Athyglisverð sýn á afskipti af forsetakosningum í þætti BBC.

Í síðasta sjónvarpsþætti BBC um forsetatíð Donalds Trumps var fróðlegt að sjá horft á atburðarásina frá sjónarhóli hans og stuðningsmanna hans, sem hlýddu að lokum kallinu frá útifundi forsetans um að "fara til orrustu" í þinghúsið. 

Það var hins vegar galli á umfjölluninni að nefna ekki þá staðreynd í aðdraganda kosninganna að samkvæmt skoðanakönnunum voru fylgismenn Bidens miklu fleiri meðal þeirra kjósenda, sem voru fylgjandi grímunotkun og fjarlægðarreglu en fylgismenn Trumps, sem voru frekar hvattir til hins gagnstæða. 

Afleiðingin kom fram í skoðanakönnunum á þann hátt að fylgjendur Bidens voru miklu fleiri meðal þeirra, sem nýttu sér réttinn til að greiða atkvæði utan kjörstaða til að minnka smithættu sína og annarra. 

Og þar með var fyrirfram ljóst, að í lokatalningunni myndu þessi atkvæði hafa mikil áhrif á gang talningarinnar. Þetta fyrirbrigði er gamalkunnugt í mörgum löndum varðandi það þegar atkvæði sumra flokka eru hlutfallslega fleiri í utankjörstaðaatkvæðum en annarra flokka. 

Vel sást í þætti BBC hvernig Trump og fylgjendur hans urðu fyrir miklu áfalli þegar fyrrnefnd atkvæði Bidens fóru að skila sér betur undir lok talningarinnar og að þetta áfall litaði allar aðgerðir Trumpsinna allt til enda. 

Það sést á því, að BBC setur þetta samband útkomu í skoðanakönnunum og gangi talningar ekki í samhengi í umfjöllun sinni, að það var skiljanlegt að Trump og hans fólk virtist aldrei skilja þetta mikilvæga eðli málsins.  

 

 

 

Biden ræddi kosningaafskipti við Pútín

Athugasemdir

[Birgir Loftsson, 28.1.2021 kl. 17:01]

Hann sagði aldrei við stuðningsmenn sína að fara til orrustu. Það sem hann sagði var eftirfarandi:

1).'We won this election, and we won it by a landslide'.

2)'We will stop the steal'.

3)'We will never give up. We will never concede. It doesn't happen'.

4)If you don't fight like hell you're not going to have a country anymore'.

5)'Peacefully and patriotically make your voices heard'.

6)'We are going to the Capitol'.

Dæmigerð hvatingaræða stjórnmálaleiðtoga við áhangendur sína.

Fimmta setningin segir alla söguna, ,,,friðsamlega og á ættjarðarlegan hátt látið heyra í röddum ykkar".

Aldrei minnst á ofbeldi í ræðunni og svo veist þú eins og allir sem fylgjast með bandarískum stjórnmálum, að FBI hefur greint frá sæmsæri, bæði frá vinstri og hægri öfgahópum, að marsersa til Washington DC og skapa læti og egna til óeirða löngu áður en þessi ræða Trumps var aldinn.

Svo er það annað mál en Impescement eða embættisglapaákæran sem nú er í gangi er algjör farsi og gengur gegn réttarríkinu og bandarísku stjórnarskránni.  Fyrir því eru tvær ástæður, a. Engum vörnum var komið við í Fulltrúardeildinni og verjendur Trump fengu ekki að verja hann lögfræðilega. Málið afgreitt á innan við einn dag (fljótari en nasistadómstólarnir eða dómstólar Stalíns). Due process brotið. b. ekki er hægt að ákæra borgarann Donald Trump og víkja hann úr starfi, þegar hann er hættur störfum samkvæmt ákvæðum stjórnarskránnar! Ef forsetar eru látnir bera ábyrgð á gjörðum sínum, segjum 2 áratugum síðar, væri hægt að ákæra George W. Bush fyrir stríðsglæpi í Afganistan eða Írak! Ekki hægt að stjórna ríki undir slíkum kringumstæðum.

Lýðræðið í Bandaríkjunum er í tómu tjóni og grundvallarmannrétti eins og tjáningarfrelsið er í stórhættu og þegar undir atlögu sigurvegarans.

[Ómar Ragnarsson, 28.1.2021 kl. 20:05]

Kallið til fólksins um að  fara til orrustu kom raunar frá Rudy Guiliani en Trump sagði við fólkið: "Go wild!" 

Ein helsta meginregla í lögfræði er hins vegar "in dubio pro reo."  Allur vafi skal túlkast sakborningi í vil.  Við vörn Trumps getur hún vel orðið aðalatriðið í því að hann verði ekki sakfelldur. 

[Guðmundur Örn Ragnarsson (IP-tala skráð) 28.1.2021 kl. 20:12]

Þegar ég lít til baka til ársins 2020, verð ég að segja að aldrei í öll þau 45 ár sem ég hef verið sannkristinn, hef ég orðið vitni af öðru eins sameinuðu bænaátaki meðal sannkristinna í heiminum. Bænaátakið snérist ekki um að biðja gegn Kínaveirunni, sem tröllriðið hefur öllu í heiminum allt árið 2020. Nei hinir kristnu voru uppteknir af að biðja fyir forsetakosningunum í Bandaríkjunum.

Þeir menn um heim allan, sem skynja  Heilags anda í lífi sínu tóku við boði frá Guði um að biðja án afláts þess að Donald J. Trump yrði endurkjörinn forseti Bandaríkjanna.

Sannir trúmenn frá öllum heimshornum úr röðum Kaþólikka og Mótmælenda af öllu tagi og öllum kirkjudeildum tóku sig saman til að biðja Guð að grípa inn í kosningarnar í Bandaríkjunum sem fram fóru fram 3. nóvember s.l.

Fólk víðsvegar að lét Trump forseta og menn hans vita að það væri að biðja fyrir sigri hans og hvers vegna þeir væru fullvissir um að hann myndi sigra. Þeir hefðu fyrirheit frá Guði um það.

Kosningar eru tíðar í lýðræðisríkjum heimsins og vekja venjulega ekki mikla athygli og það á líka við um Bandaríkin. En þessar kosningar virtust Guði almáttugum sérstaklega hjartfólgnar.

Hvers vegna var Guð að boða fólk sitt um allan heim til að biðja fyir kosningunum í þetta sinn?

Þeir sem skynja í andanum áætlun Guðs, vissu að þetta snérist ekki einungis um keppni tveggja menna um forsetaembætti, heldur var þetta stríð milli tveggja ríkja, ríki Guðs og ríki djöfulsins. Baráttan var og er upp á líf og dauða. 

Antikristur var í þessum kosningum að leitast við að fjötra allt mannkynið í hlekki sína. En hans liðsmenn eru Demókratar í Bandaríkjunum, bakkaðir upp af Kínverska kommúnistaflokknum, Evrópusambandinu og ríkisstjórnum fjölmargra ríkja í heiminum og þar að auki af flestum fjölmiðlum, samfélagsmiðlum og fjölda stæstu fyrirtækjasamsteypa heimsins.

En hvernig fóru þá kosningarnar? Vann Donald J. Trump eins og Guð hafði heitið fyrirbiðjendunum?  Svarið er já, hann vann, en kosningaúrslitunum var stolið af frambjóðanda Antikrists, Joe Biden.

Hví leyfði Guð það? 

Því mun hann sjálfur svara innan skamms.

[Birgir Loftsson, 28.1.2021 kl. 21:02]

Rétt er það Ómar, ,,...in dubio pro reo" en þegar réttarhöldin eru pólitísk, þá veit það ekki á gott. Ég er enginn málsvari Trumps, en þegar maður sér réttarbrot og lýðræðið fótum troðið í krafti pólitísk meirihluta, þá verður maður hugsi. Trump er hvorki guð eða djöfullinn, bara götustrákur frá New York sem rífur kjaft eins og New York-ara er siður. Ef maður eins og hann getur snúið á NY mafíuna og lifað af, þá er maðurinn harðjaxl eins og hann sýndi í verki í embætti.  

Sporin hræða og skemmst að minnast McCarthyism en McCarthy var þingmaður Repúblikana sem lagði líf fjölda listamanna í Hollywood í rúst með óstaðfestar ásakanir um að það væru kommúnistar.  Sjá má þetta í réttarhöldunum í Sovétríkjunum 1936 og hefndaræðið 1994 í Þýskalandi, pólitísk réttarhöld. Meira segja er reynt að henda út þingmönnum Repúblikana sem hafa reynt að bera hönd yfir höfuð Trumps.

Skilgreinin:

McCarthyism er sá háttur að bera fram ásakanir um undirróður eða landráð, sérstaklega þegar það tengist kommúnisma, án þess að taka neitt almennilega tillit til sönnunargagna. Hugtakið vísar til bandaríska öldungadeildarþingmannsins Joseph McCarthy og á uppruna sinn á tímabilinu í Bandaríkjunum þekk seinni sem rauða hræðslan og stendur frá lokum fjórða áratugarins til fimmta áratugarins.

Sýnist Demókratar séu að reyna að leika sama leik og ,,cancell" alla þá sem tengjast Trumphreyfingunni með þöggun, missir vinnu eða ráða ekki í starf. Höfnunarmenning samtímans er ekkert betri en McCarthyisminn sem mun leiða til mótspyrnu þeirra sem fyrir verða. Jafnvel stuðningsmenn munu snúast á endanum....galdrabrennutími er alltaf ákveðið tímabil. Hreyfing sem er byggð á nei-i og höfnun verður aldrei langlíf.

Nota bene, go wild telst varla vera boð um valdarán eða byltingu!

[Ómar Ragnarsson, 29.1.2021 kl. 22:45]

Aðferðin, sem er lýst svona vel, var einmitt aðferð Guiliani og Trumps til þess að fá kosningunum hnekkt, að safna saman dæmalausum firnum af ásökunum um glæpssamlega framkvæmd kosninganna í því skyni að drekkja dómskerfinu.

Lið í því lýsti Trump sjálfur þegar hann lét taka mynd af sér sérstaklega með nýja hæstaréttardómaranum sem hann valdi rétt fyrir kosningar og segja beint í sjónvarpsvélarnar: Hún er kosin til þess að ég hafi sex atkvæði gegn þremur í hæstarétti.

Giuliani sagði líka beint í upphafi málarekstursins að hann væri sannfærður um að dómstólar myndu taka málin fyrir og afgreiða þau Trump i hag.  Annað kom á daginn og voru það greinilega mikil vonbrigði fyrir hann og Trump.

Átakanlegt og hrollvekjandi var að heyra ógnandi hótanir í frægu símtali Trumps við hans mann, innanríkisráðherrann í Georgíu, þar sem Trump skipaði honum að breyta úrslitunum um 11890 atkvæði, ella skyldi hann hafa verra af. Ráðherrann lét ekki kúga sig og refsingin kom strax, líflátshótanir og annað verra í síma eiginkonunnar.