Fylgi Trumps er einna erfiðasti galli bandarískra stjórnmála.

Þótt tilvera lýðskrumara með óslökkvandi valdafíkn og frekjutilburði séu oft meðal erfiðustu galla lýðræðisins útaf fyrir sig, er hitt þó sýnu alvarlegra hve furðulega miklu fylgi þessir menn geta oft náð meðal kjósenda. 

Það sýnir saga fjðlda af verstu einræðisherrum sögunnar á borð við þÁ verstir voru á milli Fyrri og Seinni heimsstyrjaldarinnar, sem voru raunar sama styrjöldin. 

Fyrir vestrænt lýðræði er það ferlegt hve miklu fylgi Donald Trump hefur náð, jafn ófyrirleitinn og sjálfhverfur þessi maður er. 

Staða hans í ððrum af tveimur megin stjórnmálaflokkum Bandaríkjanna er þannig vaxin, að hún er verra fyrirbrigði en maðurinn sjálfur, ef svo má komast að orði. 

 

Trump neitar sök í öllum ákæruliðum

Athugasemdir

[Birgir Loftsson, 4.8.2023 kl. 00:55]

Ég þurfti að lesa grein þína tvisvar, svo hissa er á orðum þínum. 

Þannig að, samkvæmt þínum orðum, eru 75 milljónir kjósenda Donald Trumps vitleysingar af því að þeir kusu eða munu kjósa hann "rangt"? Er ekki frekar eitthvað athugavert við hvernig þú lítur á lýðræðislegt ferli í vöggu nútíma lýðræðis, Bandaríkin?

Kjósandinn á samkvæmt þínum orðum að kjósa RÉTT annars er hann óferjandi og óalandi!

Eða ertu búinn að gleyma hvernig lýðræðið virkar? Vilji fólksins er driffjöður ríkisins í lýðræðisríki, ekki pólitískar ofsóknir andstæðinga, stjórnkerfi sjálft eða fjölmiðlar. We the people segir í stjórnarskrá BNA og öllum dómsmálum, ekki the state.

[Ingólfur Sigurðsson, 4.8.2023 kl. 09:56]

Það er búið að hamra á því síðan Trump komst til valda á RÚV og Stöð 2 - undir rós eða misskýrum orðum - að Trump sé hinn nýi Hitler. Árásin á Þinghúsið á að sanna það, en gerir það alls ekki. Ómar Ragnarsson ber það með sér að hafa unnið á RÚV og þekkja þar fólk enn. Hvað segir hann um tilvitnunina í Antony Blinken utanríkisráðherra Bandaríkjanna í Bidenstjórninni núna, sem Frjálst land birti:"Kjarnorkustyrjöld ekkert verri en loftslagsbreytingar?" Dómgreindarleysið hjá Biden stjórninni virðist stjarnfræðilegt, og klúðursleg ummæli Trump greinilega ekki einsdæmi eða bundin við repúblikana. Einræðistilburðir eru ekki bundnir við Trump eða aðra hægrilýðskrumara, sem eru mjög útþynnt útgáfa af Hitler, nei, þeir eru ekki síður hjá jafnaðarfasistum, ESB og Nató, osfv. Ýmis löggjöf sem Katrín vill setja á eða hefur sett á er fasísk í eðli sínu, til að minnka tjáningafrelsi, koma okkur á klafa erlendra valda. Það er einhverskonar fasismi, eða kommúnismi ef menn vilja orða það þannig frekar.

[Birgir Loftsson, 4.8.2023 kl. 11:38]

Ég hallast að því að Ómar hafi bara yfirborðs þekkingu á bandarískum stjórnmálum eins og flestir Íslendingar. 

Stjórnmálaástandið í BNA er ekki eðlilegt og bandaríska þjóðin ekki eins póliseruð, ekki síðan í Víetnam stríðinu.   En þá gátu Demókratar og Repúblikanar a.m.k. sameinast í sumum tilfellum, t.d.  í að reka Nixon.

Í dag er bæði þjóðin og flokkarnir báðir hættir að tala og vinna saman. Lýðræðið í landinu er beinlínis í hættu. Segjum svo að Demókrötum verði að ósk sinni og Trump fari í fangelsi. Hvað haldið þið að þá gerist? Þá held ég að hægri menn grípi fyrst til vopna og fjandinn verði laus.

Sterkur leiðtogi eins og Trump verður bara bolað í burtu með kosningum, ekki með pólitískum ofsóknir.  

Hæstiréttur Bandaríkjanna mun eiga síðasta orðið í málum Trumps og 6 af 9 eru skipaðir af Repúblikana forsetum.....

[Hörður Þormar (IP-tala skráð) 4.8.2023 kl. 13:01]

Maðurinn er "hjarðdýr". Hann reikaði um jörðina í fámennum hópum í nokkur hundruð þúsund ár udir stjórn einhverra leiðtoga. Með fastri búsetu og akuryrkju jókst stéttaskipting og ójöfnuður, leiðtogarnir urðu kóngar, jafnvel "guðir".  Þetta skipulag hefur verið ríkjandi með "þróuðum" þjóðfélögum í nokkur þúsund ár.

Stjórnarskrá Weimar lýðveldisins var sögð sú lýðræðislegasta sem til var, en þó var það samkvæmt henni sem Adolf Hitler var kosinn "leiðtogi" þýska ríkisins með lýðræðislegum hætti. Lýðræðið virðist aðeins geta þrifist þar sem jafnræði og velmegun ríkir.

[Ingólfur Sigurðsson, 4.8.2023 kl. 14:03]

Einræðisherrann Jahve sem kallaði sig guð almáttugan í Biblíunni hefur stjórnað mannkyninu bakvið tjöldin í 2000 ár, þar sem meirihluti mannkynsins aðhyllist Abrahamstrúarbrögðin og hefur gert í um það bil 2000 ár. Margt rétt í því sem þú segir Hörður Þormar, en ekki það síðasta.

Lýðræðið virkar aldrei og allrasízt á friðartímum þar sem "jafnræði og velmegun ríkir", þá ríkir Jahve, með lúmskum aðferðum, togar í spotta.

Lýðræðið getur aðeins virkað þar sem lýðurinn, hver einn og einasti er upplýstur, með sjálfstraust og jafna hæfileika og vilja á að tjá sig og eiga í jafningjasamskiptum. 

Lýðræðið virkaði bezt þegar Adolf Hitler var kosinn. Þá var fólk upplýst, ekki kúgað. 

 

Birgir, oft vit í því sem frá þér kemur.

 

Ég er sammála þessu sem þú skrifar. Í svona klofnu og póliseruðu samfélagi er hætta á því að lög verði sett sem leyfa fjöldaaftökur eða fjöldamorð. Áður en það gerist eru þó sett lög sem leyfa hindranir og kúganir, og það eru demókratar byrjaðir að gera heldur betur. Báðar fylkingar hafa áhuga á þessu, en demókratar hafa forystuna, enda með grænt ljós frá Evrópu og blindum fréttaskýrendum og "sérfræðingum". 

Það sem er kannski enn áhugaverðara er að þróunin í Evrópu, Asíu og víðar stefnir líka í svipaða átt, mishratt, innan Evrópusambandsins og utan, en innan Evrópusambandsins eru kannski mestu varnaglarnir settir, auk þess sem stjórnarskrá Bandaríkjanna er mjög traust, og á hana er trúað og ekki við henni hróflað. Þannig að mikið þarf enn að gerast áður en ástandið versnar, sem virðist þó vera að gerast.

[Birgir Loftsson, 4.8.2023 kl. 14:17]

Svo að ég komi Ómari aðeins til varnar, þá er það rétt að ákveðinn hópur kjósenda kýs sinn flokk eða leiðtoga, sama hversu slæmur sá flokkur eða leiðtogi er. En þá verðum við bara að leyfa þeim að kjósa "vitlaust", það er þeirra réttur.

[Guðmundur Örn Ragnarsson, 4.8.2023 kl. 15:51]

Ingólfur! Jehóva tel ég vera hið rétta nafn Almáttugs Guðs, en ekki Jahve. 

Og þar sem Hann er höfundur, og skapari allra hluta, hefur Hann einnig öll ráð í hendi sér á himni og jörðu.

7 Jehóva sagði við Samúel: Lát þú að orðum lýðsins í öllu því, sem þeir biðja þig um, því að þeir hafa ekki hafnað þér, heldur hafa þeir hafnað mér, að ég skuli ekki lengur vera konungur yfir þeim.

8 Svona hafa þeir ávallt breytt frá þeim degi, er ég leiddi þá út af Egyptalandi, allt fram á þennan dag. Þeir hafa yfirgefið mig og þjónað öðrum guðum. Öldungis á sama hátt fara þeir nú og með þig.

9 Lát því nú að orðum þeirra. Þó skalt þú vara þá alvarlega við, og segja þeim háttu konungsins, sem ríkja á yfir þeim. (1. Sam. 8.)

Það er aðeins Guðræðið sem virkar, lýðræði getur aldrei virkað vegna synda mannanna.

Innan skamms kemur Jesús aftur til jarðarinnar, samkvæmt ritningunni, og tekur við konungdómi yfir allri jörðinni. Hann stofnsetur þá hið svo kallaða þúsundáraríki á jörðu.

Áður en þetta gerist tekur Djöfullinn fyrst völdin í heiminum. Það er að eiga sér stað núna eins og hér er verið að lýsa að framan af svo mörgum bloggurum.

Við valdaskiptin, sem eru á næsta leiti, eiga sér stað nokkurs konar Ragnarök á jörðinni.

Ekkert er þó að óttast fyrir þá sem setja traust sitt á komandi konung, Jesú Krist.

[Heimir Lárusson Fjeldsted, 4.8.2023 kl. 17:51]

Ég er hissa á að Ómar sjái ekki hvaða kostum friðarsinninn Donald er búinn.

[Guðmundur Örn Ragnarsson, 4.8.2023 kl. 19:50]

Þú Ómar, og Björn Bjarnason sjáið Donald Trump með dálítið öðrum augum en Almáttugur Guð.

1 Svo segir Jehóva við sinn smurða, Kýrus (Donald Tump), sem ég hef tekið í hægri höndina á til að leggja undir hann þjóðir, ræna konunga vopnum til að opna hlið fyrir honum svo að borgarhlið verði ekki lokuð.

2 Ég geng sjálfur á undan þér (Trump) og jafna fjöllin. Ég mun brjóta eirhliðin og mölva slagbranda úr járni, 3 gefa þér hulda fjársjóði og falin auðæfi svo að þú skiljir að ég er Jehóva sem kalla þig með nafni (Donald Tump), ég Guð Ísraels.

4 Vegna Jakobs, þjóns míns, og Ísraels, míns útvalda, kallaði ég þig með nafni, gaf þér sæmdarheiti (Forseti Bandrikjanna) þótt þú þekktir mig ekki. Jes. 45.

[Ómar Ragnarsson, 4.8.2023 kl. 21:38]

Ég hefði átt að bæta því við, að það segir mikið um vandann í bandarískum stjórnmálum hvert Trump kemst, því að sárlegur skortur er á nógu öflugu fólki demókratamegin. Vestrænt lýðræði er og hefur alltaf verið sárgallað, en það hefur enn ekkert skárra fyrirkomulag fundist.