR komst mst alla leið, því miður sögðu sumir, en mærðu jafnframt frækilega frammistöðu Jóns og félaga hans sem voru ekkert fjarri því fella aðal bikarliðið á þessum árum úr keppni. 

Jón dreymdi um að spila landsleik, en þurfti að sitja á bekknum án þess að vera tekinn inn. 

Í Færeyjum gekk vel og ákvað þjálfarinn i ljósi yfirburða markatölu Íslendinga í síðari hálfleik, að setja Jón inn á. Jón hljóp inn á og sneri sér í leiðinni til þess að dómarinn sæi númer hans. 

Við það hrasaði hann og sneri sig það illa fæti, að hann varð að haltra út af aftur.  En það kom ekki að sök því að Jón fékk skráðan í leikferils sinn að hafa spilað landsleik. 

Liverpool teflir fram tveimur liðum í einu

Athugasemdir

[B.N. (IP-tala skráð) 6.11.2019 kl. 01:29]

 Frétt 23.nóv.2014 visir.is

,,Fimmtíu ár eru liðin frá því að KR og Liverpool mættust í tvígang í Evrópukeppni meistaraliða í fótbolta en það voru fyrstu leikir beggja liða í keppninni.

Valtýr Björn Valtýsson kíkti á KR-inga sem hittust í dag í kaffisamsæti í tilefni áfangans í dag og velti upp þeirri spurningu af hverju KR og Liverpool mættust ekki á árinu.

„Við höfum verið í stöðugu sambandi við þá síðan 2000 og vorum komnir afskaplega nálægt að fá þá hér 2004 en því miður þá gekk það ekki,“ sagði Kristinn Kjærnested formaður KR.

„Við lifum enn í voninni en þetta er afar erfitt því þessi lið stjórnast af markaðsöflunum og fara til útlanda þar sem þau fá fullt af peningum fyrir að spila. Það þarf að borga stórar upphæðir og það er erfitt fyrir litla manninn á Íslandi til að keppa um það en við lifum enn í voninni því sagan er svo sannarlega til staðar.“

Liverpool vann fyrri leikinn í Reykjavík 5-0 en Liverpool vann seinni leikinn 6-1 þar sem Gunnar Felixson skoraði mark KR.

„Ætli það hafi ekki haldið nafni mínu á lofti hvað lengst að ég gerði þetta mark,“ sagði Gunnar. „Ég man það bara að ég fékk sendingu utan af kanti og náði að teygja mig í boltann og koma honum inn. Ég man ekki hvernig þetta gerðist og hef aldrei séð þetta á mynd.“

Áfram KR! Baldvin Nielsen Liverpool fan