"Hjólvelta og axlarbrot urðu"?

Hortitturinn "bílvelta varð" er lífseigur eins og sést á viðtengdri frétt á mbl.is. 

Það sem gerðist var einfaldlega: "Bíll valt", þjálla og einfaldara, tvö atkvæði í stað fjögurra. Ekki virðist mögulegt að vinna bug á þessari óværu, og virðast hliðstæður hennar halda áfram að lifa áratugum saman. 

Þær lífseigustu eru ekki margar, þannig að það ætti ekki að þurfa mikið átak til að losa okkur við þær í stað þess að kannski fáum við að sjá sagt frá því að maður hafi dottið á hjóli og axlarbrotnað á þennan veg: 

"Hjólvelta og axlarbrot urðu."

Bílvelta í Garðabæ

Athugasemdir

[Ásgrímur Hartmannsson, 28.11.2022 kl. 19:24]

Úti kalla þeir svona lagað "passive voice," og það þykir ekki góður stíll þar heldur.

Það lærir enginn stíl í skóla.  Ekki gerði ég það.  Fólk var bara látið lesa Laxness, og svo vonuðu menn það besta.

Laxness hefur verið mikill skaðræðisgripur.  Fólk ætti frekar að lesa Arnald.  Miklu betri, réttari síll.

Bók*menntir* eru lærðar.