Hve margir leggja í það að "valda vandræðum"?

Í góða veðrinu í kvöld var víða fólk á ferli, og margir sjálfsagt að viðra sig á fyrsta degi ársins, þegar það er átján stiga hiti. 

Hætt er við að 2ja metra reglan hafi viljað gleymast við að njóta sólsetursins, sem myndir hér á síðunni eiga að gefa hugmynd um. 

Það verður athyglisvert að sjá hvernig nýjar nálægðarreglur og fleira, sem í vændum er, á eftir að reynast. 

Verður "þeim það vilja þiggja boðið að halda tveggja metra fjarlægð" samkvæmt minnisblaði Þórólfs Guðnasonar sóttvarnarlæknis, að ósk sinni vandaræðalaust? 

Viðfangsefnið í boðaðri nýrri skipan vegna útfærslu á 2ja metra reglunni er spánnýtt og margar spurningar vakna. 

Hér um árið var í gangi þróun varðandi nálægð reykingafólks og reyks við fólk, sem ekki vildi láta reykja ofan í sig og lenda þar með í áhættuhópi varðandi það að fá krabbamein. 

Þetta var tímabilið þegar búið var að finna það út, óbeinar reykingar væru ekki síður óhollar og krabbameinsvaldandi en beinar reykingar. 

Til að reyna sætta þessi sjónarmið var veitingastöðum og öðrum stöðum, þar sem saman kom reykingafólk og þeir sem ekki reyktu, var þessum rýmum oft skipt og leyft að reykja í hluta þeirra. 

Þetta gekk ekki til lengdar. Reykurinn virti ekki nein mörk og breiddist út yfir mun meira svæði en veiran gerir nú.  

Það má sjá það fyrir sér, að þar sem fólk hefur hópast saman, verði það ekki vel séð ef aðvífandi fólk tekur upp á því að krefjast réttar síns til að vera með 2ja metra fjarlægð í næsta mann. 

Það má líka sjá það fyrir sér, að erfitt verði að framfylgja eins konar nýrri aðskilnaðarstefnu með því að afmarka svæði fyrir hvorn hóp. 

En til þess eru viðfangsefni og vandamál að leysa þau og það verður fróðlegt að fylgjast með því hvernig þetta muni ganga þegar þar að kemur. 

Kannski gengur þetta misjafnlega eftir stöðum og aðstæðum, og þá er bara að taka á því á lausnamiðaðan hátt og finna viðunandi lausn.  

Leyfilegt að standa þétt saman

Athugasemdir

[Már Elíson, 23.5.2020 kl. 18:36]

Þarna fer síðuhafi með órökstudda alhæfingu sem er hugsanlega sprottin af kunnu ofstæki í garð tóbaksnotenda sem og vínneytenda ( sem er jú enn löglegt hér á landi), þegar hann landar þessari röngu fullyrðingu fram :

"Hér um árið var í gangi þróun varðandi nálægð reykingafólks og reyks við fólk, sem ekki vildi láta reykja ofan í sig og lenda þar með í áhættuhópi varðandi það að fá krabbamein." 

"Þetta var tímabilið þegar búið var að finna það út, óbeinar reykingar væru ekki síður óhollar og krabbameinsvaldandi en beinar reykingar." 

Ómar verður að átta sig á að þarna er um að ræða alhæfing sem ER EKKI RÉTT.

Læknar fullyrða, að maður sem reykir og sýgur að sér eitrinu, skilar út í loftið hrati sem er skaðlítið fólki með heilbrigð og hrein lungu, fólki sem hreinsar lungun á augabragði í fersku lofti. - HINSVEGAR...Ef fólk er með krabbameinsgen undirliggjandi, þá eru lagðar margar gildrur fyrir það á lífsleiðinni í allskyns formi sem það ætti hvort sem er að varast.

Ómar Ragnarsson, með allan þennan feril á bakinu, í reykmettuðum sölum veitingahúsanna hefur ekki og mun ekki bera skaða af óeitruðum hratreyk í lofti vegna þess að hann er stálhraustur, og með "rétt" gen.