TF-SIFog Landhelgisgæslan eru sjálfstæðismál.

Frá árinu 1955 þegar Landhelgisgæslan fékk sína fyrstu flugvél hefur öryggis- og varnamálum Íslands verið háttað þannig að borgaraleg og hernaðarleg gæsla hafa skarast og varnarlið NATO haft hinn hernaðarlega þátt með höndum af þeirri einföldu ástæðu, að vegna smæðar íslensku þjóðrinnar verður að leita atbeina nægilega öflugs erlends herafla.  

Varnarliðið var árum saman með þyrluflugsveit á vellinum, sem notuð var við borgaralega leit og björgun eftir atvikum. 

Catalina sjóflugvél gæslunnar sá um grunneftirlit, og þegar landhelgin stækkaði var Douglas DC-4 keypt; þar á eftir Fokker F-27 Friendship skrúfuþota og 2009 loks núverandi Dash-8 skrúfuþota. 

Við brotthvarf varnarliðsins fór bandaríska þyrlusveitin og siðan hafa þyrlur Landhelgisgæslunnar annast sjúkra- og eftirlitsflug, en um rekstur þeirra og flugvélarinnar hefur það gilt, að stórvarasamt fjársvelti hefur verið í gangi. 

Um TF-SIF, þyrlurnar og varðskipin gildir, að það er einfaldlega sjálfstæðismál fyrir okkur að hafa með höndum þann hluta öryggismála okkar og ráða sjálfir yfir þeim búnaði sem til þarf. 

Færir eftirlit, leit og björgun áratugi aftur

Athugasemdir

[Hallgrímur Hrafn Gíslason, 4.2.2023 kl. 08:01]

Ómar.

Veistu hve mikið þessar eyða á flugstund og hve langur tími er á milli upptekta á mótorum.

[Birgir Gudjonsson (IP-tala skráð) 4.2.2023 kl. 13:23]

Maður hefur ekkert séð rekstrareikning á vélini

Hvað kostar reksturinn á ári ?

Hefur það sem kom inn frá leigu hennar í Miðjarðarhafi borgað reksturinn, eða verið tekið í annað ?

Gaman væri að sjá þetta á blaði.

[Ómar Ragnarsson, 4.2.2023 kl. 13:27]

Stærsti kostur skrúfuþotuhreyfla miðað við bensínknúna hreyfla er að endingartíminn er allt að tvöfalt lengri.  Í þeim stærðarflokki, sem Dash 8 er, getur engin bulluhreyfilknúin vél keppt við skrúfuþotur.  Eyðslan á Fokker F27 var 1552 pund á klukkustund á níunda áratugnum, en er líklega um þriðjung minni núna. Fluggetan í efri hæðum er mun meiri hjá skrúfuþotunum þannig að í flugi Ernis eru aðeins skrúfuþotur.  

[Ómar Ragnarsson, 4.2.2023 kl. 18:50]

Aðferðin, sem beitt var til að losa Landhelgisgæsluna við TF-SIF, sýnist hafa verið í áföngum:

1. Reksturinn var settur í fjársvelti. 

2. Til að bregðast við því var farið að leigja vélina út í fjarlæg erlend verkefni fyrir gæslur annarra þjóða. Til að endar næðust saman hér heima var þetta gert í svo miklum mæli að vélin flaug sáralítið hér heima. 

3.  Vegna þess hve vélinni var flogið lítið hér heima, var það notað sem röksemd fyrir því að hennar væri ekki þörf, heldur væri hún baggi, sem þyrfti að losa sig við.