Tveggja metra reglan miðast við logn. En snertingin við reipið er bein snerting.

Meðan reykingar voru algengar var oft athyglisvert að sjá hvað reykurinn gat borist langt undan vindi eða jafnvel smá andvara eða golu. 

En tveggja metra reglan í kófinu miðar við núll innanhúss. Utanhúss verður hins vegar eðli máls samkvæmt að miða við það hvernig gufa eða reykur berst. 

Það getur virkað í báðar áttir, að vindur eða andblær komi í veg fyrir að smit berist á móti loftstreyminu út um vit smitberans. 

Nú er svo að sjá að eldgosið við Fagradalsfjall hafi fært þjóðinni þennan líka örugga smitbera sem "reipið" á leiðinni á gosstöðina er. Heldur betur traust og bein smitleið það. 

Smitið utan sóttkvíar tengist gosstöðvunum

Athugasemdir

[Indriði Gunnlaugsson (IP-tala skráð) 26.3.2021 kl. 21:57]

Sæll Ómar og takk kærlega fyrir frábæra pósta, ég legg mig eftir því að lesa þína pistla. Pistla sem byggja á ótrúlegri reynslu og mjög svo skemmtilegum minningum. 

Ástæða fyrir þessum pósti. Það er svo mikil upplýsinga óreiða í gangi í dag. Þegar mín hetja og rödd skynseminnar sést fönguð í þeim straumi þá skiptir þjálfarinn inn mönnum eins og mér. 

Ég tilheyri þessum hópi sem segir aldrei neitt. Jafnvel þegar allt er eins og það er í dag. Við treystum að þetta fari ekki í neitt bull. En þegar það fer þangað þá mætum við á staðinn. Kannski er þetta fyrstu skilaboðin af mörgum frá millistétt Íslands. Hver veit. 

Hósti utanhúss er alltaf mjög takmarkaður, sama hver vindátt er og í hvaða átt, ætlaði að setja inn mynd en virðist ekki geta gert það. Það sama gildir um reipið þitt. Það er næstum vonlaust að nokkur geti smitast af því, sérstaklega þegar allir eru með hanska. Ekki gott að geta ekki sýnt þetta myndrænt. 

Það virðist vera þannig að allar ákvarðanir í dag séu teknar út frá tilfinningum. Sem Stoic, þá er það eina sem ég get ráðlagt þér er að gera rétt. Eins og sagt var fyrir þúsundum árum síðan: “Just that you do the right thing. The rest doesn't matter. Cold or warm. Tired or well-rested. Despised or honored." 

[Ómar Ragnarsson, 26.3.2021 kl. 22:12]

Á einum stað við anddyri sem ég þekki er stundum fólk að fá sér sígarettusmók. Þegar þannig stendur á má sjá mjög greinilega og einnig finna lyktina af því, hvernig reykloftið berst frá þessu fólki. Á því byggi ég mína leikmannsþanka, sem kvikna þegar sóttvarnarlæknir og aðrir sem við þessi mál fást, klóra sér í hausnum yfir smitleiðum, sem þeir fullyrða með tilvitnun í rannsóknir að séu ótrúlega sterkar á yfirborði vissra hluta, sem fleiri en einn snerta á. 

Hvort reipið svonefnda fellur undir það er auðvitað ekki hægt að fullyrða, og kannski eru flestir með vettlinga sem á því taka, en allur er varinn góður. 

[Már Elíson, 27.3.2021 kl. 08:40]

Ég var nú að lesa grein á dögunum þar sem fullyrt var af einhverjum sérfræðingi, að lítill möguleiki væri á snertismiti, eða einna minnstur við snertingu. Hendur og húð smita ekki.

Það er hósti og hnerri sem eru smitleiðirnar.

En, það er mikið af sérfræðingum á ferðinni sem hafa ekki fyrir því að sanna sín mál. Eins og með óbeinu reykingarnar sem valda EKKI krabbameini eða æsa upp genin. Það deyr enginn úr krabbameini sem ekki er með genin fyrir. Það er búið að sanna það að minnsta kosti.