Aukin bílakaup eru nauðsynlegur hluti af orkuskiptunum.

Til þess að koma orkuskiptum í kring í landsamgöngum þarf ekki aðeins að slá í klárinn varðandi innviðina til aðstöðu við hleðslu bílanna, heldur þarf líka að fjölga bílunum sjálfum.  

Það kann að sýnast kostnaðarsamt á tímum, þar sem draga þarf úr þenslu og verðbólgu, en þá verður að hafa í huga, að áður hafa farið hér fram orkuskipti á síðustu öld, þegar jarðefnaeldsneyti var skipt út fyrir hitaveirur til húshitunar. 

Milljón tonn af olíu á ári fyrir samgönguflotann í beinhörðum gjaldeyri felur í sér mikinn ávinning, ef hægt er að losna við þau útgjðld. 

Fólksbílasala jókst um 16,1%

Athugasemdir

[Guðmundur Ásgeirsson, 10.5.2023 kl. 22:24]

Hvert er kolefnisfótsporið af smíði rafbíls og förgun við lok líftíma?

Hvert er heildarkolefnisfótspor bensínsbíls á meðallíftíma hans?

Hver er þungmálmafótsporið af rafbílnum vs. bensínbílnum?

Svörin við þessum spurningum eru lykilatriði.

[Hörður Þormar (IP-tala skráð) 11.5.2023 kl. 11:08]

Guðmundur.

Litíum og þungmálma í rafbílunum má endurnýta. Jarðefnaeldsneytið verður ekki endurnýtt.

[Guðmundur Ásgeirsson, 11.5.2023 kl. 11:16]

En hvað með kolefnisfótsporið af endurvinnslu þungmálmanna?

Þegar lítíumrafhlaða ónýtist er ekki hægt að endurnýta hana sem rafhlöðu. Hvað annað er þá hægt að endurnýta hana í?

[Hörður Þormar (IP-tala skráð) 11.5.2023 kl. 12:30]

Menn hafa velt fyrir sér hvernig hægt sé að minnka kolefnisfótspor þessara rafgeyma sem mest.

Þar sem vind- og sólarorka er virkjuð, þar er mikil þörf fyrir rafhlöðusamstæður til þess að geyma umframorku. Á það hefur verið bent á að eftir að litíumrafgeymar eru ónothæfir í bíla þá megi nota þá í mörg ár í slíkum rafhlöðusamsstæðum. Eftir það verði málmarnir úr þeim endurnýttir, það væri fráleitt að henda þeim á haugana. 

[Guðmundur Ásgeirsson, 12.5.2023 kl. 18:13]

Og hvað svo þegar rafhlöðurnar verða ónothæfar fyrir þessar samstæður?

Hvað á þá að gera við þær og hvaða umhverfisfótspor verður af því?

Verður það kannski bara "seinni tíma vandamál" eins og kjarnorkuúrgangur?