Mikill er máttur Joe Biden.

Donald Trump hefur nú fellt úrskurð sinn varðandi það hvað olli því að bandaríska landsliðið féll úr keppni á HM. Dómurinn var líkast til fyrirsjáanlegur: Joe Biden, rétt eins og að Trump fann það út að það hefði verið Joe Biden að kenna, að Bandaríkjamenn fóru með lið sitt frá Afganistan. 

Í því máli var það reyndar á forsetatíð Trumps sem óafturkræf ákvörðun var tekin um brotthvarfið.  

Í flestum íþróttum gildir það, að sá aðilinn tapar sem gerir fleiri mistök. Yfirleitt tekst engum að komast hjá því að gera mistök. 

En Trump virðist ekki viðurkenna slíkt aða sætta sig við það, heldur kýs frekar að finna blóraböggla, sem passa við þá svart-hvitu mynd, sem honum hugnast oftast best. 

Hann sakar bandarísa liðið fyrir þar að þar séu innan búðar margir sem séu andvígir Bandaríkjunum.  Þokkalegt landslið það, sem er á móti sér sjálfu og þjóð sinni!  

Trump gagnrýnir bandaríska landsliðið

Athugasemdir

[Guðmundur Örn Ragnarsson, 7.8.2023 kl. 20:36]

Þessi ritningarvers tileinkar Donald Trump sér:

28 Vér vitum, að þeim, sem Guð elska, samverkar allt til góðs, þeim sem kallaðir eru samkvæmt ákvörðun Guðs. 29 Því að þá, sem hann þekkti fyrirfram, hefur hann og fyrirhugað til þess að líkjast mynd sonar síns. Róm. 8. 1

Svo segir Jehóva við sinn smurða, Kýrus (Donald Tump), sem ég hef tekið í hægri höndina á til að leggja undir hann þjóðir, ræna konunga vopnum til að opna hlið fyrir honum svo að borgarhlið verði ekki lokuð.

2 Ég geng sjálfur á undan þér (Trump) og jafna fjöllin. Ég mun brjóta eirhliðin og mölva slagbranda úr járni, 3 gefa þér hulda fjársjóði og falin auðæfi svo að þú skiljir að ég er Jehóva sem kalla þig með nafni (Donald Tump), ég Guð Ísraels.

4 Vegna Jakobs, þjóns míns, og Ísraels, míns útvalda, kallaði ég þig með nafni, gaf þér sæmdarheiti (Forseti Bandríkjanna) þótt þú þekktir mig ekki. Jes. 45.

[Jónatan Karlsson, 8.8.2023 kl. 18:09]

Einhvern veginn finnst mér að þú, eins ágætur, fjölfær og fordómalaus þú nú einu sinni ert, að þú hafir horn í síðu Donalds Trump án þess þó að skilgreina það nánar.

[Ingólfur Sigurðsson, 8.8.2023 kl. 19:00]

Ég verð að vera sammála Ómari með að Trump er sjaldgæft eintak af manni, en ég er líka sammála Guðmundi Erni og þér, að hann var einstaklega friðsamur forseti þótt hann komi fólki á óvart með óvarlegum yfirlýsingum.

Vel getur verið að Guð velji ólíklega menn eins og Trump að vinna sín verk á jörðinni - svo fremi sem hann - ef hann verður forseti aftur - muni ekki koma af stað stríðum, og efli kaupmáttinn eins og hann gerði síðast.

Joe Biden og demókratar hafa verið sakaðir um að koma Úkraínustríðinu af stað og hergagnaiðnaðurinn sem er hluti af valdaelítunni þar, og sterk rök færð fyrir því. Varla hægt að finna verri forseta en Joe Biden ef það er rétt.

En ég skil að sumir hneykslist á Trump. En það sem reynt er að klína á hann er fremur smávægilegt. Ómar Geirsson bloggari kom með mjög góða skilgreiningu eftir "sigur" Bidens, að koma með "gervi-Trump" í forsetastólinn, ekta Gervi-Trump, og strengjabrúðu spillingaraflanna, sem er Joe Biden, sé mun verri aðför að lýðræðinu en þetta upphlaup í þinghúsinu, kjánaskapur sem hafði verið auglýstur, og alveg í samræmi við gorgeirinn í hans fólki.

[magnús marísson (IP-tala skráð) 8.8.2023 kl. 22:37]

þeir stjórnmálamenn sem kasta fjöreggi lýðræðisins á milli sín og snúast

eins og vindhanar eru hættulegir lýðræðinu.

[Ingólfur Sigurðsson, 9.8.2023 kl. 02:08]

Trump hefur verið með sín stefnumál á hreinu. Lýðskrumið þróaðist í Frakklandi í kringum frönsku byltinguna 1789, þar á jafnréttið uppruna sinn, Napóleon keisari, sem var fyrirmynd einræðisherra síðari tíma spratt uppúr þeim lýðræðisfarvegi.

Jafnaðarmenn eru þeir vindhanar sem eru hættulegir lýðræðinu, þeir gefa fólkinu völd án ábyrgðar, og fyrir vikið hefur almenningur fengið réttindi til að menga jörðina, sem getur leitt til heimsendis. Hjálparstarfið í Afríku hefur leitt til offjölgunar mannkynsins. Allt þetta var fyrirsjáanlegt. Góða fólkið kastar fjöreggi lýðræðisins á milli sín, Angela Merkel, George Bush, lofa fólkinu öllu fögru. Donald Trump reynir að vinda ofan af þessu. 

Það er alþekkt fjölmiðlalygi og vinstrisinnamóðursýki að Trump sé hættulegur lýðræðinu. Hann hefur sýnt og sannað annað þegar hann var við völd. 

Joe Biden og demókratarnir á undan honum komu af stað Úkraínustríðinu sem getur endað með kjarnorkustyrjöld og heimsendi. Ef einhver er hættulegur er það hann.