Heilbrigðiskerfið er viðkvæm heild með mörgum flöskuhálsum.

Heilbrigðiskerfið í heild var svelt stórlega í áratug, og ástandið núna, með biðlistum af ýmsu tagi, fækkun og skorti á starfsfólki, sjúkrarúmum og rýmum í sambandi við gjörgæslu, á sér margar hliðstæður allan þennan tíma. 

Þegar Kári Stefánsson gekkst fyrir einhverri stórkostlegustu undirskriftasöfnun hér á landi þar sem fólk skoraði á stjórnvöld að taka til hendi í þessum málum nefndi hann einu sinni orðið gáttaflökt án þess að útskýra það nánar. 

En einmitt það fyrirbæri var gott dæmi um fánýti þess að reyna að spara með því að búa til biðlista. 

Einn af vinum mínum reyndist með gáttaflökt, en var svo óheppinn, að fjárveitingin til þess að fást frekar við það var uppurin í byrjun nóvember og hann átti því að bíða fram yfir áramót. 

Að því kom þó ekki, því að hann fékk heilablóðfall áður, sem kostaði heilbrigðiskerfið margfalt meira en það sem átti að spara. Við bættust þjáningar og erfið og dýr endurhæfing. 

Nokkru síðar lenti síðuhafi á biðlista þar sem það tafðist í sjö vikur að fá skoðun og úrskurð um það hvort mein við nýra væri illkynja eða ekki. 

Sem betur fór reyndist það ekki illkynja, en hér og þar í kerfinu var fullt af fólki á svona biðlistum, og það voru ekki allir svona heppnir. 

Það hefur verið sagt áður frá þessu hér á síðunni, en dæmin eru jafn klassísk og lýsandi nú sem þá. 

Það er óviðunandi ef ekki verður ráðist í aðgerðir gegn ástandinu í kerfinu, sem nú hefur fengið á sig truflun vegna heimsfaraldurs með áhrifum um allt kerfið.   

„Hvað ef við hefðum ekkert gert?“

Athugasemdir

[Haukur Árnason, 19.1.2022 kl. 12:54]

Við núverandi aðstæður er alveg sama hvað mikið fjármagn er sett í heilbrigðiskerfið. Þetta bara versnar.

Það sem þarf að gera, fyrst og fremst, er að leiðrétta ráðleggingar um mataræði, Þær eru búnar að stuðla að almennu heilsuleysi í yfir 40 ár.
Nú er kannski lag, því að samkvæmt ráðleggingum á Fb. á að endurskoða þetta núna á næstunni. WHO gaf út viðvörun, 1996-7. „Ofneysla á jurtafeiti og olíum, er mesta heilsufarsógnin í dag“ Meðan að opinberar ráðleggingar sættast ekki við mettuðu fituna, mjólkur og dýrafitu, er engin von um bætt heilsufar.
Ofneytsla á omega-6 fitusýrum er mikið vandamál, sem veldur bógum og síðan mörgum sjúkdómum. Omega-3, þá aðallega EPA, DHA og DPA draga úr bólgum og koma lagi á líkamann og andlega líðan. Geðlæknar erlendis segja að meðferð gegn fíkn og ýmsum geðsjúldómum sé gagnslítil/gagnslaus nema að koma jafnvægi á omega-3 og omega-6 (Andrew L. Stoll, Gerorgia Ede)

Annika Dahlqvist

„Ég er læknir, sérfræðingur í almennum lækningum. Ég bý í Njurunda í Sundsvall.

„Haustið 2004 uppgötvaði ég hvernig kolvetnasnautt mataræði hjálpaði mér bæði við offitu og heilsuleysi. Ég hafði þjáðst af iðrabólgu (IBS), magabólgu og bakflæði, vefjagigt, langvarandi þreytuheilkenni, svefnleysi, hrjóta, pirringur í þvagblöðru. Allir þessir kvillar eða sjúkdómar hurfu frekar fljótt þegar ég minnkaði kolvetni í mataræðinu og jók náttúrulega fitu."

Hún byrjaði að segja sjúklingum sínum frá velgengni sinni, þeir fóru eftir tilmælum hennar og að lokum komst þetta í blöðin.

Árið 2005 tilkynntu tveir næringarfræðingar hana til sænsku heilbrigðis- og velferðarráðsins og kærðu hana fyrir læknismisferli. Í nóvember 2006 sagði vinnuveitandi hennar henni upp vegna þess að ráðgjöf hennar var ekki opinberlega samþykkt.

janúar 2008 kom annað svar frá sænsku sérfræðinganefndinni:

„... í dag er hægt að líta á lágkolvetnamataræði sem samrýmanlegt vísindalegum sönnunargögnum og er besti starfsvenjan til að draga úr þyngd, fyrir sjúklinga sem eru of þungir eða með sykursýki af tegund 2.

… Fjöldi rannsókna hefur sýnt áhrif til skamms tíma og engar vísbendingar um skaða hefur komið fram…"

Eftir það varð hún orðstír: "Ég fór um land og ríki og hélt fyrirlestra um LCHF." Hún hefur einnig skrifað nokkrar bækur.

Hún telur að staðlaða næringarlíkanið lifi aðeins af vegna fjárhagsaðstoðar frá matvælaiðnaði og lyfjaiðnaði. Báðir græða á því. Kolvetni hvetja okkur til að borða of oft og borða of mikið. Veikindin sem þetta skapar, sykursýki, hjartasjúkdómar og sum krabbamein, eru lífæð lyfjaiðnaðarins.