Lokun álvera og sæstrengjum veifað.

2007 hótaði Rio tinto því að loka álverinu í Straumsvík nema að leyfð yrði stórfelld stækkun þess. Litlu munaði að þessi hótun nægði til þess að stækkunin yrði leyfð í almennri íbúakosningu, en nokkur hundruð atkvæða munur réði því, að stækkuninni var hafnað. 

Ekkert varð samt úr lokun álversins, og var í staðinn farið út í hagræðingu, sem hefur nægt fram að þessu. 

Nú hótar Rio tinto á ný að loka álverinu nema að Landsvirkjun stórlækki orkuverðið. 

Ketill Sigurjónsson skrifa athyglisverðan pistil um málið, þar sem sagt er að líkurnar á lokun nú eða í náinni framtíð fari vaxandi, og að lokun álvera sé svo stór aðgerð, að aðeins lagning sæstrengs geti komið okkur til bjargar. 

Þetta styður þau orð forstjóra Landsvirkjunar á ársfundi Lv fyrir nokkrum árum, að það sé ekki spurning um hvort, heldur hvenær sæstrengur komi, og af öðrum heimildum má ráða, að strengirnir verði að verða minnsta kosti tveir, ef ekki enn fleiri með kostnaði upp á þúsundir milljarða króna. 

Árum saman hefur því verið haldið fram hér á landi, að ef reistar séu virkjanir hér á landi í stórum stíl, muni það halda aftur af Kínverjum við að reisa kolaorkuver. 

Nú liggur hins vegar auðvitað fyrir, að Kínverjar fara ekkert eftir því hvað við gerum í þessum efnum, heldur hafa þeir haldið því áfram stanslaust að reisa kolaorkuver. 

Kína er stórveldi, sem hugsar aðaine um eigið sjálfstæði í þessum málum, og það hefur allan tímann legið ljóst fyrir. 

Kórónudýfa í kauphöllinni í New York

Athugasemdir

[Tryggvi L. Skjaldarson, 9.3.2020 kl. 11:52]

Eftir kosningarnar 2007 var farið í að reyna að setja túrbínu í gamla Ford og hefur það kostað 60 milljarða.  Gamli Ford er enn gamli Ford og framleiðir ekket meir af áli en 2007.  88 atkvæðum munaði (eða sveiflu uppá 45 manns) að nýr Ford með nýjustu tækni stæði sunnan við Hafnarfjörð.

Þjóðir heims þurfa að gera upp við sig hvort þær vilja ál sem losar 1,6 tonn af CO2 eða 14,2 tonn á framleitt tonn af áli. Ef viljinn til að draga úr losun á CO2 er raunverulegur, er ljóst að þarna er himinn og haf á milli framleiðslu aðferða.  Og dæmi hver fyrir sig hvort gamli Ford getur tekið þátt í þeim slag sem framundan er.

[Ómar Ragnarsson, 9.3.2020 kl. 14:55]

Það er Kínverjum að kenna að vinnslan með kolaorku er aukin, og eftir Trumps komst til valda, hefur verið blásið til harðnandi samkeppni milli BNA og Kína sem framkallar aukna einangrunarstefnu. Hjá Kínverjum snýst málið um það sama og þegar Kanarnir hófu vinnslu olíu úr jarðlögum með bergbroti, að verða sjálfum sér nógir og öruggir um sínar auðlindir. 

[Halldór Jónsson, 9.3.2020 kl. 20:05]

Kínverjar ákveða verð á öllu pólitískt en ekki markaðslega.