Er þetta bara ekki annað djók, kaldhæðni?

Ný fyrsta heimsfrétt einu sinni enn af blaðamannafundi Bandaríkjaforsetia. Hann klikkar ekki. Sker sig alveg úr með það. 

Hann virkaði afar sannfærandi um daginn þegar hann sagði beint framan í myndavélarnar að með því að beita útfjólubláum geislum og sótthreinsivökvum innvortis á COVID-19 veiruna væri hægt að drepa hana á einni mínútu.  Og málið, sem heimsbyggðin hefði skolfið yfir, þar með dautt í bókstaflegri merkingu. 

Hann virkaði ekki síður sannfærandi á blaðamannafundi þar áður þegar hann endurtók það aftur og aftur, að hann væri að bjarga meira en milljón Bandaríkjamönnum frá bana, verða lífgjafi fleiri manna en hefðu látið lífið í öllum styrjöldum Bandaríkjamanna frá upphafi!

Endurtók það líka aftur og aftur.  

Þegar þeir, sem taldir eru hafa mestu þekkingu á sviði bráðdrepandi vökva og innvortist beitingu á útfjólubláum geislum brugðust strax ákveðið við inum fáránlegu fullyrðingum um innvortis áhrif sótthreinsi og sterkra hreinsiefna, var forsetinn fljótur að snúa við blaðinu og sagði að hann hefði ekkert meint með þessu; þetta var bara kaldhæðni, þ. e. leikur, djók. 

Nú liggur fyrir að Bandaríska leyniþjónustan segir engar sannanir fyrir því að Kínverjar hafi búið COVID-19 til, en Trump segist vita betur. Alveg viss í sinni sök, þótt hann geti reyndar ekki upplýst í hverju það liggi.  

Rekur það ekki nánar.  Enda aldrei að vita nema það og hótanir að refsa Kínverjum með auknum tollum sé bara kaldhæðni, djók? 

Um alla heimsbyggðina koma leiðtogar ríkja fram og tala við þjóðirnar sem þeir hafa valist til að stjórna. 

Enginn þeirra virðist á svona plani, svo að vitað sé. Og kemst fyrir bragðið í sviðsljós heimsins aftur og aftur. 

 

Segir hægt að sanna að veiran komi af rannsóknarstofu

Athugasemdir

[Helga Kristjánsdóttir, 1.5.2020 kl. 05:16]

Helvítis væll er þetta alltaf ef kallinn talar afdráttarlaust og þetta er ekki eitthvað sem hann er eð boða ,ef það er ekki rétt. Eru ekki komma andskotarnir að herja á þá,eftir að hafa stolið iðnaðarhugmyndun i ára vis "made in China" Kína verður að gera grein fyrir þessari andstyggð og svo reyna þeir að ljúga þessu upp á Bandaríkin. Það er ekki hægt að búa nálægt þessum óþverra. En tek fram að almenningur í Kína ræður lítið við svona þjóðskipulag;Akkurat sem við ætlum ekki að innleiða í Ísland. Forsetinn sneri engu blaði við, hann leiðréttir og veit að hvert einasta orð hver einasta setning er löguð til hjá óvinum hans og oft klippt; Ertu virkileg hlynntur þessari vinstri Alþjóðastemmu sem sótt er hjá óheiðarlegum andstæðingum. Ég hef aldrei skilið þessa náttúru fölsku ást þína á landinu hér,þer er andskotans sama þó þetta allt sé gefið vinunum ykkar til að breyta Íslandi í verbúð eða sukkbúllu og þjóðin sem gerði hana verðmæta megi þola að því sé öllu slátrað og lubbunum (sem við verðum ef við lifum þetta án baráttu)fáum sýklafyllta nauta rassgöt- Ó hvað sumargleðin hlakkar í aumingjunum. Mín skoðun er að við eigum fullan rétt á að verja okkur...........   

[Bjarni (IP-tala skráð) 1.5.2020 kl. 07:55]

Lengi vel hélt ég að þessi maður væri bara drullusokkur, ekkert heimskari en gengur og gerist, nú er ég sannfærður um að þetta er heimskt fífl sem væri best geymdur ã viðeigandi stofnun, ekki meðal almennings.

[Húsari. (IP-tala skráð) 1.5.2020 kl. 08:18]

Sæll Ómar.

Það liggur fyrir að Kína steinlokaði
landinu og landamærum sínum öllum
vegna drepsóttar en flug jafnt
til Bandaríkjanna sem og Evrópu hélst
óbreytt með öllu a.m.k. í heila tíu daga.

Það er þetta athæfi að viðbættu því að Who
þagði þunnu hljóði yfir því sem var
raunverulega að gerast í Kína sem gerir það að verkum
að menn líta þetta sem eitthvert mesta illvirki og hryðjuverk
sem veröldin hefur augum litið allt frá stríðslokum.

Er ekki sérkennilegt að sjá eitthvert fyrirbrigði sem
kallast Alþjóðaheilbrigðisstofnunin standa að slíku;
hylma yfir með illræðismönnum?

---

Þér hefur verið bent á með réttu
að það var blaðamaðurinn sjálfur sem talaði um hreinsiefni
en ekki Trump.

Hver er tilgangurinn að tönnlast á þessu þegar þú veist betur?

[Sigurjón Guðmundsson (IP-tala skráð) 1.5.2020 kl. 09:20]

Vel mælt Ómar. Ég treysti færustu vísindamönnum heims betur en Donald Trump. Það er alveg magnað að sjá hversu margir eru fljótir að kaupa stoðlausar fullyrðingar frá manni sem skrifaði á Twitter fyrir ekki svo alls löngu að hann væri „very stable genius“.

[Ómar Ragnarsson, 1.5.2020 kl. 09:24]

Mikið er vald blaðamanna ef þeir ráða því hvað forsetinn segir. Forsetinn þurfti reyndar enga blaðamenn til þegar hann hamraði dögum saman á galdrinum, sem malaríulyfið byggi yfir. 

Eftir að hafa skoðað allan blaðamannafundinn frá upphafi til enda þar sem hann hamraði aftur og aftur á því hvílíkur afreksmaður hann væri að bjarga upp á eigin spýtur meira en milljón manns frá bráðum bana og margtuggði töluna 2,2 milljónir, sem annars myndu farast, sást greinilega, að það var enginn blaðamaður sem lagði honum þessi orð í munn.  

Uppgötvun Trumps á órækum sönnunum um á því hvernig Kínverjar hefðu búið veiruna til á tilraunastofu, sem aðdáendur hans síðan spinna út úr á þann hátt að þeir hefðu lokað fyrir hana innanlands til að geta dreift henni til annarra landa er auðvitað jafn mikil heimfrétt eins og það þegar George W. Bush fullyrti að CIA hefði fundið órækar sannanir fyrir því að Írakar ættu mikið magn af gereyðingarvopnum. 

Með þessu og því að bera CIA fyrir því réttlætti hann innrás í landið, sem leiddi í ljós að það voru engin gereyðingarvopn þar. 

Núna gengur Trump skrefinu lengra og varpar þessari heimsfrétt út án þess að geta borið CIA fyrir því. 

[Jónas Gunnlaugsson, 1.5.2020 kl. 10:54]

Ég hef alltaf ímyndað mér, að þegar svona er skrifað, séu aðilar í vinnu hjá hagsmuna aðilum, til að lifa, og ráði þá ekki sjálfir hvað á að skrifa.

Það er alls ekki rangt að vinna fyrir sér, en það nær engri átt, þegar fjölmiðlar, jafn vel ríkisreknir, hamast við að rangtúlka málefnin.

Það er ekki ætlun mín að niðurlægja neinn, en mér finnst að við verðum að skoða, af hverju einn skrifar  í austur og annar í vestur.

Það gengur ekki að sami aðili, stjórni, eigi alla fjölmiðla í raun.

Við veltum þessu fyrir okkur.

Af hverju notar iðnaðurinn malaríulyfið? Það er af því að það virkar svo vel til að drepa vírusa.

Og af því að það virkar svo vel, þá er það framleitt í stórum stíl, og er þá ódýrt.

Þess vegna er lyfið, efnið notað til að hreinsa allt í matvælaiðnaðinum.

Það má ekki gefa það aðilum sem hafa ofnæmi fyrir lyfinu og er það eins og með önnur lyf.

Þá um tolla Bandaríkjanna á Kína.

Kína stillir gengið þannig að allt sem framleitt er í Kína er mjög ódýrt, og riður þá dýrum vörum frá vesturlöndum af markaðnum.

Oft er sagt, að þeir megi þetta, þeir þurfi að ná sér upp úr fátæktinni.

Þetta virkar þannig að öll framleiðslu kunnátta fer til Kína, og vesturlönd tína kunnáttunni. 

Egilsstaðir, 01.05.2020   Jónas Gunnlaugsson

[Þorsteinn Siglaugsson, 1.5.2020 kl. 12:15]

Það verður að reyna að gæta lágmarks nákvæmni, sama hvað manni kann að vera mikið í nöp við Trump og þótt maður sofi ekki á nóttunni yfir því.

Það er verið að rannsaka vísbendingar um að veiran hafi upphaflega komið frá rannsóknarstofu. Ástæðan er að fyrsti sjúklingurinn hafi unnið þar og hann hafi ekki verið í neinum tengslum við matarmarkaðinn. Það sem hefur verið útilokað er að veiran hafi verið búin til á rannsóknarstofu. Þetta er tvennt ólíkt. Hún getur hafa komið frá rannsóknarstofunni þótt hún hafi ekki verið búin til þar eða breytt þar.

[Ómar Ragnarsson, 1.5.2020 kl. 13:27]

Í sambandi við ummæli Trumps í gær er nú rifjað upp, að CIA lýsti því yfir í fyrradag að engar sannanir væru fyrir því að veiran væri upprunnin í tilraunastofu í Wuhan. Fauci, aðalráðgjafi Bandaríkjastjórnar í sóttvarnarmálum, segir hið sama. En Trump sagði að Kínverjar hefðu vísvitandi hleypt veirunni af stað til þess að koma í veg fyrir endurkjör hans og hjálpa John Biden og Demókrötum!  

[Þorsteinn Siglaugsson, 1.5.2020 kl. 13:32]

Þetta er einfaldlega ekki rétt Ómar. Hér er orðrétt umfjöllun um þetta í frétt Guardian í gær:

"The office of the director of national intelligence said in a statement on Thursday that it had concluded that the virus was “not manmade or genetically modified”, but said that officials were still examining whether the origins of the pandemic could be traced to contact with infected animals or an accident at a Chinese lab."

[Húsari. (IP-tala skráð) 1.5.2020 kl. 14:07]

Sæll Ómar.

Ummælin sem vísað er til í
fyrirsögn þessa pistils vörðuðu
sótthreinsunarvökva og annað ekki!

Flettu bara upp á fyrri pistli þínum um
þetta og þá rifjast þetta upp fyrir þér.

Þar kom í ljós sem ég nefndi að blaðamaður
átti þau orð sem að því snéri en Trump ekki.

Ertu farinn að kalka!

[Bjarni (IP-tala skráð) 1.5.2020 kl. 14:08]

Það er háttur valdhafa sem standa höllum fæti heima fyrir að finna erlendan óvin sem mögulega gæti aukið vinsældir þeirra heima við.  Nákvæmlega það er skíthællinn að gera einmitt núna.  Þeir sem falla fyrir trikkinu eru annað hvort vitleysingjar eða fábjánar.

[Þorsteinn Siglaugsson, 1.5.2020 kl. 15:09]

Hver er munurinn á vitleysingum og fábjánum Bjarni? Nákvæm skýring óskast!

[Halldór Jónsson, 1.5.2020 kl. 15:22]

Hvort skv. athugasemd nr.11 er Trump að mati Ómars Ragnarssonar?

[Ómar Ragnarsson, 1.5.2020 kl. 19:29]

Ég hef aldrei notað þessi tvö orð í opinberri umræðu og skipti mér ekki að því leyti að notkun annarra á þeim.