Samkvæmt spánni vex frostið mikið næstu daga.

Þótt notkun á heitu vatni í Reykjavík sé "sögulegu hámarki" eins og er, og samt þurfi ekki að loka sundlaugum, er spáð mun meira frosti á næstu sólarhringum. 

Nýtt sögulegt hámark er því í kortunum og þar með mætti rökstyðja það að loka sundlaugum þegar það er komið, eða er það ekki?

Nýjustu fréttir herma að vísu að þetta hámark haldist ekki nema í 1-2 sólarhringa, svo að vonir hafa glæðst um að komast megi hjá lokunum. 

Í allri umræðunni er ekkert minnst á þeirri gríðarlegu orku, sem notuð er til framleiðslu á raforku fyrir stóriðjuna og er tekin á ferlega óskilvirkan hátt þar sem meira en 80 prósent orkunnar fer óbeisluð til einskis út í loftið. 

Þessi orka er samt tekin úr sömu orkuhólfum og hitaveituvatnið og í heild er um svonefnda "ágenga orkuvinnslu" að ræða, sem er annað orð yfir rányrkju.

En undir lok viðtals við orkumálastjóra í lok umfjöllunar RÚV í kvöldfréttatíma nefndi hún orðið þó orðið "sjálfbær þróun". 

Ekki ástæða til að loka sundlaugum

Athugasemdir

[Vagn (IP-tala skráð) 14.12.2022 kl. 22:25]

Í allri umræðunni er heldur ekkert minnst á það gríðarlega afl sem ekki er notað til framleiðslu á raforku fyrir stóriðju, iðnað, heimili og fyrirtæki þar sem 100 prósent rennur óbeislað til sjávar svo ferðamenn geti tekið sér 5 mínútur til að taka myndir áður en aftur er hoppað upp í rútu til að fara að skoða gróðurhús eða busla í Bláa Lóninu.

[Guðmundur Örn Ragnarsson (IP-tala skráð) 15.12.2022 kl. 18:58]

Sjálfbærni Münchhausen.

Orðið sjálfbærni er tískuorð, einskonar “mantra” aljóðlegs trúarhóps sem hinir trúuðu endurtaka í síbylju. Fjöldi stjórnenda fyrirtækja og stofnana hér á landi hafa ánetjast trúarhópnum, sem heldur því fram að hann séu útvalin til að draga heiminn upp út kviksyndi.

Münchhausen kvaðst hafa dregið sjálfan sig á hárinu og hest sinn upp úr forarvilpu. Með líkum hætti segjast hinir sjálfbæru vera að frelsa heiminn. 

Það er aðeins einn frelsari heimsins, hann heitir Jesús Kristur.