Rafmagnaður orkusparnaður í gríðarlegri fjölbreytni.

Flóra samgöngutækja, sem knúin eru rafmagni, er gríðarmikil.

Allt frá handhægum, samanbrjótanlegum rafhlaupahjólum, sem eru tíu kíló að þyngd og eyða allt niður í 0,15 krónum á ekinn kílómetra, rafreiðhjólum, sem eyða 0,30 krónum á kílómetrann og tveggja sæta rafknúnum léttbifhjólum, sem eyða 0,80 kr/km, ná 70 km/klst hraða og geta náð að komast allt að 130 kílómetra án þess að fara í hleðslu. 

Þetta samsvarar því að fara á slíku hjóli milli Akureyrar og Reykjavíkur með minna en 400 króna orkukostnaði. 

Þessar tölur, innan við króna á ekinn kílómetra, farartæki, sem eyða meira en fimmtán sinnum minni orku en sparneytnustu eldsneytisknúnir bílar, eru sláandi, og þessi orka er öll innlend og vistvæn mestan part.

Orkueyðslutölurnar hér á undan hafa verið fundnar út í við íslenskar aðstæður í fjölda rannsóknarferða og tala sínu máli. 

Neðsta myndin á síðunni er tekin í einni slíkri ferð austur fyrir fjall. 

Enn eiga sér stað miklar framfarir á þessu sviði, bæði hvað varðar útskiptanlegar rafhlöður og efnið í rafhlöðunum sjálfum eins og áður hefur verið rakið hér á síðunni. 

Mest spenandi eru tveggja manna rafbílar með útskiptanlegar rafhlöður og fjórðung af orkueyðslu sparneytnustu eldneytisbíla, svo sem SEAT Minimo hjá Volkswagen og Fiat Centivento.  

Yfir 1.100 rafskútur fyrir lok mánaðarins

Athugasemdir

[Hrólfur Þ Hraundal, 12.9.2020 kl. 07:38]

Skútur eru há mastraðar og með seglum, en ég sé eingin segl á þessum hlaupahjólum þó í þeim sé rafmagns hjálpar mótor. Hversvegna má ekki bara nefna þetta raf hlaupahjól, eins og er með raf hjól og raf bíl?

 

Þetta er ljóslega sami andskotans fíflagangurinn og átti sér stað með orðið Jeppi hér á Íslandi sem voru einfaldir sterki bílar með drifi á öllum og tví skiptum milli kassa og hægt að binda í þá allan hringinn.