"Hjarta og æðakerfi hafanna"?

Veltihringrásin svonnefnda, sem mikið er pælt í núna, varð fyrst kunn fyrir tilstilli danskra vísindamanna á síðustu árum 20. aldarinnar. 

Danskir vísindamenn á sviði loftslags og hafstrauma "hafa lengið verið öflugir, enda teljast Grænland, Ísland og Færeyjar augljóslega á áhrifasvæði danskra hagsmuna. 

Dansk-íslenski sjónvarpsþátturinn "Hið kalda hjarta hafanna, "sem sýndur var á RÚV 1997 varð að umtalsefni bæði Forseta Íslands og forsætisráðherra, í áramótaávörpum þeirra og bar mikið á milli í skoðunum þeirra í þessu mál. 

Á þeim aldarfjorðungi sem síðar er liðinn, virðist heildarmyndin ekki hafa skýrst neitt, heldur virðast óvissuþættirnir enn fleiri nú an 1997.  

"Hjarta hafanna" sem fjallað var um teygði sig reyndar sem eins konar veltihringrás um Suður-Atlantshaf og Indlanshaf auk Norður-Atlantshafs, og virðist heildarmyndin hafa orðið mun margræðari og takmarkaðri í senn með árunum. 

Enn er rætt um möguleikann á kólnun hafs og veðurfars í norðvestanverðri Evrópu, og er myndin flóknari núna en hér um árið, þegar í alvöru var talað um mikla kólnun. 

 

 

 

 

 

 

 

 

 

 

 

 

 

 

 

 

 

Boða stöðvun hafstrauma við Ísland

Athugasemdir

[Sigurður Antonsson, 26.7.2023 kl. 23:38]

Fréttastofa Ríkisútvarpsins greinir frá þessari frétt um kólnun hófanna í dag og hefur eftir enskum fjölmiðill. Fréttin er upphaflega komin frá dönskum vísindamönnum við Niels Bohr Institut og Kaupmannahafnar Háskóla.

Tv2.d.k greinir frá henni 25. júlí og fjallar ítarlega um hafstraumana við Ísland og í Norður Atlandshafinu, einnig í dag. Suður hluti Grænlands er enn að sökkva í sæ, eins og sést best á mannvistarleifum frá norrænum víkingum við Hvarf. Talið er að þessi þróun hafi byrjað 900-1000. í byrjun litlu ísaldar og sé enn á fullu. Í dag sjáum við þessa þróun best við hækkun sjávar á höfuðborgarsvæðinu síðustu 50 ár. Sennilega 30cm hækkun eða meir. Mörg kort af ferð hafstraumanna fylgja útlistun Tv2.d.k.

Á fréttastofu RÚV er leitað í smiðju íslensk vísindamanns. Á tiltekt fréttarinnar hjá RÚV er athyglisvert að greina hvar fréttmenn leita fyrst fanga. Vel getur verið að dönskukunnátta yngri manna sé á undanhaldi og að enskan verði alls ráðandi. Hér áður fyrr hefði verið vitnað beint í danska vísindamenn eða fjölmiðla eftir nánari útskýringum og upplýsingum. Framlag Dana til rannsókna á ískjörnum í Grænlandi er ómetanlegt, ekki síður en rannsóknir á mannvistarleifum og búsetu frá víkingaöld.