Langbesta, en vanmetnasta verkfærið í snjó: Kústur með nógu löngu skafti.

Þessa fyrstu daga ársins má sjá marga vera að basla við það með litlum sköfum að ná snjó af bílum sínum og fórna höndum yfir því að moka snjóinn í kringum bílana. 

Í hverfinu þar sem síðuhafi býr, sér hann hins vegar ekki í notkun langbesta vekrfærið til þess arna, og það er sfull ástæða til að minna á það, að venjuulegur strúkústur er langþægilegasta, fjölhæfasta pg afkastamesta verkfærið, að minnsta kosti þegar snjórinn er ekki blautur og þungur. 

Prófið þetta bara. 

Kústurinn kemst yfirleitt, ef lagni er beitt, langsum inn á ská í flesta bíla og láta hann liggja á milli framsætanna. 

Sé bíllinn of lítill fyrir hann, má leita fyrir sér um að kaupa kúst með aðeins styttra, en þó mátulega löngu skafti. 

Síðan er einnig sá möguleiki að saga einfaldlega hæfilega langan bút af endanum á skaftinu. 

 

Stormur nálgast Suðaustur- og Austurland

Athugasemdir

[Jósef Smári Ásmundsson (IP-tala skráð) 3.1.2020 kl. 07:55]

Ef þú setur yfirbreiðslu yfir rúðuna sleppur þú algjörlega við að nota sköfuna. Það er hægt að kaupa svona yfirbreiðslu t.d. í Costco. Yfirbreiðslan er fest með því að krækja yfir sprglana .

[Ómar Ragnarsson, 3.1.2020 kl. 17:27]

Takk fyrir þetta. 

[Erla Magna Alexandersdóttir, 3.1.2020 kl. 18:14]

Ómar þú virðist ekki muna eftir stóru bílunum en þetta er gott ráð .