Ekki hægt að leysa vandamál með því að nota áfram hugsunina, sem olli þeim.

Gott ef það var ekki hinn vísi maður Albert Einstein, sem sagði, að ekki væri hægt að bæta úr mistökum með því að notast áfram við þann hugsanagang sem olli þeim. 

Ástæða þess að talað er um að íslensk heimili og fyrirtæki og orkuskptin sjái fram á orkuskort liggur ljós fyrir: Stóriðja og orkufrek erlend fyrirtæki hafa í morg ár fengið svo mikinn forgang í notkun íslenskrar orku að hann hefur fært þeim yfir 80 prósent hennar. 

"Það er nefnilega vitlaust gefið" eins og Steinn Steinarr komst að orði, og þarf að stokka spilin upp á nýtt.  

„Augljóst að þetta myndi ekki standast“

Athugasemdir

[Vagn (IP-tala skráð) 28.10.2023 kl. 09:12]

Það er gott ef andstæðingar virkjanna eru að skipta um skoðun. Ástæða þess að talað er um að íslensk heimili og fyrirtæki og orkuskiptin sjái fram á orkuskort liggur ljós fyrir: andstaða við virkjanir er óneitanlega megin ástæða þess að ekki fæst virkjað til að mæta þörfum almennings fyrir meiri orku. Hverjir eru að nota þá orku sem nú er framleidd, og virkjanirnar voru byggðar fyrir og greiddar af, kemur málinu ekkert við.

Það er vitlaust gefið, segja gjarnan þeir sem vilja taka það sem annarra er með réttu.

[Ingólfur Sigurðsson, 28.10.2023 kl. 12:47]

Auðvitað skiptir það máli hverjir nota þá orku sem til er. Sagt hefur verið af sérfræðingum að búið sé að virkja nóg, að orkan fari mest í orkufrekan iðnað, stóriðju og gagnaver eða álíka. Það eru auðrónarnir sem taka það sem annarra er með réttu.

Síðan hvenær eru Íslendingar svo ósjálfstæðir að þeir neyðist til að láta undan þeim sem ásælast orkuna í stað þess að nota hana fyrir sjálfa sig, okkur? Síðan hvenær fallast vinstrimenn á að láta Mammon stjórna sér?

Bjarni sem einnig bloggar um orkumál og virkjanamál, er með þekkingu í þeim geira, hefur lýst því að framtakssemi og dugnað vanti í að virkja og nýta orku.

Áður fyrr voru stjórnmálamenn sem tóku svona ákvarðanir næstum einir. Nú eru mál að velkjast lengi í kerfinu oft. Andstaðan við virkjanir er ekki allsráðandi á Íslandi, heldur að þurfa að setja hluti í nefndir, fá sérfræðiálit. Þetta er kölluð vönduð stjórnsýsla, sérstaklega af vinstrimönnum sem eru hrifnari af sérfræðingaveldinu.

Það er mikil einföldun í svari Vagns. Mér virðist sem stjórnmálamenn taki ekki réttustu ákvarðanirnar alltaf. Það væri hægt að ráðstafa orkunni sem er til þannig að þjónustuþörf innanlands væri sinnt.

Það mætti spyrja: Hvar er möguleikinn á þjóðaratkvæðagreiðslu? Slíkt er auðvelt með rafrænum hætti.

[Hörður Þormar (IP-tala skráð) 28.10.2023 kl. 14:52]

Meginhluti þeirrar orku sem virkjuð er á Íslandi fer til fyrirtækja sem vinna ál, kísiljárn og kísil sem nauðsynlegur er til að virkja sólarorkuna. Væru þessar vörur ekki unnar hérlendis þá væru þær samt framleiddar, e.t.v. við óhagstæðari skilyrði. Þar með erum við að færa framleiðsluna þangað sem hún er óvistvænni á heimsmælikvarða. Óvíst er að við getum jafnað þann mismun enda þótt við fyllum upp í alla okkar skurði.