Skipta litur og áferð klæðnaðar mestu máli í vali á forseta Íslands?

Sagt er að samfélagsmiðlar logi af umræðum um klæðnað kvennanna, sem eru í framboði til forseta Íslands. Hvers vegna aðeins er fjargviðrast út af klæðnaði kvennanna en ekki karlanna er íhugunarefni.

Þar áður hafði það vakið hneykslan að Baldur Þórhallsson skyldi ekki hafa það á hraðbergi hvernig hann greiddi atkvæði um Icesave í skammvinnri setu á Alþingi sem varaþingmaður. 

Samt gæti það vafist fyrir nokkrum þáverandi þingmðnnum í stjórnarandsætæðu hvernig þeir greiddu atkvæði því að það gerðu þeir sumir þegar fylkingar riðluðust að hlutal 

Hvað Baldur varðar er spurningin til hans út í hött, því að hann var ekki á þingi á þeim tíma sem Icesave var á dagskrá og ef liðinn er áratugur síðan.   

Umfjöllun um klæðnað kvenkyns frambjóðenda „óskiljanleg“

Athugasemdir

[Ómar Geirsson, 10.5.2024 kl. 20:19]

Blessaður nafni.

Það liggur við að maður haldi þig samsekan með fjárkúgun breta og Hollendinga, kennda við ICEsave.

Allt í þínu fari bendir til þess að þú sért vel ern, þess vegna er kattarþvottur þinn á Baldri lítt trúverðugur.

Alla vega vissi Baldur að hann var spurður um hvort hann sagði Já, eða Nei í fyrstu ICEsave þjóðaratkvæðagreiðslunni.

Fólk gleymir þessu ekkert nema kannski Biden, hann myndi kannski núna segja Já ef hann væri spurður svona í ljósi þess að hann tók ekki þátt í atkvæðagreiðslunni enda ekki íslenskur ríkisborgari.

Þeir sem muna ekki, þeir skammast sín fyrir atkvæði sitt, Baldur má þó eiga að hann laug ekki að hann hefði stutt þjóð sína á þessari ögurstund hennar.

Hins vegar nafni minn, þá hefur þetta meinta Já eða Nei ekkert að gera með hæfni Baldurs til að gegna forsetaembætti þjóðarinnar.

Og Baldur hefur kynnt sig með sóma og mikið mega menn vera forpokaðir til að sjá ekki að hann er hæfur, og yrði góður forseti.

Svona almennt séð, óháð því hvað menn ætla annars að kjósa.

Mundu síðan nafni að það eru konur sem fjargviðrast yfir klæðnaði, okkur körlunum er þessi umræða með öllu óskiljanleg.  Ég til dæmis hefði kosið þig sem forseta þó þú hefðir mætt í stúdíó á gönguskónum, því þá hefði ég kosið persónuna Ómar Ragnarsson, en ekki fötin sem Ómar Ragnarsson klæddist í sjónvarpssal.

Þú fórst ekki fram nafni, en ég fékk allavega tækifæri til að kjósa þig í Íslands framboði þínu, og gerði það samviskusamlega.

Kjósum í dag þann sem okkur líst best á.

Þetta er allt saman gott fólk.

Kveðja að austan.

[Ómar Ragnarsson, 11.5.2024 kl. 20:04]

Hve oft þarf ég að tönnlast á þeirri staðreynd að á meðan að Icesave var á dagskrá skrifaði ég margsinnis hér á síðunni gegn því að samþykkja Icesave. 

Sómuleiðis liðu mörg ár frá því að Icesave var til afgreiðslu hjá Álþingi gg þjóðinni og´það var tæknilega ómögulega fyrir Baldur að greiða atkvæði um það eftir á.  

[Bjarni (IP-tala skráð) 11.5.2024 kl. 20:20]

Það gleymir enginn hvort hann kaus með eða á móti icesave.  Ef svo ólíklega vill að hann eða hún muni ekki afstöðu sína og atkvæði í icesave þá er það sönnun fyrir því að viðkomandi var nákvæðmlega sama um framtíð þjóðarinnar.

Það er þó skömminni skárra að hafa sagt já í þeirri trú að það hafi að þeirra mati verið farsælasti kosturinn sem þjóðin stóð frammi fyrir. En það sinnuleysi að taka ekki afstöðu eða hafa verið svo afstöðulaus að þeim var sama um að þjóðin væri hneppt í skuldaklafa, eða muni ekki hver þeirra skoðun var á málinu, það er óafsakanlegt.

Ég skrifaði undir og kaus NEI í bæði skiptin.  Ég stóð í lappirnar og ég gleymi því ekki.  Þeir vingular sem muna ekki hver þeirra afstaða var verða aldrei sameiningartákn þjóðarinnar,

[Ómar Geirsson, 12.5.2024 kl. 00:04]

Blessaður nafni.

Ég geymi einn pistil eins og gullmola, það var pistillinn þar sem ég benti þér á að það væri ekkert rétt við það að bæði faðir minn, og tengdafaðir, báðir máttu ekki vamm sitt vita í fjármálum, alltaf staðið við sitt, væru núna kallaðir vanskilamenn vegna þess að þeir neituðu að greiða skuldir auðmanna.  Geymdi pistilinn því ég fékk gott ljóð frá þér sem var reyndar ekki hvatningarljóð við að segja Nei við ICEsave. 

Aukaatriði málsins því ég man ekki betur, alveg eins og þú, að þegar upp var staðið þá stóðstu keikur með þjóð þinn, alveg eins og þú gerðir sem 5 landvætturinn í umhverfismálum þegar þú fórst gegn níðskóm auðsins.

Hins vegar var þjóðaratkvæðið um ICEsave ekki mörgum árum eftir samþykkt Alþingis, landráðin að samþykkja fjárkúgun breta var samþykkt á Alþingi 30 desember 2009, þjóðaratkvæðið var 6 mars 2010, og auðvita man Baldur hvernig hann greiddi atkvæði.

Þó nafn hans byrji á B þá heitir hann ekki Biden.

Jón Gnarr sagði Já, viðurkennir í dag að það var rangt, og er maður að meiri á eftir. 

Baldur missti hins vegar af því tækifæri.

Kveðja að austan.