Grunnur vandans: Allir hinir sjúklingarnir.

Nauðsynlegt er að skoða vandann vegna COVID-19 í víðara samhengi en bara því, sem snertir baráttuna á farsóttarvígstöðvunum.  

Meirihluti sjúklinga í heilbrigðiskerfinu, sem verða að treysta á tafarlausar úrlausnir er nefnilega yfirgnæfandi og þar er um að ræða sjúkdóma eins og krabbamein og hjarta- og æðasjúkdóma þar sem biðlistar og tafir geta kostað mun fleiri mannslíf en COVID-19. 

Það er að sjálfsögðu hið alvarlegasta mál að helmingur skurðstofa í Fossvogi sé lokaður vegna farsóttarinnar og stækkandi biðlistar eftir aðkallandi rannsóknum, uppskurðum og lyfjameðferð kostar ekki aðeins mannslíf og óþarfa veikindi og heilsubrest, heldur líka þjáningar þeirra sem verða að bíða eftir úrlausn sinna mála. 

Níu af nítján skurðstofum lokað

Athugasemdir

[Þorsteinn Siglaugsson, 3.10.2020 kl. 10:13]

Hið víða samhengi á því miður ekki upp á pallborðið um þessar mundir.

[Kolbrún Hilmars, 3.10.2020 kl. 13:46]

Alveg rétt Ómar, það kostar mannslíf ef fólk fær ekki læknisaðstoð við alvarlegum sjúkdómum  vegna þess að Covid stíflar heilbrigðiskerfið.
Svo birtast tölur um að viðkomandi hafi ekki látist ÚR Covid  en ekkert minnst á VEGNA Covid. 
Þar er einmitt hið víða samhengi - ef einhver nennir að skoða það.