Einvaldar eiga það til að fá bræðisköst.

Næsta umhverfi einvalda er einatt þannig, að þar verða til óæskileg vinnuskilyrði. 

Eitt atriðið er það, að í innsta hring safnast fyrir vondir ráðgjafar, þýlyndir jámenn. 

Frægir voru hinir hæfileikasnauðu jámenn og höfðingjasleikjur, sem söfnuðust saman í forystuliði Hitlers.

Næstráðandi Hitlers, Hermann Göring, var glysgjarn heróinfíkill, glysgjarn með afbrigðum, sem smjaðraði fyrir Foringjanum og reyndi sjúklega að koma sér í álit hjá honum með því að lofa honum hinu og þessu, sem alls ekki var hægt að standa við. 

Hann lofaði Hitler því til dæmis í ágúst 2940 að engin óvinaflugvél kæmist til Berlinar. 

En þegar það gerðist síðan að ráðvilltur þýskur sprengjuflugmaður varpaði fyrir mistök sprengjum á ú5hverfi London, brást Churchill við því með því að senda nokkrar flugvélar til árásar á Berlín í hefndarskyni. 

Hún misheppnaðist að vísu að mestu en hafði gríðarlegt áróðursgildi. 

Hitler fékk bræðiskast og Göring lofaði honum því, að hefna með því að jafna London við jörðu. 

Það reyndust mestu mistök Þjóðverja í Orrustunni um Bretland að hætta við að ráðast á hernaðarmannvirki lofthers Breta. 

Þegar 110 þúsund manna liðsafli Þjóðverja lokaðist inni við bæinn Demyansk frá janúar 1942 til maí, tókst Luftwaffe að mynda loftbrú með vistir, hergögn, 16 þúsund hermenn inn og 16 þúsund særða út þangað til hernum var bjargað út úr herkvínni. 

Hálfu ári síðar lokaðist 6. her Paulusar inni í Stalíngrad, 300 þúsund menn og Göring viðraði sig upp við Foringjann með því að lofa honu að endurtaka leikinn frá Stalingrad. 

Von Manstein, færasti hershöfðingi Hitlers og jafnvel alls stríðsins, grátbað Foringjann um að setja allt á fullt til að láta herinn brjóta sér leið til baka áður en það yrði um seinan. 

En Hitler ofmetnaðist af smjaðri Görings, þrátt fyrir eftirfarandi staðreyndir: 

1. Her Paulusar var þrisvar sinnum stærri en herinn í Demyans hafði verið.  

2. Rússar höfðu stóreflt og stórbætt orrustuflugflota sinn, en áttu varla neinar flugvélar 1941. 

3. Flugvélarnar þýsku, sem Göring lofaði Foringjanum voru mun færri en lofað var. 

Niðurstaðan varð sú stórorrusta stríðsins, sem mest breytti gangi hennar, hvorki meira né minna an tíu sinnum stærri orrusta en orrustan við El Alamain. 

Hitler fékk mörg fræg bræðisköst þegar hann sjálfur og óhæfir samstarfsmenn hans brugðust. 

Suma hæfustu herforingja sína rak hann og réði aftur, svo sem Heinz Guderian og Von Braushitsch. 

Eitt bræðiskast Hitlers snerti Ísland beint. 

Það fékk hann í neðanjarðarbyrgi sínu í Eifel-fjöllunum daginn sem Þjóðverjar réðust inn í Niðurlönd og Frakkland.  

Rétt á þeirri stundu sem hið sigursæla árásarlið brunaði af stað, barst honum sú frétt að Bretar hefðu hernumið Ísland. 

Þessi frétt var mun stærri en sýndist við fyrstu sýn. Allt frá innrás Þjóðverja í Rínarlönd 1936 hafði hann haft samfellt frumkvæði í deilum við aðrar þjóðir sem andstæðingarnir urðu að bregðast við, alls níu sinnum, en nú höfðu Bretar loks sýnt frumkvæði og Hitler að bregðast við.  

Hitler ærðist á staðnum og skipaði Raeder yfirmanni flotans að gera hið snarasta innrásaráætlun fyrir Ísland. Það gerði Raeder svikalaust, og í uppkasti af bók um það efni, sem ber heitið "Emmy, Agnar, stríðið og jökullinn", er rakið og rökstutt, að sú áætlun hefði geta tekist á glæsilegan hátt um haustið. 

Í tengslum við gerð handrits að bókinni var farið í byrgið í Eifel-fjöllum 2011 og staðið niðri í rústum þess á sama stað og Hitler 1940, þegar hann fékk æðiskastið út af Íslandi. 

Það var mögnuð stund fyrir sögunörd að standa þar í sporum hins skapstóra illmennis. 

 

 

 

Pútín tekur reiðiköst á starfsfólk sitt

Athugasemdir

[Ingólfur Sigurðsson, 2.3.2022 kl. 06:17]

Já ég hef áhuga á að fá mér nýju bókina þína um Sumargleðina. Þú hefur gríðarlega reynslu og margt að segja frá. Ekki sízt væri áhugavert að fá söngtextana þína á bók, með nótum jafnvel.

En þessi bók yrði fróðleg einnig, og svolítið öðruvísi tekið á málunum en hjá Þór Whitehead sem gaf út margar slíkar bækur.

[Hörður Þormar (IP-tala skráð) 2.3.2022 kl. 10:32]

Pútín lítur stórt á sig. Hann hótar kjarnorkustríði ef einhverjir eru með múður, enda þótt hann viti fullvel að hann muni ekki lifa það af.

Einhverjir munu hafa bent á að Pútín þurfi ekki endilega atómsprengju til að kála sér. Til þess nægi ein skammbyssa og ein kúla, sem margir væru tilbúnir að gefa honum, glöðu geði.   

[Theódór Norðkvist, 2.3.2022 kl. 15:17]

Það er deginum ljósara að einræðisherrann í Kreml gengur ekki heill til skógar. Vonandi fjarar alveg undan honum.

Það verður að stöðva Pútín. Takist honum að brjóta Úkraínu á bak aftur og áfram bera ægishjálm yfir nágrannaríkin, munu þau ríki og Rússland sjálft, sökkva dýpra og dýpra í fátækt, vanþróun og einræði.

[Þorsteinn Sch Thorsteinsson (IP-tala skráð) 3.3.2022 kl. 21:28]

Sæll Ómar,

Vesturveldin öll eru litið sem ekkert að óska eftir einhverjum viðræðum við ríkisstjórn Rússlands, því að aðalatriðið er að koma á frekari lokunum og auknum refsiaðgerðum, svona líka sérstaklega þegar að Rússar eru fyrir löngu síðan orðnir allt að því vanir og/eða svona ónæmir fyrir þeim. Vopnaframleiðendur og bankar víða um heim eru mjög ánægðir með þetta allt saman, svo og styðja núna fjölmiðla-veldin (eða msm) í áframhaldandi Rússafóbíu- áróðri og Rússahatri. ESB, NATO, Bandaríkin, Kanada og fleiri lönd vilja með öllum tiltækum ráðum stigmagna þetta allt saman meira, áfram og endalaust með fleiri refsiaðgerðum. NATO, ESB, Bandaríkin, Kanada og fleiri lönd senda vopn og búnað, nú hver var segja að allt þetta lið stæði í firðarviðræðum, það er eins og þetta lið vilji alls ekki leysa þetta stóramál. Ég hef verið á þeirri skoðun, að annað hvort er eitthvað mikið að hjá Putin karlinum og hans ríkisstjórn eða þá að þeir í Úkraínu hafi einhver leynileg kjarnorkuvopn á tilraunarstigi og/eða eitthvað svoleiðis. Annars fannst mér þessi lýsing hans Groyper Clips (hjá rétttrúarkirkjunni  nokkuð athyglisverð á þessu stríð í Úkraínu(What Russia Wants From Its Invasion of Ukraine Gonzalo Lira).
En margir eru á því að annað hvort ert með Úkraínu og móti Rússum eða með Rússum og móti Úkraínu, nú og ef þú ert eins og ég þá færðu EKKI heldur að vera í friði með þínar skoðanir, því að stjórnvöld í Úkraínu eru og hafa verið fullkomin með allt sitt neo-nasistalið í því að drepa yfir 13.000 rússnesku ættað fólk (umorðað í fjölmiðum hér "aðskilnaðarsinnar")í austurhluta Úkraínu sl. 8 ár. 

Hvar eru allar skýringar frá þessum vestrænu fjölmiðlum (eða "mainstream media") varðandi stríðið sem að þessir "friðelskandi" Úkraínumenn hafa staðið fyrir  gegn Dunetsk og Luhansk eða gegn þessum rússnesk ættu fólki (sem sérstaklega eru tilgreindir hér alltaf sem "aðskilnaðarsinnar" og "hryðjuverkamenn") síðastliðin 8 ár?

NATO hefur verið í því að styðja þetta neo -nasista -lið, svo og munu þeir halda því áfram, nú og án þess að spyrja. Eitt er víst að stjórnvöld í Úkraínu og/eða aðrir neo -nasistar koma ekki til með mótmæla neitt og/eða gráta útaf þessum þjóðarhreinsunum og fjöldamorðum í austurhluta Úkraínu.

Neo-Nazi threat in new Ukraine: NEWSNIGHT

Women and the Azov battalion in Kyiv, Ukraine | DW Documentary

Inside A White Supremacist Militia in Ukraine

Russia-Ukraine tension: NATO sidelines Kyivs far-right fighters

Canadas meeting with Ukraines self-professed Nazi paramilitary

Í þessum ritstýrðu- og ríkisstyrktu fjölmiðum hér og í fyrirlestrum hjá HÍ, þá passa menn sérstaklega vel uppá að minnast ekki á þessa neo-nasista í Úkraínu, eins og t.d  AZOV,  SNA, UPA, OUN og Stepan Banderas nationalist group. Nú og aðrir eru því að það sé stórhættulegt að sýna fólki myndir af þessu neo -nasistalið, en fyrirgefðu mér Theódór N. og aðrir stuðningsmenn, að ég birti þessar mydnir hér fyrir neðan, eða svo Ómar og fleiri geti séð hvað þetta neo--nazista herlið er líkt þeim Görong, Von Manstein og félögum: