Hvernig geta svona margir grætt svona mikið án þess að nokkur borgi?

Það skal tekið strax fram að þessi pistill er skrifaður af algerri vanþekkingu á því, hvernig rafmyntakerfið virkar. 

Vikum saman má sjá vitnisburði fólks á netmiðlunum, sem hefur tekið þátt í kapphlaupi um að græða sem óheyrilegastar fjárhæðir á sem skemmstum tíma. 

Oft er þetta frægt fólk á íslenskan mælikvarða, sem ber því vitni, hvernig það gat með nánst engri fyrirhöfn orðið milljónamæringar á methraða. 

Ekki er þess að minnast að nokkur maður hafi játað að hafa tapað neinu. 

Nei, þvert á móti, langflestir græða tugi og jafnvel hundruð milljarða á geimhraða. 

Er möguleiki á að einhver útskýri það fyrir okkur aulunum, sem skiljum ekkert í þessu, af hverju hið einfalda lögmál um að fjöldi fólks fái gríðarlegar fjárhæðir greiddar í sinn hlut án þess að neinn borgi þær. 

Koma þessi auðæfi ekki neins staðar frá?  Eða detta þau af himnum ofan?

 

Vilja milljarð frá rafmyntafyrirtæki

Athugasemdir

[G. Tómas Gunnarsson, 30.1.2020 kl. 23:12]

Þess ber fyrst að geta að ég held að allir "vitnisburðir" þar sem frægir Íslendinga koma fram og segja hvað þeir hafi hagnast á rafmyntum, séu svo kallaðar falsfréttir og settar fram á þess að viðkomandi aðili hafi nokkur tengsl, eða hafi komið nálægt vinnslu þeirra.

En það er hægt að byggja hús, og síðan gengur það kaupum og sölum endalaust og allir græða á meðan verðir hækkar.  Það tapar enginn á slíkum viðskiptum.

Þangað til verðið lækkar, ef það gerist.

Það sama gildir um hlutabréf.

Og það sama gildir um rafmyntir.

Á meðan traustið og eftirspurnin rýkir, græða allir. Þannig lagað séð.

En vissulega hafa margir tapað á rafmyntum, ekki síst þegar "miðlarar" hafa horfið, eða þannig.

Þetta er svona einfalda útgáfan af þessu.

En eins og í mörgum öðrum viðskiptum snýst þetta um eftirspurn og traust.

[Ómar Ragnarsson, 30.1.2020 kl. 23:21]

Takk fyrir þetta. Mig grunaði að það gæti orðið eitthvað líkt þessu. 

[JR (IP-tala skráð) 31.1.2020 kl. 09:29]

Er verðmyndun rafmyntar eins og fastafjármuna   ?

Eitthvað ,,fast í hendi"  ?

Hver er ,,grunnurinn"  á verði rafmyntar  ?   

[Þorvaldur S (IP-tala skráð) 31.1.2020 kl. 10:21]

Gjaldmiðill er einskis virði, nema eitthvað sé hægt að kaupa fyrir hann. Opinber gjaldmiðill þjóða virkar vegna þess að virði hans er tryggt með þeim vörum sem þjóðin framleiðir. Rafmyntirnar eru verðlausar nema einhver trúi því að eitthvað sé hægt að kaupa fyrir þær og um leið og einhver neitar að taka við þeim eru ballið búið.

[Þorsteinn Siglaugsson, 31.1.2020 kl. 13:22]

Það er ekkert neins virði nema einhver sé tilbúinn að borga eitthvað fyrir það. Hvers vegna er gull dýrt? Það er vegna þess að nógu margir trúa því að nógu margir séu tilbúnir að greiða hátt verð fyrir það. Það er ekki vegna notagildis þess. Sama á við um rafmyntir. Ef nógu margir trúa því að nógu margir aðrir séu tilbúnir að greiða tiltekið verð, þá verður það gangverð rafmyntarinnar.

[Skuggi (IP-tala skráð) 31.1.2020 kl. 22:19]

¨There is a rat in my kitchen!

What am i gonna do?

Im gonna teach that rat,

thats what ima gonna do.¨

UB-40